دعوتِ اسلامی کے تحت برمنگھم یوکے میں مالیات کے حوالے سے اجلاس ہوا۔ اجلاس میں برمنگھم اور مِڈ لینڈز یوکےمالیات کے ذمہ داران نے شرکت کی۔ اس موقع پر نگرانِ برمنگھم ریجن یوکے سید فضیل رضا عطاری نے اسلامی بھائیوں کو مدنی پھول دیئے۔

گزشتہ دنوں مدنی مرکز فیضانِ مدینہ اسٹچ فورڈ برمنگھم یوکے میں ایک سوڈانی اسلامی بھائی کی آمد ہوئی جہاں ان کی ملاقات نگرانِ برمنگھم ریجن یوکے سید فضیل رضا عطاری و دیگر   ذمہ داران سے ہوئی۔ دورانِ ملاقات سوڈانی نوجوان کو نیکی کی دعوت پیش کی گئی جس پر انہوں نے جامعۃالمدینہ میں پڑھنے کی نیت کا اظہار کیا۔

دعوتِ اسلامی کے تحت گزشتہ دنوں مبلغِ دعوتِ اسلامی مفتی عبدالنبی حمیدی عطاری(ساؤتھ افریقہ) نے جامعۃالمدینہ برمنگھم یوکےکیمپس کے اساتذہ و طلبہ کے درمیان مدنی حلقہ لگایا جس میں مدنی کاموں سے متعلق ان کی تربیت فرمائی۔

دعوتِ اسلامی کے تحت گزشتہ دنوں والسال  یوکے میں سنتوں بھرے اجتماع کا انعقاد کیا گیا جس میں بڑی تعداد میں عاشقانِ رسول نے شرکت کی۔ اس موقع پر خصوصی مہمان نگرانِ برمنگھم ریجن یوکے سید فضیل رضا عطاری نے سنتوں بھرا بیان فرمایا۔

دعوتِ اسلامی کے تحت گزشتہ دنوں ایسٹ مِڈ لینڈز اور ویلز یوکے کا مدنی مشورہ ہوا۔ مدنی مشورے میں ذمہ دار اسلامی بھائیوں نے شرکت کی۔ اس موقع پر نگرانِ برمنگھم ریجن یوکے سید فضیل رضا عطاری نےذمہ داران کو مدنی کاموں کے حوالےسے مدنی پھول دیئے۔

29 فروری اور یکم مارچ 2020ء کو انڈونیشیاکے صوبہ جنوبی کالیمانتان میں حضرت سید شیخ محمد زینی رحمۃ اللہ علیہ کا سالانہ عرس نہایت مذہبی عقیدت و احترام کے ساتھ منایا گیا ۔

اس موقع پر مبلغ دعوتِ اسلامی شیخ غلام یٰسین عطاری مدنی حفظہ اللہ نے دعوتِ اسلامی کی نمائندگی کرتے ہوئے عرس میں شرکت کی اور مکۃ المکرمہ زاد ہَااللہ شرفاً وَّ تعظیماً سے آئے ہوئے شیخ ھود العیدروس حفظہ اللہ سمیت یمن و دیگر مقامات سے عرس میں شریک علماو شیوخ سے ملاقاتیں کیں، انہیں دعوت اسلامی کے تعارفی میگزین بھی پیش کئے گئے ۔

شیخ غلام یٰسین مدنی حفظہ اللہ نے دعوتِ اسلامی کے شب وروز کو بتایا کہ مقامی افراد کے مطابق سید شیخ محمد زینی رحمۃ اللہ تعالٰی علیہ کے عرس میں شرکت کے لئے ہر سال تقریباً 10 لاکھ سے زائد افراد مزار شریف پر حاضر ہوتے ہیں جبکہ ہر سال زائرین کی تعداد میں اضافہ ہوتا جارہا ہے۔ زائرین کی کثرت کے باعث مزار شریف کے اطراف میں رہنے والے افراد اپنے گھروں پر زائرین کے لئے رہائش ، وضو، نماز اور لنگر کا انتظام کرتےہیں۔ اس سال بھی لنگر کے لئے کھانے کےکم وبیش 12 لاکھ پیکٹ بنائے گئے تھے جبکہ سینکڑوں گائیں ذبح کی گئیں تھیں۔

حضرت سید شیخ محمد زینی رحمۃ اللہ علیہ نے کالیمانتان میں موجود مدرسہ دارالسلام میں علم دین حاصل کیا اور زندگی بھر اپنی مجلس میں مصلے پر بیٹھ کر بیانات کرتے اور کتابیں پڑھاتے رہیں۔آپ رحمۃ اللہ تعالٰی علیہ کے دوصاحبزادے اور ایک صاحبزادی ہیں جو تحصیلِ علمِ دین میں مصروف ہیں۔ حضرت سید شیخ محمد زینی رحمۃ اللہ علیہ کا وصال 65 سال کی عمر میں سن 2005ء میں ہوا تھا۔

