گزشتہ روز  مبلغ دعوت اسلامی ہالینڈروٹرڈیم ڈویژن کے نگران حاجی توصیف انصاری عطاری کی دادی اور حاجی اکرم انصاری عطاری کی والدہ کا رضاء الہی سے انتقال ہو گیا تھا۔ مرحومہ نے نزع کے وقت حاجی توصیف عطاری کی تلقین پر کلمہ طیبہ کا ورد کرتے اس دنیا فانی سے رخصت ہوئیں۔ مرحومہ کو روٹرڈیم (ہالینڈ) کےقبرستان میں تدفین کیا گیا ۔ تدفین کے دوران EUریجن مالیات ذمہ دار حاجی علی قریشی عطاری نے حاضرین کو قبر کی تیاری کے حوالے سے ذہن دیتے ہوئے فرض علوم سیکھنے کا ذہن دیا ۔(رپورٹر۔ریجن یورپ مالیات نگران محمد علی عطاری)

دنیا بھر میں  نیکی کی دعوت عام کرنے والی عاشقان رسول کی مدنی تحریک دعوت اسلامی کے تحت بیرون ملک کے ذمہ داران کا آن لائن سنتوں بھرااجتماع ہوا جس میں امیراہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے بذریعہ ویڈیو لنک ان ذمہ داران کومدنی پھول دئیے ۔اس اجتماع پاک میں جانشین امیراہلسنت مولاناحاجی عبیدرضاعطاری مدنی مَدَّظِلُّہُ الْعَالِی نے بھی ان ذمہ داران کو بذریعہ ویڈیو لنک مدنی پھول دئیے اور مرکزی مجلس شوری کے تحت مدنی کام کرنے کی ترغیب دلائی۔اسی طرح مرکزی مجلس شوری کے نگران مولانامحمد عمران عطاری نے بھی اس سنتوں بھرے اجتماع میں بذریعہ ویڈیو لنک شرکت کی اور ذمہ داران کی مدنی کاموں کے حوالے سے تربیت فرمائی ۔

دعوت اسلامی کے زیر اہتمام آسٹریلیا، نیوزی لینڈ اور فجی میں سنتوں بھرا اجتماع ہوا جس میں مرکزی مجلس شوریٰ کے رکن حاجی محمد فضیل رضا عطاری نے عاشقان رسول کے درمیان کراچی سے بذریعہ ویڈیو لنک ”نوافل کے فضائل“ کے موضوع پر سنتوں بھرا بیان فرمایا۔

دنیا بھر میں قراٰن سنت کی تعلیمات اور نبی کریم صلَّی اللہ علیہ واٰلہٖ وسلَّم کی سنتوں کو عام کرنے والی عاشقان رسول کی مدنی تحریک دعوت اسلامی کے مدنی کاموں کی اَلْحَمْدُ لِلّٰہِ عَزَّ وَجَلَّ دنیا بھر میں دھومیں ہیں اور عالمی سطح پر ان مدنی کاموں کو سراہا بھی جاتا ہے۔ موجودہ صورتحال میں دعوت اسلامی کے تحت دنیا بھر میں فلاحی کاموں کا سلسلہ ہوا۔ یوکے میں بھی عاشقان رسول نے امیر اہل سنت دَامَتْ بَرَکَاتُہُمُ الْعَالِیَہ نےفرمان پر عمل کرتے ہوئے امدادی کام کئےاورلوگوں میں راشن اور پکے ہوئے کھانے تقسیم کئےجس کے لئے یوکےبرمنگھم میں باقاعدہ پہلا” فورڈ بینک“ بھی قائم کیا گیا۔

پچھلے دنوں برمنگھم سٹی کونسل پولیس کے چیف اور دیگر نے اس فورڈ بینک کا دورہ کیاجہاں ذمہ داران نے انہیں امدادی کاموں کے حوالے بریفنگ دی۔ دعوت اسلامی کے ان مدنی کاموں کو دیکھتے ہوئے ”برمنگھم سٹی کونسل“ کی جانب سے تعریفی خط دیا گیانیز برمنگھم لارڈ میئر آفس کی جانب سے بھی دعوت اسلامی کے فلاحی کاموں پر تعریفی خط دیا گیا۔ 

مدینہ منورہ میں عالمی وباء کے پیش نظر مسجد نبوی ﷺ کو زائرین اور دیگر عاشقان رسول کیلئے بند کردیاگیا تھا۔ تاہم اب مسجد نبوی ﷺ میں 31مئی 2020ء بروزاتوار فجر کی نماز سے محدود تعداد میں نمازیوں کےداخلے کا سلسلہ شروع کردیا گیا۔مسجد نبوی ﷺ میں داخلے کیلئے سماجی فاصلوں سمیت تمام تر احتیاطی تدابیر اختیار کرنا لازم ہوگا۔  

جمعۃ الوداع  کے موقع پر 25 مئی کو یوکے کی فضاء اللہ اکبر کی صداؤں سے گونج اٹھی، دعوتِ اسلامی کے مدنی مرکز فیضانِ مدینہ برمنگھم سمیت یوکے کی بیشتر مساجد میں لاؤڈ اسپیکر پر اذان دی گئی، ایسا یوکے کی تاریخ میں پہلی بار ہوا ہے۔ یوکے میں رہنے والے مسلمانوں نے اپنے گھر پر جب اذان کی آوازیں سنیں تو ان کی خوشی کی انتہا نہ رہی۔ دعوتِ اسلامی کےمدنی مرکز فیضانِ مدینہ برمنگھم میں پہلی بار مائیک پر بارگاہ رسالت مآب ﷺ میں ہدیہ درودسلام کا نذرانہ بھی پیش کیا گیا۔ 

دعوتِ اسلامی کے تحت برمنگھم یوکے میں تجہیز و تکفین   تربیتی نشست کا اہتمام کیا گیا۔ کورس میں مقامی اسلامی بھائیوں نے شرکت کی۔ کورس میں اسلامی بھائیوں کو تجہیز و تکفین کے مسائل سمجھائے گئے اور عملی طریقہ بھی سکھایا گیا۔

دعوتِ اسلامی کے تحت گزشتہ روز والسال یوکے میں مدنی مشورہ ہوا۔ مدنی مشورے میں دعوتِ اسلامی کے ذمہ داران نے شرکت کی۔ اس موقع پر  نگرانِ برمنگھم ریجن یوکے سید فضیل رضا عطاری نے اسلامی بھائیوں کو مدنی پھول دیئے۔