امیراہل سنت  حضرت علامہ مولانا محمدالیاس عطارقادری دامت برکاتہم العالیہ کی ولادت آج سے 72سال پہلے 26رمضان 1369ھ کو کراچی میں ہوئی ،آپ مشہورعالم دین ، پُراثر واعظ ،بہترین منتظم، صاحبِ دیوان شاعر، کثیرکتب کے مصنف، عابد و زاہد، عاشقان رسول کی عالمگیر تحریک ’’دعوتِ اسلامی‘‘ کے بانی اورسلسلۂ قادریہ رضویہ عطاریہ کے پیر طریقت ہیں۔ آپ کا شمار پندرھویں صدی ہجری کی مؤثرترین شخصیات میں ہوتاہے۔ ٭آپ ہزاروں بیانات اور دو ہزار سے زائد مدنی مذاکرے فرماچکے ہیں ۔ ٭فیضان سنت اورنعتیہ دیوان سمیت 117سے زائد کتب رسائل لکھ چکے ہیں ۔ ٭آپ کے مریدین کی تعداد لاکھوں اورمحبین کی تعداد کروڑوں میں ہے۔

٭آج سےتقریبا 40 سال پہلے ذیقعدہ 1401ھ (ستمبر1981ء) میں آپ نےاپنےچند رفقا کے ساتھ ’’دعوتِ اسلامی‘‘ کا آغاز کراچی میں فرمایا جس کا پیغام کم وبیش دنیا کے تمام ممالک میں پہنچ چکا ہے۔ ٭دنیا بھرمیں اسلامی بھائیوں اور اسلامی بہنوں کے 12 ہزار500 سے زیادہ ہفتہ واراجتماع ہوتے ہیں جن میں شرکاء کی تعداد ہرہفتے اوسطاَ 4 لاکھ 90ہزارہے ۔ ٭29 ہزار سے زائد مدرسۃ المدینہ بالغان وبالغات لگائے جاتے ہیں جن میں تقریبا 2لاکھ کے قریب اسلامی بھائی اور اسلامی بہنیں تعلیم قرآن میں مصروف ہیں ۔

٭دعوتِ اسلامی 108سے زائد شعبہ ہائے زندگی میں خدمت دین سرانجام دےرہی ہے کچھ شعبوں کی معلومات ملاحظہ کیجئے:

٭حفظ وناظرہ ٔقرآن کے لیے 4 ہزارسے زائدمدارس قائم ہوچکے ہیں جن میں ایک لاکھ 82ہزار سے زائد بچے اوربچیاں قرآن پاک کی تعلیم حاصل کررہی ہیں۔

٭845 جامعۃ المدینہ للبنات وللبنین میں درس نظامی کا سلسلہ جاری ہے جس میں 60 ہزار 500سے زائدطلبہ وطالبات علم دین کے زیورسے آراستہ ہورہے ہیں۔

٭آن لائن( یعنی بذریعہ انٹرنیٹ) مدرسۃ المدینہ،جامعۃ المدینہ اورشارٹ کورس کروانے کا سلسلہ جاری ہےجس میں 70ممالک کے تقریبا16 ہزارطلبہ وطالبات علم دین حاصل کررہے ہیں۔

٭شریعت کے مطابق دنیاوی تعلیم کے لیے دنیا کے کئی ممالک میں98کے قریب دارالمدینہ اسکولز قائم ہیں جن میں 25 ہزارسےزائد طلبہ وطالبات پڑھ رہے ہیں ۔الحاصل5 ہزار کے قریب علمی ادارے قائم ہیں جن میں 2 لاکھ 83 سےزائد طلبہ وطالبات نورِ علم سے منورہورہے ہیں ۔

٭مجلس خدام المساجد کے تحت ہزاروں مساجدبن چکی ہیں اور800سے زائدزیرتعمیر ہیں۔ ٭دنیا کے کئی ممالک میں 650 سے زائدمدنی مرکزبنام’’ فیضان مدینہ‘‘ بن چکے ہیں ۔

٭شعبۂ تصنیف تالیف’’المدینۃ العلمیہ‘‘ میں107 علمائےکرام 570کتب ورسائل لکھ چکے ہیں۔

٭ ٹرانسلیشن ڈیپارٹمنٹ 36زبانوں میں کثیر کتب ورسائل انٹرنیٹ اور مکتبۃ المدینہ کےذریعے شائع کرواچکاہے۔ ٭چارسال سےتین زبانوں (اردو،انگلش اورگجراتی) میں ماہنامہ فیضان مدینہ شائع ہورہاہے جس کی ماہانہ اشاعت 30 سے 40 ہزارہے ۔

٭مدنی چینل اورشعبہ سوشل میڈیا ،چارزبانوں(اردو،انگلش،بنگلا،عربی )میں اپنی خدمات پیش کررہا ہے جن کی نشریات دنیابھرمیں دیکھی جاتی ہیں۔

٭دارالافتاء اہل سنّت،شعبہ آئی ٹی(ویب سائٹ) ،دعوتِ اسلامی ویلفیئرٹرسٹ ، شارٹ کورسز،جیلوں، گونگے بہروں، شخصیات، کالجز و یونیورسٹی اور تعلیمی اداروں وغیرہ میں کام نیز دنیابھر کے قافلوں میں ہزاروں عاشقان رسول اورمبلغین کا سفرمزیدبراں ہے ۔

14 رمضان المبارک کو بعدِ عصر اور 15 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال: بُزرگوں کی کس طرح خدمت کی جائے ؟

جواب:بُزرگوں سے مُراد والدین ہیں تو اُن کی مالی اعتبارسےخدمت کی جائے ،دوا کے مُعاملے میں تعاوُن کیا جائے ،اُن کوراضی رکھاجائے ۔

سوال: بچوں کو نعت ومنقبت کس طرح یادکروائی جائے ؟

جواب: اِنہیں ’’بچوں کا مدنی چینل‘‘ دیکھاتےرہیں،خود بھی نعت ومنقبت پڑھتےرہیں تو انہیں یادہوجائی گی ۔

سوال:رِشتہ کرنے میں برادری کا عمل دَخل دینا کیسا ؟

جواب:میرامشورہ ہے کہ نِکاح کرنےمیں ماں باپ اوربرادری کواِعتماد میں لیا جائے ،ماں باپ کوراضی کرکے نِکاح کریں گے تو مسائل بھی نہیں ہوں گےاوربرکت بھی ملےگی ۔

سوال:جائز دُعاقُبول نہ ہواور یہ سوچ کر کہ ‘‘ہوسکتاہے کہ میرے لیے یہ چیز بہترنہ ہو‘‘ دُعامانگنا چھوڑدینا کیسا ؟

جواب:جائزدُعا مانگنانہیں چھوڑناچاہئے ،دُعا تو عبادت ہے،یہ بظاہرقُبول نہ ہورہی ہوتو مانگنانہیں چھوڑ چاہئے ،جودُعابظاہرقُبول نہ ہو،اُس کااَجروثواب دُعامانگنے والےکے لیے جمع ہوتارہتاہے ۔

سوال:’’نیلی آنکھوں والادھوکے باز ہوتاہے‘‘یہ کہنا کیساہے؟

جواب:اس طرح کی باتیں عوامی اوردل آزاری کاباعث ہیں ،جیسابھی بنایاہے، اللّٰہ پاک نےبنایاہے۔ایسی کوئی بات نہ کی جائے ۔

سوال: تحدیثِ نعمت کسےکہتے ہیں ؟

جواب: اللّٰہ پاک کی نعمت اورتوفیق کا اظہارتحدیثِ نعمت کہلاتاہے ۔

بعدِ تراویح ہونے والا مدنی مذاکرہ

سوال: خراٹے زیادہ آئیں تو کیا کریں ؟

جواب: نیند پوری کی جائے ،نیند پوری نہ ہونے یادکھاوٹ زیادہ ہونے کی وجہ سے خراٹے زیادہ آتے ہیں ،طبی علاج بھی ہے ،اپنے ڈاکٹرسےمشورہ کرلیاجائے ۔

