دعوتِ اسلامی کے  زیر اہتمام چلنے والے دارالمدینہ ہارلے پری پرائمری کیمپس میں نرسری کے طلبہ "Teen concept" لیکر میتھ ریسورس اسٹیشن پر ایکٹیویٹی کر کے Objectives حاصل کرنے کی کوشش کی۔

 دعوتِ اسلامی کے تحت ملتان کے دارالمدینہ آئی ایس ایس ٹو پرائمری کیمپس اور گلستان چوک کیمپس میں پچھلے دنوں جشن ولادت مصطفیٰ ﷺ کی خوشی میں اجتماعاتِ میلاد کا انعقاد کیا گیا۔ اس موقع پر دونوں کیمپسز کو برقی قمقموں اور مدنی پرچموں سے سجایا گیا ۔ محفل میلاد کا آغاز تلاوتِ کلام پاک سے ہوا جبکہ آقاﷺ کی نعتوں، کوئز مقابلوں اور درس و بیان کا سلسلہ بھی ہوا۔اس موقع پر طلبہ کا جوش و خروش قابلِ دید تھا۔

یکم دسمبر2019ءبروز اتوار اسلامی بہنوں کی مجلس مدنی انعامات کے تحت  پاکستان کے شہر ملتان میں مدنی انعامات اجتماع کا انعقاد کیا گیا جس میں مقامی اسلامی بہنوں نے شرکت کی ۔ ملتان زون کی مدنی انعامات ذمہ دار اسلامی بہن نے سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی ماحول سے وابستہ رہنے،ہفتہ وار اجتماع میں شرکت کرنے اور مدنی انعامات پر عمل کرنے کی ترغیب دلائی۔

اسلامی بہنوں کی مجلس شارٹ کورسز کے تحت فیصل آباد زون میں قاعدہ ناظرہ کورس  کا سلسلہ ہوا۔ مذکورہ کورس میں ایک ایسی اسلامی بہن بھی شریک تھیں جن کی کو رس کے دوران ہی شادی کا سلسلہ بھی تھا۔اَلْحَمْدُ لِلّٰہِ عَزَّ وَجَلَّ ان اسلامی بہن نے کورس کے دوران ایک بھی چھٹی نہیں کی،ان کا جذبہ تھا کہ میری کوئی چھٹی نہ ہو اس نیت سے وہ شادی والے دن بھی کورس میں حاضر ہوئیں اور سبق سنایا، مزید یہ کہ شادی میں جو سلامیاں وغیرہ انہیں دی گئیں وہ بھی ٹیلی تھون کی مدمیں جمع کروا دیں۔ ان اسلامی بہن نے 4 یونٹ (یعنی 40 ہزار) سے زائد رقم جمع کروائی۔

دعوتِ اسلامی کے تحت فیصل آباد زون میں واقع مدرسۃ المدینہ شالیمارمیں ایک بچی نے12 سال کی عمرمیں اور ایک بچی نے 13 سال کی عمرمیں تقریباً 15 ماہ میں قراٰن کریم حفظ کرنے کی سعادت حاصل کی اور ایک بچی نے 14 سال کی عمرمیں 17ماہ میں حفظِ قراٰن مکمل کرنے کی سعادت حاصل کی۔

دعوت اسلامی کے تحت دارالسنہ للبنات میں 26 نومبر2019ء سے پاکستان کے چھ شہروں ( کراچی،حیدر آباد،ملتان، فیصل آباد،گجرات ، راولپنڈی) میں 12 دن کا" اصلاح اعمال کورس" جاری ہےجن میں کم و بیش 180 اسلامی بہنیں شرکت کی سعادت پا رہی ہیں۔ کورس میں شریک اسلامی بہنوں کو تجوید کے ساتھ قراٰنِ پاک پڑھنے کا طریقہ ، فقہ اور سنتیں سکھانے کے ساتھ ساتھ مدنی انعامات کی عملی مشق بھی کروائی جارہی ہے۔