دعوت اسلامی کے زیر اہتمام 4 مارچ 2020ء کو قاہرہ مصر میں سنتوں بھرے اجتماع  کا انعقاد کیا گیا جس میں جامعۃ الازہر کے علمائے کرام اور اسٹوڈنٹس سمیت پاکستان، انڈیا، بنگلہ دیش، نیپال، سوریہ، سوڈان اور شام کے عاشقان رسول شریک ہوئے۔رکن شورٰی مولانا حاجی عبد الحبیب عطاری نے سنتوں بھرا بیان کیااور شرکا کو دعوت اسلامی کے تحت ہونے والی دینی خدمات کے متعلق معلومات فراہم کی۔ یادرہے کہ رکن شوری حاجی عبد الحبیب عطاری ان دنوں مدنی کاموں سلسلے میں ملک شام کے سفر پر ہیں۔

(اسٹاف رپورٹر) بنگلہ دیش میں ہونے والے دعوتِ اسلامی کے اجتماع کا باقاعدہ آغاز ہو گیا، مختلف علاقوں سے قافلوں کی آمد کا سلسلہ اب بھی جاری ہے، لا تعداد فرزندانِ اسلام اجتماع گاہ پہنچ گئے، ضلعی انتظامیہ، پولیس اور سٹی ٹریفک پولیس نے پارکنگ سمیت دیگر انتظامات مکمل کرلیے۔

اجتماع کا پہلا دن تین نشستوں پر مشتمل تھا۔ پہلے مرحلے کا آغاز تلاوتِ قرآن سے ہوا جس کے بعد حمدِ باری تعالیٰ اور نعتِ رسولِ مقبول پیش کی گئی۔ پہلی نشست سے مبلغِ دعوتِ اسلامی محمد ذاکر رضا عطاری نے وقت کا بہترین استعمال کے عنوان پر اور سید الفِ ثانی عطاری نے صبر و شکر کے موضوع پر سنتوں بھرا بیان کیا۔ عاشقانِ رسول نے ظہر کی نماز پنڈال ہی میں باجماعت ادا کی۔

دوسری نشست کا آغاز ایک بجکر پچاس منٹ پر تلاوت و نعت سے ہوا جس کے بعد مبلغِ دعوتِ اسلامی محمد مسعود عطاری نے قرآن کی روشنی میں اولیائے کرام کے شان و عظمت کے موضوع پر اور بعد نمازِ عصر مبلغِ دعوتِ اسلامی ظہیر الاسلام مجددی عطاری نے گانے باجے کی تباہ کاریوں سے متعلق سنتوں بھرا بیان فرمایا۔

تیسری نشست کا آغاز تلاوت نعت سے ہوا جس میں مبلغِ دعوتِ اسلامی محمد ریاض عطاری اولاد کی تربیت اور گھر والوں کی اصلاح پر جبکہ مبلغِ دعوتِ اسلامی محمد نعیم عطاری ہم کیوں نہیں بدلتے کے موضوع پر شرکا کے درمیان سنتوں بھرا بیان فرمائیں گے۔

اجتماع گاہ کے اطراف میں کئی ایکڑز پر محیط پارکنگ اسٹینڈز بھی بنائے گئے، پولیس کی جانب سے سکیورٹی کے فول پروف انتظامات کئے گئے ہیں، داخلی اور خارجی راستوں پر واک تھرو گیٹ لگا دیئے گئے ہیں اور اجتماع گاہ کی سی سی ٹی وی کیمروں سے نگرانی کی جارہی ہے۔

اجتماع میں آنے والے شرکاء کے مطابق وہ دین کی تعلیم حاصل کرنے کے لئے اجتماع میں آرہے ہیں، مبلغین نے اپنے اپنے بیانات میں امت مسلمہ کو نبی اکرم صلی اللہ علیہ وآلہ وسلم کی تعلیمات کی روشنی میں زندگی گزارنے کی ہدایت کی۔ واضح رہے کہ اجتماع کی اکثر نشستیں مدنی چینل بنگلہ پر براہِ راست نشر کی گئیں۔

دعوتِ اسلامی کی مرکزی مجلس شوریٰ کےرکن،عالمی اسلامک اسکالر حاجی عبد الحبیب عطاری4مارچ2020ء بروز بدھ شام7:30بجے(مصری وقت کے مطابق)قاہرۃ مصر میں ہونے والے اجتماع میں سنتوں بھرا بیان فرمائیں گے۔

مقام:قاعۃ کلاسیک، عوث الاسلامیہ کے قریب ، قاہرۃ مصر

گزشتہ دنوں شمالی افریقی ملک ملاوی(Malawi) میں مبلغِ دعوتِ اسلامی کی کوششوں سے ایک غیر مسلم نوجوان جسٹِن (Justin)نے اسلام قبول کرلیا۔نو مسلم کا اسلامی نام محمد رجب رکھا گیا ہے۔اَلْحَمْدُ لِلّٰہِ عَزَّ وَجَلَّدینِ اسلام دنیا بھر میں تیزی کے ساتھ پھیل رہا ہےگزشتہ نو ماہ میں صرف ملاوی(Malawi) میں 410غیر مسلموں نے مذاہبِ باطلہ کو چھوڑ کر دینِ اسلام قبول کیا۔