سوال: بسااوقات آپ سمندری جہاز کے ذریعے سفرِمدینہ کی دعاکرتے ہیں کیا سمندری جہازکے ذریعے سفرِمدینہ مشکل نہیں ہے ؟

جواب: مشکل ہے مگراس کا اپنا لُطف ہے ۔

سوال: دُودھ پینے کے بعدکیادُعامانگی جائے ؟

جواب: اللَّهُمَّ بَارِكْ لَنَا فِيهِ وَزِدْنَا مِنْهُ ۔

سوال: ساری نعمتوں کا شکرکیسے اداکریں ؟

جواب:مکمل طورپر شکرتو ایک نعمت کا بھی ادانہیں ہوسکتا ،البتہ ساری نعمتوں کے شکرکے لیے حدیثِ پاک میں یہ دُعاآئی ہے ،اَلْحَمْدُللہ یہ دُعاپڑھنا میرےمُعمولات میں شامل ہے : صُبح کو یہ دُعاپڑھے: اللهُمَّ مَا أَصْبَحَ بِي مِنْ نِعْمَةٍ أَوْ بِأَحَدٍ مِنْ خَلْقِكَ، فَمِنْكَ وَحْدَكَ لَا شَرِيكَ لَكَ، فَلَكَ الْحَمْدُ وَلَكَ الشُّكْرُ ،شام کےوقت یہی دعاپڑھے مگر’’ مَا أَصْبَحَ‘‘ کی جگہ مَا أَمْسَى پڑھے ۔

سوال: اچھے اوربُرےدوست کی پہچان کیاہے ؟

جواب:اچھا دوست وہ ہے جس کو دیکھ کر خُدا یادآجائے ،اس کی صحبت میں ہماری نیکیوں میں اضافہ ہو ،اوراگرہم ذکر اللّٰہ سے غافل ہوں تووہ یاد دلائے،اس دَورمیں ایسا دوست کروڑوں میں ایک ہوگا ،اس لیے علمائے اہل سنت اوردعوت ِاسلامی کے عاشقانِ رسول کی صحبت اختیارکرنی چاہئے ۔

سوال: بخل(کنجوسی) کی کتنی صورتیں ہیں ؟

جواب:دوصورتیں ہیں :(1)شریعت نے جومالی حُقوق واجب کئے ہیں اُن کو اداکرنے کے لیےخرچ نہ کرنامثلا زکوۃ ادانہ کرنابخل ہے۔(2)جہاں مروت میں خرچ کرنا ہوتا ہے مثلا مہمان آئے تومہمانی نواز ی کرنے میں خرچ نہ کرنابھی بخل ہے۔

سوال:حضر ت ِامامِ حسن رضی اللہ عنہ کا یومِ وِلادت کیا ہے ؟

جواب:15رمضانُ المبارک

سوال: میں نے اپنے بیٹے کا نام ’’حسن ‘‘رکھاہے،تاکہ امامِ حسن رضی اللہ عنہ سےبرکتیں ملیں تو کیا مجھے برکتیں ملیں گی ؟

جواب: اِنْ شَاءَ اللہ برکتیں ملیں گی ۔

سوال: آپ نے ماہ رمضان کےروزے کب سے رکھنے شروع کئے ؟

جواب:اتنا یادہے کہ بچپن میں ماہِ رمضان کی آمدہوتی تو مزہ آتاتھا،ہمارےگھر انہ نمازروزے والاتھا ،ہوسکتاہے میں نے نابالغی سے ہی ماہِ رمضان کےروزے رکھنے شروع کئے ہوں۔

سوال:دعوتِ اسلامی کےمدنی کام کا آغاز ہند کےکس شہرسے ہوا ؟

جواب: ہند کے شہربمبئی سے دعوت ِاسلامی کےمدنی کام کا آغاز ہوا،میں وہاں مدنی قافلے میں حاضرہواتھا۔

سوال: جب ہمیں مدینہ شریف جانے کی سعادت نصیب ہوتوکیا یہ ذہن ہونا چاہے کہ یہیں انتقال ہوجائے اورمیری تدفین جنۃ ُا بقیع میں ہو یا واپسی کا ذہن ہونا چاہئے ؟

جواب:یہ ذہن ہونا چاہئے کہ وہیں ایمان پر خاتمہ اورجنۃ ُ البقیع میں مدفن نصیب ہو،واپس آنے کاذہن رکھنے والے کو حضرت مولانا حسن رضا رحمۃ اللہ علیہ نے غافل کہہ کر ڈانٹاہےکہ اے واپس جانے کاذہن رکھنے والے اپنے وطن لَوٹ کر وہاں کی زندگی سے بہتریہاں مدینہ شریف کی موت اچھی ہے۔

سوال:حضر ت امامِ حسن رضی اللہ عنہ کانام کس نے رکھا ؟

جواب:ہمارےپیارے آقا صلی اللہ علیہ والہ وسلم نے ۔

سوال: حضرتِ فاطمہ رضی اللہ عنہا کامزارکہاں ہے ؟

جواب:جنۃ ُالبقیع میں ۔

سوال:سری لنکا میں آپ کے خاندان کے کون سے افراد ہیں ؟

جواب:میری ایک بہن اورایک خالہ اورخالو سری لنکا میں رہتے تھے ،اب اُن کی اولادیں ہیں ۔

13 رمضان المبارک کو بعدِ عصر اور 14 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:کیاشرم کو ہی حیا کہتے ہیں ؟

جواب: جی ہاں ۔

سوال: کیاشبِ قدرپورے سال میں ایک مرتبہ آتی ہےیا زیادہ مرتبہ ؟

جواب:ایک ہی مرتبہ آتی ہے ۔

سوال: اللّٰہکے نیک بندے دن میں روزہ رکھتے اوررات میں قیام کرتے ہیں ،رات میں قیام کرنے سے کیامراد ہے؟

جواب: نماز،ذکر اللّٰہ،تلاوتِ قرآن وغیرہ سب اس میں شامل ہے۔

سوال:یومِ جمعہ کی افضلیت کی وجہ کیاہے ؟

جواب:ایک وجہ تو یہ ہے کہ نبی پاکصلی اللہ علیہ والہ وسلمنے اس کا افضل ہونا ارشادفرمایا ہے اوریہ بھی وجہ ہے کہ حضرت آدم علیہ السلام کی پیدائش اوروصال جمعہ کے دن ہواتھا۔

بعدِ تراویح ہونے والا مدنی مذاکرہ

سوال: اگربندے کی غلطی نہ ہو اورکوئی اس کی غلطی سمجھ کر اس کی اصلاح کرے تو وہ کیارپلائی کرے؟

جواب:وہ غصے میں نہ آئے اورنرمی سے اس سے کہے: آپ کا جذبۂ اصلاح مرحبا ،لیکن یہ بات جو آپ نے فرمائی ہے وہ یوں نہیں یوں ہے ،اس طرح کہہ کراسے مطمئن کرنے کی کوشش کرے ۔

سوال:غیرِعالم کااسلامی کتاب لکھنا کیسا؟

جواب:غیرِعالم کو اسلامی کتاب نہیں لکھنی چاہئے۔

سوال: لاک ڈاؤن کی وجہ سے تعلیمی ادارے بند ہیں مزید دوماہ کے لیے بند رہنےکا سنا ،ان دِنوں میں والدین کیا کریں ؟

جواب:والدین کو چاہئے کہ بچوں کو روزانہ پڑھنے کےلیے بٹھائیں ،علم پڑھنے پڑھانے سےبڑھتا ہے ۔حافظ ِ قرآن بھی قرآن کریم پڑھتارہے تو یادرہتاہے ورنہ بُھلادیاجاتاہے۔

سوال:غم ِدنیاسےکیسے بچا جائے ؟

جواب: رقم وغیرہ گم ہوجائے اورغم ہوتوحرج نہیں ،محبتِ دنیاوہ قابلِ مذمت ہے جس سے آخرت کونقصان ہوتا ہے مثلا محبتِ مال کی وجہ سے زکوۃ ادانہ کرے وغیرہ ،ایسی محبتِ دنیا ہوتو ا س کو دل سےدُورکرنےکی کوشش کرے ۔