یاد رہے! 8دسمبر 2019ء سے پاکستان کے 6 شہروں(کراچی،حیدرآباد،ملتان ،فیصل آباد، گجرات ، راولپنڈی) میں قائم دارالسنہ للبنات میں اسلامی بہنوں کے لئے"فیضان قراٰن کورس" اور مدرستہ المدینہ بالغات کی مدرسات کی اسلامی بہنوں کے لئے " معلمہ مدنی قاعدہ کورس" کا آغاز ہونے جا رہا ہے۔فیضان قراٰن کورس میں شریک اسلامی بہنوں کو تجوید کے ساتھ ساتھ فقہ،نماز، فیضا ِن سورہ ٔنور(تفسیر)، تجوید،قرات اورمنتخب سورتیں یاد کروائی جائیں گی اس کے علاوہ پردے کے بارے میں سوال جواب ہوں گے۔

کورس میں داخلے کی خواہش مند اسلامی بہنیں درج زیل آئی ڈی پر رابطہ کریں۔

کراچی میں قائم اسلامی بہنوں کے دارالسنہ میں 12 روزہ اصلاح اعمال  کورس کا انعقاد کیا گیا جس میں کثیر اسلامی بہنوں نے شرکت کی۔پاک سطح شعبہ شارٹ کورسز ذمہ دار اسلامی بہن نے سنّتوں بھرا بیان کیا اور کورس میں شریک اسلامی بہنوں کو باقاعدگی کے ساتھ مدنی انعامات پر عمل کرنے کا ذہن دیا۔

دعوتِ اسلامی کے تحت 28 نومبر2019ء  کو کراچی میں اسلامی بہنوں کے ماہانہ مدنی حلقے کا انعقاد کیا گیا جس میں کثیر اسلامی بہنوں نے شرکت کی۔کراچی ریجن شارٹ کورسز ذمہ دار اسلامی بہن نے سنّتوں بھرا بیان کیا اور مدنی حلقے میں شریک اسلامی بہنوں کو فیضان انوار الفرقان کورس کرنے کی ترغیب دلائی۔

اَلْحَمْدُ لِلّٰہِ عَزَّ وَجَلَّ ہفتہ وار مدنی مذاکرے میں امیر اہلِ سنت دَامَتْ بَرَکَاتُہُمُ الْعَالِیَہ کسی ایک مدنی رسالے کے مطالعے کی ترغیب ارشاد فرماتے ہیں اور رسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے یا سننے والے خوش نصیبوں کی کارکردگی امیر اہل سنت دَامَتْ بَرَکَاتُہُمُ الْعَالِیَہ کی بارگاہ میں پیش بھی کی جاتی ہے۔اس ہفتے امیر اہلِ سنت دَامَتْ بَرَکَاتُہُمُ الْعَالِیَہ نے رسالہ "سانپ نما جن" پڑھنے یا سننے کی ترغیب دلائی۔

پاکستان اور بیرون ملک کی اسلامی بہنوں کی رسالہ"سانپ نما جن" پڑھنے ،سننے اور انفرادی کوشش کے ذریعے سے مطالعے کی کارکردگی4لاکھ 96ہزار895رہی۔

28 نومبر 2019ء کو دعوت اسلامی کے تحت اسلام آباد ریجن کی مدنی انعامات ذمہ دار اسلامی بہنوں کا مدنی مشورہ ہوا جس میں پاکستان ذمہ دار مدنی انعامات اسلامی بہن، ریجن سطح  اورزون مشاورت اسلامی بہنوں نے شرکت کی۔ عالمی مجلس مشاورت اسلامی بہن نے بذریعہ اسکائپ ذمہ داراسلامی بہنوں کی کارکردگی کا جائزہ لیتے ہوئے ان کی تربیت کی اور شعبے کے مدنی کاموں کو مزید مضبوط کرنے نیز عوام اسلامی بہنوں کے مدنی انعامات اجتماع کو مضبوط بنانے کے حوالے سے اہم امور پر بات چیت کی۔