دعوت اسلامی کے زیرِ اہتمام 28 مارچ 2022ء بروز پیر پاکستان کے شہر فیصل آباد میں قائم مدنی مرکز فیضان مدینہ میں مناجات افطار کا انعقاد کیا گیا جس میں کافی عاشقانِ رسول نے شرکت کی۔

اس حلقے میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان فرمایا جبکہ مبلغینِ دعوتِ اسلامی نے امیر اہلِ سنت دامت بَرَکَاتُہمُ العالیہ سمیت دیگر عاشقان رسول کے لکھے ہوئے دعا یئہ کلام پڑھے۔بعدازاں نگرانِ پاکستان مشاورت حاجی محمد شاہد عطاری نے دعا کروائی۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پنجاب پاکستان کے شہر فیصل آباد میں قائم مدنی مرکزفیضان ِ مدینہ میں دعوتِ اسلامی کے زیرِ اہتمام دعائے افطار اجتماع کا انعقاد کیا گیا جس میں ذمہ داران سمیت دیگر عاشقانِ رسول نے شرکت کی۔

اس دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا اور امیراہلِ سنت دامت بَرَکَاتُہمُ العالیہ کے مناجاتی کلام بھی پڑھے۔ (رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ فیصلِ آباد میں شخصیات اسلامی بھائیوں کی تربیت کے لئے سیکھنے سکھانے کا حلقہ لگایا گیا جس میں مرکزی مجلس شوریٰ کے رکن  و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت کی۔

دورانِ حلقہ نگرانِ پاکستان مشاورت نے آنے والے شخصیات کو قیمتی مدنی پھولوں سے نوازتے ہوئے انہیں پانچوں نمازیں باجماعت پابندی کے ساتھ پڑھنے اورنیکی کے کاموں میں حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پنجاب پاکستان کے شہر فیصل آباد مدینہ ٹاؤن میں قائم مدنی مرکز فیضان مدینہ میں پچھلے دنوں دعوت اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے بذریعہ انٹرنیٹ صوبائی آفس نگران اسلامی بھائیوں کا مدنی مشورہ فرمایا۔

اس دوران نگرانِ پاکستان مشاورت حاجی محمد شاہد عطاری نے پچھلی کارکردگیوں کا جائزہ لیتے ہوئے آئندہ کے اہداف طے کئے اور ہفتہ وار اجتماع کا جائزہ لیا نیز دعوتِ اسلامی کے تحت منعقد ہوانے شب براءت اجتماع کے حوالے سے اہداف دیئے۔

بعدازاں نگرانِ پاکستان مشاورت نے ذمہ داران کو ان اجتماعات میں شرکت کرنے والے عاشقانِ رسول کی کی تعداد کو بڑھانے اور اس حوالے سے اقدامات کرنے کے بارے میں مدنی پھول ارشاد فرمائے جس پر انہوں نے اچھی اچھی نیتیں کیں۔ (رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پنجاب پاکستان کے شہر فیصل آباد میں قائم دعوت اسلامی کے مدنی مرکز فیضان مدینہ میں 8 مارچ 2022ء بروز منگل مدنی مشورے کا انعقاد ہوا جس میں تعمیراتی مجلس فیضان مدینہ فیصل آباد کے ذمہ دار اسلامی بھائیوں نے شرکت کی۔

اس مدنی مشورے میں مرکزی مجلسِ شوریٰ کے رکن ونگرانِ پاکستان مشاورت حاجی محمد شاہدعطاری نے سابقہ تعمیراتی کاموں کا جائزہ لیا اور نئے اہداف طے کئے۔

اس کے علاوہ نگرانِ پاکستان مشاورت نے تعمیراتی کاموں کے لئے رمضان عطیات اور دیگر عطیات زیادہ سے زیادہ جمع کرنے کے حوالے سے ذہن سازی کی۔بعدازاں تعمیراتی کاموں میں آنے والی مشکلات کو حل کرنے کے لئے مختلف اہم امور پر تبادلۂ خیال کیا گیا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پنجاب پاکستان کے شہر فیصل آباد میں قائم دعوت اسلامی کے مدنی مرکز فیضان مدینہ میں شعبہ آئمہ مساجد کے ذمہ داران اور امام صاحبان کی تربیت کے لئے ایک نشست ہوئی جس میں مختلف شہروں سے اسلامی بھائیوں نے بذریعہ زوم بھی شرکت کی۔