سوال: قربانی کےگوشت کےبارےمیں آپ کیافرماتےہیں؟

جواب: قربانی کاگوشت تبرک اورباعثِ برکت ہے۔

سوال:برائی کسے کہتے ہیں ؟

جواب: جو بھلائی کی اُلٹ ہو وہ بُرائی ہے۔

سوال:بڑوں کا بچوں کے سامنے چھالیاکھا نا کیساہے؟

جواب:ہرگزنہیں کھانا چاہئے ،چھالیہ کھانے سے کینسرہونے کا اندیشہ ہے ،اس کے بجائے سونف کھا لیا کریں ،ذائقے کو بہتربنانےکےلیے اس میں مصری بھی شامل کی جاسکتی ہے۔

سوال:صالحین(اللّٰہ کے نیک بندوں) کاتذکرہ کرنے کا کیا فائدہ ہوتاہے ؟

جواب:روایت میں ہے : ’’عِنْدَ ذِکْرِ الصَّالِحِیْنَ تَنَزَّلُ الرَّحْمَۃُ ‘‘ یعنی نیک لوگوں کے ذکر کے وقت رحمت نازل ہوتی ہے۔ ) حلیۃ الاولیاء، 7/335)

سوال: جن صحابۂ کرام کوایک ساتھ جنّت کی بشارت ملی اُن کوکیاکہتے ہیں ؟

جواب:عشرہ مبشرہ۔

امیرِ اہلِ سنت حضرت علامہ محمد الیاس عطار قادری  دَامَتْ بَرَکَاتُہُمُ الْعَالِیَہ ہر ہفتے کسی ایک رسالے کے مطالعے کی ترغیب ارشاد فرماتے ہیں اور مطالعہ کرنے والوں کو اپنی دعا وں سے بھی نوازتے ہیں۔

اس ہفتے کا رسالہ ''زائرینِ مدینہ کے ایمان افروز واقعات'' ہے۔ رسالے کا مطالعہ کرنے یا سننے والوں کو امیر اہلِ سنت دَامَتْ بَرَکَاتُہُمُ الْعَالِیَہ نے اپنی دعا سے بھی نوازا ہے۔ دعائے عطار کے حقدار بننے کے لئے اس رسالے کا ضرور مطالعہ کیجئے۔

دعائے عطار

یاالٰہی! جو رسالہ ''زائرینِ مدینہ کے ایمان افروز واقعات'' کے 31 صفحات پڑھ یا سن لے اسے مدینے کا بار بار دیدار نصیب فرما اور موت کے وقت جلوہ مصطفےٰ سے اس کی آنکھیں ٹھنڈی کر۔ اٰمین

یہ رسالہ دعوتِ اسلامی کی ویب سائٹ سے بالکل مفت ڈاون لوڈ کیجئے

Download Now

12 رمضان المبارک کو بعدِ عصر اور 13 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:اسلام میں پاکی وطہارت کی کیااہمیّت ہے ؟

جواب:طہارت وپاکیزگی ایمان کا حصہ ہے اورصفائی ایمان سے ہے،اسلام ظاہری وباطنی طہارت کا حکم دیتاہے ۔نبیِ کریم صلی اللہ علیہ والہ وسلم کی طبیعت میں ہرطرح کی نفاست تھی ،ساراوجودِمسعود پاکیزہ تھا ۔

سوال: کہاوت ہے "سفروسیلۂ ظفر"،کیاایساہی ہے؟ہمیں بیرونِ ملک سفرکرنا چاہئے؟

جواب:ضروری نہیں کہ سفروسیلۂ ظفر(کامیابی کاذریعہ)بھی ہو،بیرونِ ملک جانے کے توبہت مسائل ہیں ۔عموماًبیرونِ ملک سوتیلی ماں کی طرح ہوتے ہیں،بعض اوقات بیرونِ ملک سے آئے لوگوں پر ظلم ہوتے ہیں ،اپنے ملک سے باہربہت مشکلات ہیں ،اپنے وطن میں محنت کریں گے تو عزت کی روزی اپنے ملک میں ہی مل جائےگی ،ماں باپ کوچاہئے کووہ اپنے بیٹوں کو باہربھیجنےکا ذہن رکھتے ہیں تواس پر غورکرلیں ۔

بعدِ تراویح ہونے والا مدنی مذاکرہ

سوال:کیا گُناہوں کے دُنیاوی نقصانات بھی ہیں ؟

جواب: گُناہ کرنے سے آخرت کا نقصان توہوتا ہی ہے،دُنیاکےنقصانات سامنے آتےہیں ۔

سوال:آپ کا حقوق العباد(بندوں کے حقوق) کے تعلق سے بہت احتیاط کا ذہن رکھتے ہیں ،یہ ذہن کیسے بنا ؟

جواب:دعوتِ اسلامی کے آغازسے پہلے میں نےفقیہِ اعظم مفتی ابویوسُف محمدشریف کوٹلوی رحمۃ اللہ علیہکی کتاب ’’حُسنِ اَخلاق‘‘کا مُطالَعہ کیا تو بہت لطف اورفائدہ اُٹھایا،اس میں موجود خوفِ خدا،تقویٰ اورحقوق العباد(بندوں کے حقوق)کےواقعات پڑھ کربہت اثرہوا،ان مُعاملات میں احتیاط کا ذہن بنا، اِس کے بعدتَنْبِیْہُ الْمُغْتَرِّیْن کامطالعہ کیا تواس سے بھی کافی فائدہ اٹھایا ،یہ بھی بہت نفع والی کتاب ہے ۔

سوال:8 گھنٹےکی نیند کے دوران پیشاب وغیرہ کے لیے اُٹھنا چاہئے ؟

جواب:جب ہم8گھنٹے کے لیےسوئیں تو4یا5 گھنٹےبعدبیدارہوکرپیشاب سےفراغت حاصل کرنی چاہئےکیونکہ پیشاب تیزاب کی طرح ہے ،اِس کاانسان کے اندرزیادہ دیررہناصحت کو نقصان پہنچاتاہے ۔

سوال:بایزیدبسطامی رحمۃ اللہ علیہ کون تھے ؟

جواب:بسطام شہرکے رہنے والے اوربہت بڑے ولی اللہرحمۃ اللہ علیہتھے،ان کا نام طیفورہے اورکنیت ابویزید ہے مگرمشہوربایزیدہے۔

سوال:پاؤں کی سیدھ میں کوئی تحریرہوتواس کی طرف پاؤں نہ کرنا کیسا؟

جواب:تحریرکی جانب پاؤں نہ کرناادب ہے،میں توجب سوتاہوں تو عمامہ شریف،(زینت کی نیّت سے )نمازکے لیے سرپرلی جانے والی چادر اورلباس پاؤں کی سیدھ میں نہیں رکھتا۔(یعنی جولباس نمازکےلیے استعمال کرتاہوں اس کابھی ادب کرتاہوں)

سوال:مقدس اشیااوربڑوں کاادب کرنےکےکیا فوائد ہیں؟

جواب:شریعت کےدائرےمیں رہتے ہوئے جو مقدس اشیا کا زیادہ ادب کرے گا،وہ ترقی کرتاجائے گا۔جوطالبِ علم اپنےاستاذ،کتاب اورعلم کا جتنا زیادہ ادب کرے اتنا ہی علم کافیضان پائےگا ،اسی طرح جو مُرید اپنے پیر کاادب کرے گاتواس کی ترقی ہوگی ،ادب کرنے والا اپنے ،استاذ،والدین ،پیروغیرہ کی دل کی دعائیں پائے گا۔

سوال:دولت سے ملنے والی عزّت اورعلم وتقویٰ سے ملنے والی عزت میں کیافرق ہے؟

جواب:یہ بات درست ہے کہ دولت سےعزّت ملتی ہے مگرلوگ اپنے مفادکی وجہ سے عزت کرتے ہیں ،جب تک دولت اس کے پاس رہے گی عزت بھی رہےگی ،دولت گئی تو عزت بھی گئی ،گویا عزت کرنے والا دولت مند سے زیادہ اس کی دولت کی عزت کرتاہے،دولت کی وجہ سے ملنے والی عزت پائیدار نہیں ،یہی حال عہدے کی وجہ سے ملنے والی عزت کا ہے مگرعلم وتقویٰ کی وجہ سےجو عزت ملتی ہےوہ پائیدار ہوتی ہے ۔ہم سب کوعلم وتقویٰ کا پیکر بنناہے۔قرآن کریم نے بھی عزت کامعیار تقویٰ (خوفِ خدا)قراردیاہے۔

سوال:جنّت اورجہنّم کہاں ہیں ؟

جواب:جنّت ساتوں آسمانوں کے اوپر اورجہنّم ساتوں زمینوں کے نیچے ہے۔

سوال:مدینۂ منورہ کوجنّت کہنا کیساہے ؟

جواب:کہہ سکتے ہیں ،میری جنت مدینۂ منورہ ہے،رَوضَۃُ الْجَنّہ (جنت کی کیاری)بھی تومدینۂ منورہ میں ہے۔

11 رمضان المبارک کو بعدِ عصر اور 12 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:بَلْعَم بن بَاعُوراکون تھا ؟

جواب:بَلْعَم بن بَاعُوراحضرت موسیٰ علیہ السلام کے زمانے کا ایک شخص تھا اورلوحِ محفوظ کو دیکھ لیتاتھا ،لوگوں نےاسےحضرت موسیٰ علیہ السلام کے خلاف بددُعا کرنےکوکہا،اس نےانکارکیا مگرلوگوں نےاسےتحائف دئیےاس پر یہ تیارہوگیاجیسے ہی اس نےبددُعاکی اس کاایمان ضائع ہوگیااوریہ جہنم میں ڈالاجائےگا۔اللہ پاک ہمارےایمان کی حفاظت فرمائے۔

سوال:ہم لوگوں کونفع کیسےپہنچاسکتےہیں ؟

جواب:لوگوں کونفع پہنچانے کے بہت سارےاندازہیں،مثلاًجس کو مالی حاجت ہواس کی مالی مددکردیجئے،آپ کی جائزسفارش سےکسی کاکام ہوجاتا ہو تو جائزسفارش کردیجئے ،بہت زیادہ فائدہ پہنچانے کی ایک صورت نیکی کی دعوت دینا بھی ہےجس کی وجہ سےوہ نیکیوں کےراستے پر چلے گا،یُوں جہنم سےبچےگااورجنّت کی طرف بڑھےگا۔

سوال:ایسابولناکیساہےکہ میری دُعاکبھی قُبول ہوتی ہی نہیں؟

جواب:یہ مبالغہ ہے ،ایسانہیں کہنا چاہئے،ہر دعاقُبول ہے قُبولیت کی یہی صورت نہیں کہ جومانگافوراً مل جائے بلکہ دُعاکی برکت سےآنے والی بلاٹل جاتی ،بڑی مصیبت سےبچت ہوجاتی یاآخرت کے لیے اس دُعا کاثواب ذخیرہ ہوجاتاہے،یہ سب دُعاکی قبولیت کی صورتیں ہیں ۔

سوال:بُردباری(Tolerance) کامعنی کیاہے؟

جواب:بُردباری کا معنی قو تِ برداشت ،نرمیوغیرہ ہے۔

سوال:آپ کےمدنی مذکروں کے سوال جواب لکھنا کیساہے؟

جواب:ان سوال جواب کوہرکوئی نہ لکھے،نہ ہی اپنی طرف سے جاری کرے کیونکہ لکھنے میں غلطی ہوجانے کااندیشہ ہے ۔دعوتِ اسلامی کی مجلس اَلْمَدِیْنَۃُ الْعِلْمِیَہکا شعبہ(تصنیف وتالیف)ان مدنی مذاکروں کو تحریرکرکے کتابی صورت میں شائع کرتاہے،مدنی مذاکروں کے اب تک تقریباً90رسائل دعوتِ اسلامی کی ویب سائٹ(www.dawateislami.net)پر موجودہیں ،ان کا مطالعہ کیا جائے ۔

سوال:صدقہ وخیرات کی قبولیت کامعیارکیاہے؟

جواب:حلال مال،اِخلاص اوراچھی نیّت سے دے ،ریاکاری نہ ہو اورنہ ہی دینے کاانداز ایساہوجس سے ضرورت مندکو اذیت ہو۔

بعدِ تراویح ہونے والا مدنی مذاکرہ

سوال: یہ کیسے ہوسکتاہے کہ بندہ نیک بھی ہواوراپنے آپ کو نیک سمجھےبھی نہیں؟

جواب:یہی تو کمال ہے ،جو شخص اپنے آپ کو نیک سمجھے وہ نیک نہیں ہوسکتا،جو واقعی نیک ہوتاہے وہ عاجزی والاہوتاہے،فطری طورپر بھی دنیا میں جو میں میں کرتاہے،اپنےکارنامے سُناتاہے تو لوگ اس کوپسندنہیں کرتے ۔

سوال:مدینۃ ُالاولیا ملتان کےبارے میں کیامشہورہے؟

جواب:مدینۃ ُالاولیا ملتان میں گور(قبرستان)،گرد(مٹی)اورگرمی کثرت سےہیں ۔(ملتان میں اولیائے کرام کے بہت زیادہ مزارات ہیں،جس کی وجہ سے ملتان کومدینۃُ الاولیاء یعنی اولیاء کا شہر کہاجاتاہے)

سوال: جب مصیبت آئےتوکیا پڑھناچاہئے ؟

جواب: جب مصیبت آئےتوبِسْمِ اللہِ الرَّحْمٰنِ الرَّحِیْمِ وَلَاحَوْلَ وَلَا قُوَّۃَ اِلَّا بِاللہِ الْعَلِیِّ الْعَظِیْمِ پڑھناچاہئے ۔

سوال:کیا اللہپاک سے ملاقات کےشوق کی دعاکرنی چاہئے؟

جواب: جی ہاں !یہ دعامانگتے رہنا چاہئے،رسولِ کریم،رَءُوْفٌ رَّحیمصَلَّی اللہُ عَلَیْہِ وَاٰلِہٖ وَسَلَّم کی یہ دعا مشہور ہے:اَللّٰھُمَّ اِنِّیۡ اَسۡئَلُکَ الرِّضَابَعۡدَ الۡقَضَاءِ وَ بَرۡدَ الۡعَیۡشِ بَعۡدَ الۡمَوۡتِ وَ لَـذَّة َ النَّظۡرِ اِلٰی وَجۡھِکَ وَالشَّوۡقَ اِلٰی لِقَائِکَ یعنی الٰہی!میں تجھ سے قضا کے بعد رضا کا، موت کے بعد اچھی زندگی کا اور تیرے دیدار کی لذّت کا اور تیری ملاقات کے شوق کا سوال کرتا ہوں ۔( …المعجم الکبیر،۱۸/ ۳۱۹،حدیث:۸۲۵،دون’’الکریم‘‘)

سوال:اصل خوفِ خداکیا ہے ؟

جواب:اصل خوفِ خدایہ ہے کہ اللہ پاک نےجس کام سےمنع کیاہے،اُس سے بازرہے ۔صرف آنسوبہانا خوف نہیں، البتہ رونا بھی اچھاہے ۔

سوال:تراویح کاکیامطلب ہے؟

جواب:یہ لفظ تراویحہ سے بنا ہے جس کا معنی ہےآرام وراحت حاصل کرنا،کیونکہ ہر4تراویح کےبعد وقفہ ہوتاہے،اس لیے اس کوتراویح کہتے ہیں ۔

سوال:عبادت میں چُستی نہیں ہوتی جبکہ ورزش اورکھیل کُودوغیرہ میں چُستی ہوتی ہے،اس بارے میں بھی کچھ رہنمائی فرمائیں۔