دوران ِ نشست مرکزی مجلسِ شوریٰ کے رکن ونگرانِ پاکستان مشاورت حاجی محمد شاہدعطاری نے ’’اصلاحِ اعمال‘‘ کے موضوع پر سنتوں بھرا بیان کرتے ہوئے اُن کی دینی و اخلاقی اعتبار سے تربیت فرمائی۔

اس کے علاوہ نگرانِ پاکستان مشاورت نے وہاں موجود اسلامی بھائیوں کو دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

24 فروری 2022ء بروز جمعرات پنجاب پاکستان کے شہر فیصل آباد میں قائم دعوت اسلامی کے مدنی مرکز فیضان مدینہ میں شعبہ مدنی کورسز و اعتکاف کے ذمہ داراسلامی بھائیوں کا مدنی مشورہ منعقد ہوا جس میں پاکستان مشاورت کے اراکین، نگرانِ شعبہ، صوبائی ذمہ داران اور جامعۃالمدینہ و مدرسۃالمدینہ کے متعلقہ اراکینِ شوریٰ سمیت دیگر ذمہ دار اسلامی بھائیوں نے شرکت کی۔

مرکزی مجلسِ شوریٰ کے رکن ونگران پاکستان مشاورت حاجی محمد شاہدعطاری نے اس مدنی مشوے میں شعبے کی تقرری کرتے ہوئے کارکردگی مع تقابلی جائزہ لیا۔ بعدازاں نگرانِ پاکستان مشاورت نے سابقہ اعتکاف کی کار کردگی پیش کی اور آئندہ کے اہداف طے کئے۔

واضح رہے اس مدنی مشورے میں مرکزی مجلسِ شوریٰ کے اراکین حاجی محمد امین عطاری، محمد اظہر عطاری، حاجی محمد رفیع عطاری اور حاجی فضیل رضا عطاری بھی موجود تھے۔(رپورٹ:عبدالخالق عطاری نیوز فالواپ ذمہ دار،کانٹینٹ:غیاث الدین عطاری)

21 فروری 2022ء بروز پیر پنجاب پاکستان کے شہر فیصل آباد میں قائم مدنی مرکز فیضان مدینہ میں دعوتِ اسلامی کے زیرِ اہتمام مدنی مشورے کا انعقاد کیا گیا جس میں مرکزی مجلسِ شوریٰ کے اراکین حاجی محمد اسد عطاری مدنی، حاجی محمد امین عطاری، حاجی محمد اظہر عطاری، حاجی محمد فاروق جیلانی عطاری، حاجی قاری محمد ایاز عطاری، حاجی محمد رفیع عطاری، پاکستان مشاورت کےاراکین اور مختلف شعبہ جات کے نگرانوں سمیت صوبائی ذمہ داران نے شرکت کی۔

دورانِ مدنی مشورہ مرکزی مجلسِ شوریٰ کے رکن و نگران پاکستان مشاورت حاجی محمد شاہدعطاری نے ذمہ دار اسلامی بھائیوں سے گفتگو کرتے ہوئےشعبہ جات کے دینی کاموں کے بارے میں اہم امور پر کلام کیا اور شعبہ جات کی ترقی کے لئے مدنی پھول ارشاد فرمائے۔(رپورٹ:عبدالخالق عطاری نیوز فالواپ ذمہ دار ،کانٹینٹ:غیاث الدین عطاری)

21 فروری 2022ء بروز پیر صوبۂ پنجاب پاکستان کے شہر فیصل آباد کے مدنی مرکز فیضان مدینہ میں دعوت اسلامی کی مرکزی مجلسِ شوریٰ کے رکن ونگرانِ پاکستان مشاورت حاجی محمد شاہدعطاری نے پنجاب مشاورت کے ذمہ داران کی میٹنگ کی جس میں مرکزی مجلسِ شوریٰ کے اراکین حاجی فضیل رضا عطاری، حاجی رفیع عطاری، مولانا حاجی عبدالحبیب عطاری، حاجی یعفور رضا عطاری، متعلقہ صوبائی نگران اور سرکاری ڈیژن و میٹرو پولیٹن نگران اسلامی بھائیوں سمیت دیگر ذمہ داران نے شرکت کی ۔