جواب:جب جسم میں بیماری ہوتو کھیل کُودمیں چُستی نہیں ہوتی،اسی طرح ہماری روح بیمارہے جس کی وجہ سےعبادت میں چستی نہیں ہوتی ،اس کاعلاج یہ ہے کہ عبادت کرتارہے ،چُستی کی دعاکرے،نیک لوگوں کی صحبت اختیارکرے،ذِکْرُاللہ کرتارہے ۔

سوال:جب بچہ پیداہوتاہے توروتاکیوں ہے ؟

جواب: اس وقت شیطان اس کوٹچ(Touch) کرتاہےجس کی وجہ سے وہ روتاہے۔

سوال:بال جھڑتےہوں توکیاکرے ؟

جواب:زیتون شریف کا تیل لگایاجائے،اگرکوئی گنجابھی مسلسل سرپرزیتون شریف کےتیل کی مالش کرتارہے تو بال نکل آئیں گے۔

سوال:حدیثِ پاک مشہور6 کتابوں کو عربی میں کیا کہتے ہیں ؟

جواب:حدیثِ پاک کی مشہور6کتابوں(بخاری شریف،مسلم شریف،جامع ترمذی ،سنن ِابنِ داؤد،سننِ ابنِ ماجہ اورسننِ نسائی) کو’’صحاح سِتّہ‘‘ کہتے ہیں ۔

سوال: کون سے دوپانی کھڑے ہوکرپی سکتے ہیں ؟

جواب:(1)زم زم شریف کا پانی (2)برتن یا لوٹے سے وضوکیا ہوتواس میں بچا ہواپانی ۔

10 رمضان المبارک کو بعدِ عصر اور 11 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال: اللہپاک کی عام رحمت اورخاص رحمت سے کیا مرادہے؟

جواب: اللہ پاک کی رحمت دوطرح کی ہے:(1)عام رحمت:تمام مخلوق کو رزقدینا ،ہوا،پانی ،روشنی سب کے لیے ہونا وغیرہ (2)خاص رحمت:اللہ پاک کاعرفان (یعنی اللہ پاک کی پہچان ہونا)یہ نیک مسلمانوں کو حاصل ہوتا ہے ۔

سوال:"فیضانِریاضُ الصَّالِحِیْن" کیسی کتاب ہے؟

جواب:"فیضانِریاضُ الصَّالِحِیْن"بڑی ایمان افروز کتاب ہے،مکتبۃ المدینہ سے خرید کر مطالعہ کریں ۔

سوال:جس طرح ماہِ رمضان میں مدنی چینل دیکھنے کا معمول ہوتاہے،رمضان المبارک کے بعدبھی ایسارہے،اس کا کوئی طریقہ ارشاد فرمادیں؟

جواب:ماہِ رمضان کے بعد اپنا ٹائم ٹیبل(Time Table)بنائیں،اس میں مدنی چینل دیکھنے کا ایک وقت مقررکرلیں ،اس طرح مدنی چینل دیکھنے میں کامیابی مل جائے گی ۔

سوال:پلاٹ جلد بِک(Saleہو)جائے اس کے لیے کوئی وظیفہ ارشادفرمادیں۔

جواب: جس چیز کو بیچناچاہتے ہیں ،اس پرپارہ 13،سُوْرۂ یُوسُف کی آیت نمبر 80پڑھ کردم کردیں ۔

سوال:اسلامی بہنیں اعتکاف میں کون کو ن سی عبادت کریں ؟

جواب:نمازیں پڑھیں ،قضائےعمری ہےتووہ پڑھیں(یعنی جس کے ذِمّے قضا نمازیں ہیں،وہ بھی اداکریں) ،قضائےعمری نہ ہوتو نوافل پڑھیں،تلاوتِ قرآن کریں ،اسلامی کتابیں بالخصوص "پردےکے بارے میں سوال جواب" کا مطالعہ کریں ۔

بعدِ تراویح ہونے والا مدنی مذاکرہ

سوال:بعض اوقات انسان کسی ایک عُضْومیں دردیاتکلیف کی وجہ سے پریشان ہوجاتاہے،جبکہ دیگراعضا سلامت ودرست ہوتے ہیں ؟اس موقع پر کیا کرنا چاہئے۔

جواب:پریشانیاں مختلف طرح کی ہوتی ہیں ،اگرصرف سردردہو تو یوں صبرکرنا چاہئے کہ دیگراعضا تودُرست ہیں،البتہ ایک عُضْو میں دردہوتا ہے تو سارابدن اس کی وجہ سے پریشان ہوتاہے بہرحال جتنی تکلیف زیادہ ،اتنا صبر کرنا مشکل ،جتنا صبر کرنامشکل ہواورصبر کیا جائےتواس پر ثواب بھی زیادہ ملے گا۔

سوال:حضرت عبداللہ بن عباسرضی اللہ عنہکی آنکھوں کی روشنی چلی گئی تو انھوں نے کیا فرمایاتھا؟

جواب: فرمایا:" میری آنکھوں کی روشنی چلی گئی ہے مگرنورِہدایت موجودہے ،اس پر اللہ کا شکرہے "۔

سوال: بھُوکا رہنے اورخاموش رہنے میں مشکل کیاہے؟

جواب:بھُوکا رہنا آسان ہے مگرخاموش رہنا مشکل ہے ،زبان قابومیں نہیں رہتی ،بتیس (32)پہرے داروں (یعنی دانتوں)اورہونٹوں کا پھاٹک کھول کربول پڑتی ہے ،کہا جاتاہےزبان ایک ہی ہے مگراچھی زبان گھوڑے پر بٹھاتی یعنی عزّت دِلاتی ہےاوربُری زبان گدھے پر بٹھاتی یعنی ذِلّت میں مبتلاکرتی ہے ۔

سوال:وقت کی پابندی(Punctuality)کتنی ضروری ہے؟

جواب: بہت ساری چیزیں ہمیں وقت کی پابندی سکھا رہی ہوتی ہیں ،سحری افطاری وقت پر ہی کرنا ہوتی ہے،نمازیں اوراذانیں وقت پر ہی دینا ہوتی ہیں ، الغرض وقت کی پابندی کے بغیردرست کام نہیں ہوسکتا ،ہماری زندگی کا وقت بھی مقررہے جب وقت پورا ہوجائے گا ،تو ہم اس دنیا سے رخصت ہوجائیں گے ،وقت کا پابند بننے کے لیے اپنے دن رات کا جدول (Schedule)بنا لیں ،ساری چیزوں کاوقت طے کرلیں حتی کہ پانی پینے کا وقت بھی مقررکریں اورپانی پینے کی پابندی بھی کریں ۔روزانہ کم ازکم 12 سے16 گلاس پانی پینا چاہئے ،آدھے گھنٹے یا ایک گھنٹے کے بعد ایک بھراہواگلاس پی لیا کریں ۔

سوال: جس گھر میں مکمل(سینٹرل)اے سی(A.C)ہوتو کیاوہاں پنکھے بھی ہونے چاہئیں؟

جواب:جی ہاں!کیونکہ اے سی(A.C) میں کوئی خرابی ہوجائے تو پنکھے کام آسکیں گے۔

سوال:جو عاشقانِ رسول ہرسال ماہِ رمضان میں خود یا فیملی کے ساتھ حرمینِ طیبین جاتے(عمرہ کی سعادت حاصل کرتے) ہیں ،اس دفعہ کروناوائرس اورلاک ڈاؤن(Lockdown) کی وجہ سے نہیں جاسکے ان کو کیاکرناچاہئے؟

جواب:وہاں کی حاضری سعادت مندی ہے ،میری ان سے عرض ہے کہ جو اس سفرمیں اخراجات ہونے تھے، وہ دعوتِ اسلامی کوجمع کروادیں کیونکہ لاک ڈاؤن(Lockdown)کی وجہ سےعطیات(چندے،فنڈ) کے کم ہونے پر تشویش ہے اوردعوتِ اسلامی کے اربوں روپے کے اخراجات ہیں،اللہ پاک آپ کے رِزق میں برکت فرمائےگا۔

سوال:کون سی 2 شخصیات بہت زیادہ رویاکرتیں تھیں؟

جواب:(1)حضرت نوح علیہ السلام(2)حضرت امام زینُ العابدین( علی اوسط بن امام حسین رحمۃاللہ علیہما)

سوال:بچہ بیمارہواوراس پر صبر نہ آئے تو کیا کریں ؟

جواب:صبر نہیں بھی کریں گےتو وقت گزرجائے گا ،اس لیے صبرکرکے اجرکماناچاہئے ۔صبر کرنے والوں کے لیے جنت کی خوشخبری ہے۔

سوال: کیا سچ بولنےسے کامیابی ملتی ہے؟

جواب:سچ میں ہی کامیابی ہے ،دنیا وآخرت میں جھوٹ نقصان دہ ہے ،دنیا میں جھوٹے کااعتمادا وربھروسا اُٹھ جاتاہے،’’جھوٹے کا منہ کالا“یہ تو مشہورمحاورہ ہے ۔

سوال:حضرت مولاناقاری محمد مصلح الدین قادری رحمۃاللہ علیہ نے آپ کو محدثِ اعظم پاکستان حضرت مولانامحمد سرداراحمدچشتی قادِری رحمۃاللہ علیہما کی کیابات بتائی جس سےآپ کو ایک سنّت معلوم ہوئی؟

جواب: تقریباًپچاس سال(50 Years) پہلے کراچی کےمشہوربزرگ ،خلیفۂ مفتی اعظم ہند وقطبِ مدینہ وصدرالشریعہ حضرت مولاناقاری محمد مصلح الدین قادری صاحب رحمۃاللہ علیہ کی خدمت میں حاضرتھا ،انھوں نے بتایاکہ محدثِ اعظم پاکستان مولانا سرداراحمد صاحب رحمۃاللہ علیہسُنّتوں کے بہت پابندتھے،چونکہ قہقہہ لگانا سُنّت نہیں، اس لیے آپ قہقہہ بھی نہیں لگاتے تھے۔

سوال:ہم دعوتِ اسلامی کی مالی امدادکس طرح کرسکتے ہیں؟

جواب:جو کاروبارکرتے ہیں وہ روزانہ اپنی سیل(آمدن) کاایک فیصد(1%)اورجوملازمت کرتے ہیں وہ ہرماہ اپنےمشاہرے(Salary)کادوفیصد(2%) غوث ِپاک کے ایصالِ ثواب کی نیت سے دعوتِ اسلامی کےہرجائز،دِینی،اِصلاحی،فلاحی،خیرخواہی اوربھلائی کے کام میں خرچ کی نیت سے دیاکریں۔ذمہ داران اس تحریک کوچلائیں،دعوتِ اسلامی کے تمام اجیر(Employs)اسلامی بھائی اوراجیراسلامی بہنیں بھی اپنے مشاہرے میں دوفیصد(2%) کی ترکیب کریں،اپنےشعبے کے نگران کو کہہ دیں کہ وہ میرادوفیصد(2%)مشاہرہ کاٹ کربقیہ مجھےدے دیاکریں،ذمہ داران توجہ فرمائیں:جو نہ دے سکےاس سےاصرارنہ کریں اورنہ ہی کسی کو بُراکہیں۔

سوال:صحابۂ کرام رضی اللہُ عَنْہُمْ اَجْمَعِیْن اوراولیائے کرام کی محبت میں اضافہ کیسے ہو؟

جواب:صحابۂ کرام رضی اللہُ عَنْہُمْ اَجْمَعِیْن اوراولیائے کرام کی سیرت کا مطالعہ کریں اورسُنیں گے تو ان کی محبت میں اضافہ ہوگا ۔

سوال:اعتماد ِخلق کیاہے؟

جواب:اسباب پیداکرنے والے (اللہ پاک )کوچھوڑکراسباب (یعنی مخلوق اوردیگرچیزوں)پر بھروسا کرنا، یا اللہ پاک کوچھوڑ کرمخلوق پر بھروسا کرلینااعتمادِ خلق کہلاتا ہے ۔یہ باطنی بیماری ہے ،اس کو دُورکرنے کی کوشش کرنی چاہئے۔

سوال:نجات دلانےوالی سورت ’’سُوْرۂ مُلْک‘‘ اوردیگردعائیں یاد کرنےکا کوئی طریقہ ارشادفرمائیں؟

جواب:اگرگھرمیں سورۂ یٰسِین ،سُورہ ٔ مُلک ،مختلف دعاؤں کے فریم (جنہیں دیکھ کرپڑھا اورتلاوت کی جاسکے) لگالئے جائیں تو پڑھنے کی عادت بن جائے گی اوریہ سُورتیں اوردعائیں یادبھی ہوجائیں گی ،میں نے بھی اس طرح کی فریمیں لگا کر سُورہ ٔ مُلک اورکئی دُعائیں یاد کی ہیں ۔

سوال: کیا تربیّت سے ہی کسی کو اعلیٰ منصب ملتاہےیا قدرتی طورپر اس میںرہنما(Leader)بننے کی صلاحیّت ہوتی ہے؟

جواب:دونوں صُورتیں ہیں ،نبوّت اورولایت وَہَبی(اللہ پاک کی عطاکردہ)ہے،کسبی(کوشش سےحاصل کرنا )نہیں ،دنیاوی مناصب بسااوقات تربیت سےحاصل ہوتے ہیں ،جیسے MNAوغیرہ بننے کےلیے گریجؤیشن ضروری ہےاوربعض اوقات لیڈرمیں شروع سے ہی قدرتی گیٹس اورچھاجانےکی کوالٹی ہوتی ہے ،جس کےاندریہ صلاحیت ہوتی ہے وہ اسلامی تعلیمات حاصل کرےاوراسلام کی خدمت میں اس صلاحیت کواستعمال کرے توبہت ساروں کا بھلاہوگا۔یہ اللہ کے کرم سے ہی ہوسکے گا ۔میں بیرون ِملک تھا ،ایک شخص (جوبظاہرکوئی شخصیت معلوم نہیں ہوتاتھا)اس نےمجھے اپنے ہاں بیان کرنے کی دعوت دی ،میں نےاُس سے کہا کہ آپ قانونی اجازت وغیرہ کی ترکیب بنا لیں گے؟اس نے کہا:جی ہاں !پھر اس نے ایسا کربھی لیا ،مجھے بتایاگیایہ عام آدمی نہیں ہےبلکہ فُلاں قوم کالیڈرہے ۔بعض اوقات معاشرے کاکُچلاہواکوئی فردبھی حادثے ،ظلم وغیرہ کاشکاریا متاثرہوکرلیڈربن جاتاہے ۔

سوال:غفلت کے بارے میں آپ کیافرماتے ہیں ؟

جواب:اسلام میں غفلت کی پذیرائی نہیں ،کسی نہ کسی صورت میں اللہپاک کی یاد میں مگن رہنے کی ترغیب ہے۔ہمارے پیارے آقاصلی اللہ علیہ والہ وسلم کا کوئی لمحہ غفلت میں نہیں گزرتاتھا۔

دعوت اسلامی کی مجلس ویلفیئر کے ذمہ دار اسلامی بھائی عالمی مدنی مرکزفیضان مدینہ کراچی سے بذریعہ ٹرک راشن لے کر حب چوکی کے رئیس گوٹھ میں راشن، کھانا اور سوٹ کی تقسیم کا سلسلہ ہوا۔ دوسری جانب عالمی مدنی مرکزفیضان مدینہ کراچی سے ہی راشن سے بھرا ایک ٹرک بلوچستان کے لئے روانہ ہوا۔ اس حوالے سے مجلس دعوت اسلامی ویلفیئر کے رکن اسلامی بھائی نے مدنی چینل کو بتایا کہ الحمد للہ دعوت اسلامی کی جانب سے  راشن کی تقسیم کا سلسلہ جاری ہے اور اسی سلسلے میں ہم بلوچستان میں بھی راشن تقسیم کررہے ہیں، تمام عاشقانِ رسو ل سے تعاون کی التجا ہے۔ 