نگرانِ پاکستان مشاورت نے اس میٹنگ میں 12 دینی کاموں بالخصوص ہفتہ وار سنتوں بھرے اجتماع کی کارکردگی کا جائزہ لیا اور رمضان المبارک میں اعتکاف کروانے اور زیادہ سے زیادہ عطیات کرنے کے حوالے سے اہم نکات پر تفصیلی گفتگو کی۔

اس کے علاوہ نگرانِ پاکستان مشاورت حاجی محمد شاہدعطاری نے ذمہ داران کی تربیت کرتے ہوئے اپنے قیمتی مدنی پھولوں سے نوازا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

17 فروری 2022ء بروز جمعرات دعوت اسلامی کےزیرِ اہتمام مدنی مرکز فیضان مدینہ فیصل آباد میں مناجاتِ افطار کا انعقاد کیاگیا جس میں کثیر اسلامی بھائیوں نے شرکت کی۔

اس دوران مرکزی مجلسِ شوریٰ کے رکن ونگرانِ پاکستان مشاورت حاجی محمد شاہد عطاری نے’’حضرت سید نا امام جعفر صادق رحمۃ اللہ علیہ کی سیرت مبارک‘‘ کے موضوع پر سنتوں بھرابیان کیا۔

نگرانِ پاکستان مشاورت نے عاشقانِ رسول کوحضرت سیدنا امام جعفرصادق رحمۃ اللہ علیہ کی سیرت مبارک پر عمل کرنے کی ترغیب دلاتے ہوئےآخر میں دعا کروائی۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

گزشتہ دنوں دعوت اسلامی کے مدنی مرکز  فیضان مدینہ فیصل آباد میں عرسِ حضرت سید نا امام جعفر صادق رحمۃ اللہ علیہ کے موقع پر کونڈوں کی نیاز کا اہتمام کیا گیا جس میں مرکزی مجلسِ شوریٰ کے رکن و نگران پاکستان مشاورت حاجی محمد شاہد عطاری نے’’حضرت سید نا امام جعفر صادق رحمۃ اللہ علیہ کی سیرت مبارک‘‘ کے موضوع پر سنتوں بھرابیان کیا۔

اس دوران نگرانِ پاکستان مشاورت نے حاضرین کوحضرت سیدنا امام جعفرصادق رحمۃ اللہ علیہ کی سیرت مبارک پر عمل کرنے کی ترغیب دلاتے ہوئےاُن کی منقبت پڑھی اور دعا بھی کروائی۔بعدازاں حضرت سیدنا امام جعفر صادق رحمۃ اللہ علیہ کی نیاز کا سلسلہ بھی ہوا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

12 فروری 2022ء بروز ہفتہ پنجاب پاکستان کے شہر  فیصل آباد میں قائم دعوت اسلامی کے مدنی مرکز فیضان مدینہ میں مدنی مشورے کا انعقاد کیا گیاجس میں پاکستان مشاورت آفس کے اراکین اسلامی بھائیوں نے شرکت کی۔دورانِ مدنی مشورہ جانشین ِامیر اہلِ سنت مولانا حاجی عبید رضا عطاری مدنی مُدَّ ظِلَّہُ اْلعَالِیْ کی آمد کا بھی سلسلہ رہا۔

دعوت اسلامی کی مرکزی مجلسِ شوریٰ کے رکن ونگرانِ پاکستان مشاورت حاجی محمد شاہدعطاری نے ذمہ داران سے گفتگو کرتے ہوئے 2021ء میں ہونے والے دینی کاموں کی کار کردگی کاجائزہ لیا جس پر ذمہ داراسلامی بھائیوں نے دینی کاموں کی رپورٹ پیش کی ۔

اس کے علاوہ نگرانِ پاکستان مشاورت نے دینی کاموں کو مزید بہتر بنانے کے لئے مدنی پھول دیئے نیز آئندہ کے اہداف بھی طے کئے۔ (رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)