9 رمضان المبارک کو بعدِ عصر اور 10 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:اپنی یااپنےبچوں کی ویڈیو(Video) بناکرسوشل میڈیا (Social Media)پراپ لوڈ(Upload) کرتے ہوئے کیااچھی نیّت کی جاسکتی ہے؟

جواب:ویڈیو(Video)بناکر اپ لوڈ(Upload) کرنےسےپہلےاپنے ضمیر کےتھرمامیٹرسےچیک کرلیں(یعنی اپنے آپ سے سوال کریں) کہ اس کا مقصد اللہ پاک رضا ہے یا واہ واہ(شہرت) مقصود ہے۔اللہ پاک کو راضی کرنے کی نیت ہوتو ایسا کرے ورنہ بازرہے ۔

سوال:1باردُرود شریف پڑھنے سے10 رحمتیں نازل ہوتی ہیں ،’’رحمت ‘‘سے کیامُراد ہے ؟

جواب:رحمت کی تعریف : بھلائی کا ارادہ فرمانا ، اللہ پاک جس سے بھلائی کا ارادہ فرماتاہےتو کہتے ہیں"اللہ پاک رحمت یعنی ثواب وبدلہ عطافرماتاہے ۔

سوال:ظنِ غالب کا کیا معنیٰ ہے؟

جواب:سوچ کا جھکاؤجس معاملےمیں چھا جائے ،اسے ظن ِغالب کہتے ہیں ،سوچ کا یہ درجہ یقین سے کم ہوتاہے۔

سوال:ہم جہنم سےکیسے بچ سکتے ہیں ؟

جواب:گناہ نہ کریں کہ گناہ جہنم میں داخلے کاسبب ہیں،اللہ پاک کی رحمت پر نظررکھتے ہوئے جہنم سےبچنے کی دعا کریں ،گناہوں کےبارے میں جاننے کےلیے مکتبۃ المدینہ کی دوجلدوں(2 Volumes)پرمشتمل کتاب’’جہنم میں لےجانےوالے اعمال‘‘پڑھیں،کم صفحے کی کتاب پڑھناچاہتے ہیں تو مکتبۃ المدینہ کی کتاب ’’جہنم کےخطرات‘‘یا’’ 76کبیرہ گنا ہ‘‘ کا مطالعہ کریں۔

بعدِ تراویح ہونے والا مدنی مذاکرہ

سوال:آج مدنی چینل کے بارہ(12)سال مکمل ہونے پر دنیا بھرسے مبارکباد کے پیغامات آرہے ہیں،اس پر آپ کیافرماتےہیں ؟

جواب:مدنی چینل آپ سب کا ہے مبارکباد بھیجنے کا شکریہ ،لاک ڈاؤن(Lockdown) کےحالات آپ کےسامنے ہیں ،آپ سب مالی اعتبارسے بھی اپنے مدنی چینل کی مالی مددکریں ۔

سوال:عورتوں میں سب سےپہلےکس نے اسلام قبول کیا،ان کا مختصرتعارف بیان فرمادیں؟

جواب:اُمُ المُومِنِیْن حضرتِسَیِّدَتُنَاخَدیجۃُ الکُبریٰرضی اللہ عنہانے عورتوں میں سب سےپہلےاسلام قبول کیا،یوں سب سے پہلی صحابیہ ہونے کاشرف پایا ۔آپ عامُ الفیل سے 15سال پہلے مکہ شریف میں پیداہوئیں ۔ آپ نماز فرض ہونے سے پہلےبھی نمازپڑھتی تھیں ،آپ نےاپنی تمام دولت دینِ اسلام کی اِشاعت میں خرچ کردی،آپ بہت سخی تھیں۔پیارے آقا،مکی مدنی مصطفیٰ صلی اللہ علیہ واٰلہ وسلم کی تمام اولاد( سوائے حضرت ابراہیم رضی اللہ عنہ کے)آپ سےہوئی ،آپ کا وصال 65سال کی عمرمیں نبوت کے دسویں سال، دس (10)رمضان المبارک کو ہوا،آپ کی تدفین مکہ مکرمہ کے مشہورقبرستان"جنّتُ الْمَعْلٰی" میں ہوئی۔مزیدمعلومات کے لیےمکتبۃ المدینہ کارسالہ’’فیضانِخَدیجۃُ الکُبریٰکامطالعہ کریں ۔

سوال:بچے دودھ پینے سےپہلےکیا نیّت کریں ؟

جواب: بچے دودھ پینے سےپہلےیہ نیّت کرلیاکریں کہ اللہ پاک کی عبادت پرقوت پانےکےلیے دودھ پیوں گا،ہڈیاں مضبوط ہوں گی تو دِین کے لیے خوب بھاگ دوڑکروں گا۔

سوال:مدنی چینل پراشتہارات(Advertisements) کیوں نے چلائے جاتے؟

جواب:دعوت ِاسلامی فعال عالمی تحریک ہے ،مسلمان اس کی مددکرتے ہیں،اس لیےہم اشتہارات (Advertisements) نہیں چلاتے۔

سوال:ہمسائیوں(Neighbors) کی طرف سے کوئی ایسی چیز آئے جو ہمیں پسند نہ ہو تو اس کا کیا کریں ؟

جواب:جوپاک ،حلال ،صاف ستھری چیز اپنے نفس کوپسند نہ آئےتوکسی اورشخص یا جانورکوکھلا دیں،اُسے پھینکنے کی اجازت نہیں ۔

سوال:آپ افطاری میں کیا پیتے ہیں ؟

جواب:سب سے پہلے تھوڑاساسادہ پانی پیتاہوں پھر دعامانگتا ہوں اوراذان کا جواب دتیاہوں،اس کےبعدنٹ مِلک(Nut Milk)پیتاہوں،نمازکے بعدنارمل کھاناکھاتاہوں ، نٹ مِلک(Nut Milk) پیٹ کو نرم رکھتا اورکئی فوائدپرمشتمل ہے۔

سوال:نٹ ملک(Nut Milk) بنانے کاطریقہ کیا ہے؟

جواب:پانچ(5)یا سات(7)بادام،کوئی پھل مثلاًکیلا(Banana)،خربوزہ(Melon)وغیرہ یاکھیرا(Cucmber)،موافق ہوتوایک چمچ شہد(Honey)ڈال کر سب کوگرینڈ(Mix) کرلیں،بہترین نٹ ملک تیارہوجائے گا،خشخاش بھی ڈالی جاسکتی ہے، خشخاش ڈالنی ہوتواسے چھا ن لیں تاکہ نمازکے دوران خشخاش کے دانے منہ میں نہ رہ جائیں ۔

سوال:ایک دوسرے کاموبائل(Sms/Whatsappوغیرہ)چیککرنے کے بارے میں آپ کیافرماتےہیں؟

جواب:ایک دوسرےکاموبائلبغیر اجازت کے چیک نہیں کرناچاہئے،بلکہ دوسروں سےموبائل مانگنابھی نہیں چاہئے اگرچہ کتنا ہی قریبی رشتہ ہومثلاً میاں بیوی،بہنیں ،بھائی وغیرہ سب کواس بات کا خیال رکھنا چاہئے،دوسرے کے کمرے میں بھی جاناہوتو اجازت لے کرجاناچاہئے،سفرسے واپسی ہوتو اچانک گھرآنےکی بجائے پیشگی اطلاع دےکرآناچاہئے ۔

سوال: مرنےکے بعد روح گھرمیں کیوں آتی ہے؟

جواب: روح گھر میں آتی ہےاورایصالِ ثواب کا مطالبہ کرتی ہے۔

سوال:آپ نےعمامہ شریف کب باندھناشروع کیا؟

جواب:جب میں نورمسجد(کراچی)میں امام تھا،اس وقت خودسے عمامہ باندھنانہیں آتاتھا،اس لیے حضرت مولاناقاری محمدمصلح الدین قادری رضوی رحمۃاللہ علیہ(جن کے ہاں میرابہت آناجاناتھا)سے عمامہ بندھوانےجاتاتھا ،وہ اپنےسرپر عمامہ باندھ کردیتے تھے،میں وہ عمامہ نمازپڑھاتےہوئے سرپررکھ لیتاتھا ،اس کے علاوہ ٹوپی پہنتا تھا ،جب دعوتِ اسلامی کا آغازہواتو پھر عمامہ شریف باندھنے کاماحول بن گیا ۔

سوال:مدنی چینل نے نیکی کی دعوت کوعام کرنے میں کیا کرداراداکررہاہے؟۔

جواب:دعوتِ اسلامی جب سے بنی ہے کبھی پیچھے نہیں ہٹی ،آگے کُوچ جاری ہے،مدنی چینل سے پہلے بھی دعوتِ اسلامی کا کام کئی ممالک میں تھا ،مدنی چینل سے دعوتِ اسلامی کاتعارف مزیدعام ہوا،یہ برقی(Electronic)مبلغ ہے،جو ہفتہ واراجتماع میں نہیں آتے ان کےگھروں میں جا کردعوت دیتاہے اورجوآتے ہیں وہ اس کے ذریعے مزید علمِ دین حاصل کرتے ہیں ۔اس لاک ڈاؤن میںمدنی چینل نے دعوت ِاسلامی کو بڑاسہارادیاہے ۔

سوال:وہ کیامسئلہ ہے جس کی وجہ سے آپ نے مدنی چینل کےآغازکافیصلہ کیا؟

جواب:مدنی چینل کے آغازسے پہلے معلومات ملی کہ آڈیو(Audio)بیانات سے زیادہ لوگ ویڈیو(Video)دیکھتے ہیں اوراس کے ذریعے بےعملی پھیلائی جارہی ہے،پھرمدنی چینل شروع کرنےکا ذہن بنا۔مدنی چینل اسلام کی دُرست تصویرپیش کررہاہے۔کئی غیرمسلم اسے دیکھ کر مسلمان ہوگئے ہیں ،حق خود ہی بولتاہے جس کے نصیب میں ہوتاہے وہ قبول کرتاہے۔

سوال:آج مدنی چینل کوبارہ (12)سال مکمل ہوگئے ہیں،اس موقع پرآپ "مدنی چینل عام کریں" مجلس بلکہ دیگرمجالس کے اسلامی بھائیوں کو کچھ مدنی پھول عنایت فرمادیجئے۔

جواب:تمام مجالس کے اسلامی بھائیوں سے عرض ہے کہ اپنی مجالس کے کام کرنے کے ساتھ ساتھ ذیلی حلقے کے بارہ(12)مدنی کاموں میں بھی مصروف رہیں، اس سے کردارمیں بہتری آئے گی ،جو کام آخرت کے لیےبہترہووہ کام کرتےرہنا اوراس میں اضافہ بھی کرتےرہناچاہئے ۔

سوال:شیطان کی چالوں سےکیسے بچیں ؟

جواب:شیطان کی چالوں سے بچنے کے لیے دعوت ِاسلامی کے مدنی ماحول سے وابستہ ہوجائیں ،اچھی صحبت اوراچھاماحول شیطان کی چالوں سے بچائے گا۔

سوال:مولانا ضیاءالدین احمدمدنیرحمۃُ اللہِ عَلَیْہ کو قطبِ مدینہ کیوں کہتےہیں ؟

جواب:"قُطب" اولیائے کرام کی ایک قسم ہے ،مولانا ضیاءُ الدین احمدمدنی رحمۃُ اللہِ عَلَیْہ کو علمائے کرام نے ان کے مقام ومرتبے کی وجہ سے قطبِ مدینہ کہاہے ۔

سوال:علمِ دین کتنا آنا چاہئے ؟

جواب:ضروری عقائد آنے چاہئیں ،پھر جن جن چیزوں کی ضرورت پڑتی جائے مثلاً بالغ ہوا،نمازفرض ہوئی تو نمازکے ضروری مسائل سیکھنا ضروری ہیں ،وغیرہ وغیرہ ،اسی طرح ظاہری اورباطنی گناہوں کی اتنی معلومات ہوں کہ ان سے بچ سکے ۔

امیرِ اہلِ سنت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ ہر ہفتے کسی ایک رسالے کے مطالعے کی ترغیب ارشاد فرماتے ہیں اور مطالعہ کرنے والوں کو اپنی دعا وں سے بھی نوازتے ہیں۔

اس ہفتے کا رسالہ '' سحری کا درست وقت'' ہے۔ رسالے کا مطالعہ کرنے یا سننے والوں کو امیر اہلِ سنت دَامَتْ بَرَکَاتُہُمُ الْعَالِیَہ نے اپنی دعا سے بھی نوازا ہے۔ دعائے عطار کے حقدار بننے کے لئے اس رسالے کا ضرور مطالعہ کیجئے۔

دعائے عطار

یا اللہ! جو کوئی رسالہ: سحری کا درست وقت کے 23صفحات پڑھ یا سن لے اس کو روزے اور دیگر عبادتیں درست ادا کرنے کی سعادت عنایت فرما۔ اٰمین

یہ رسالہ دعوتِ اسلامی کی ویب سائٹ سے بالکل مفت ڈاون لوڈ کیجئے

Download Now

8 رمضان المبارک کو بعدِ عصر اور 9 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:قرآنِ کریم کاکوئی صفحہ(Page) دوحصوں میں تقسیم ہوجائے تو کہتے ہیں کہ قرآن پاک کا صفحہ شہیدہوگیا، یہ کہنا کیساہے؟

جواب:یہ ادب کی وجہ سے کہتے ہیں ،اس طرح کہنے میں حرج نہیں ۔عام عمارت اگرجائے تو کہتے ہیں عمارت گِرگئی اوراگرمسجدگِرجائےتو کہتے ہیں مسجد شہید ہوگئی ۔

سوال:کیا جانوروں پربھی ظلم نہیں کرنا چاہئے ؟

جواب: جی ہاں!جانوروں پر ظلم کرنا تو انسانوں پر ظلم کرنے سے بھی بُراہے ،کیونکہ انسان تو بدلہ لےسکتاہے ،کسی سے فریاد کرسکتاہے ،جانورکس سے فریاد کرے ؟یادرکھیں مظلوم جانورکی بددعا بھی لگتی ہے۔

سوال:کیاحقوق العباد(بندوں کے حقوق)کا خیال رکھنا ضروری ہے؟

جواب:اپنے کاروباراورکپڑوں کا خیال رکھتے ہیں ،کپڑوں کی اِستری خراب ہوجائے تو اِستری کرواتے ہیں ،حقوق العباد کا بھی ضرورخیال رکھنا ہوگا ،بغیر اِستری کے کپڑے پہنے جاسکتے ہیں مگرحقوق العباد کے خیال رکھےبغیرگزارانہیں ہوسکتا،اللہ پاک ہم سب کو حقوق اللہ اورحقوق العبادکا خیال رکھنے کی توفیق عطافرمائے ۔اٰمین

سوال:حضرت عیسیٰ علیہ السلام پر جوایمان لایا اوران کی صحبت پائی اُسے کیاکہتے ہیں ؟

جواب:اُسے"حواری"کہتے ہیں ۔

سوال:کسی کی مدد چُپکےسے کریں یا سب کو بتائیں کہ فلاں کی مدد کی ہے؟

جواب:چُپکے سے دے دیں ،کیونکہ دوسروں کو بتانے سے اس کی دل آزاری ہوگی ۔

بعدِ تراویح ہونے والا مدنی مذاکرہ

سوال:نیک ہونے اورنیک نظرآنےمیں کیافرق ہے ؟

جوابجوواقعی نیک ہوتا ہے وہ نظربھی نیک آتاہے ،جو نیک نہیں ہوتا اوررِیاکاری کرتے ہوئے نیک بنتاہے ۔ایسے شخص کوچاہئےکہ سچی توبہ کرے اورواقعی نیک بن جائے ۔

سوال:اللہ پاک نےجو آپ کوعزّت دی ہے،آپ کیا فرماتےہیں کہ اس میں آپ کی والدہ کا کیاکردارہے؟

جواب:ہوسکتاہے کہ آج جومجھے دُنیا میں عزّت ملی ہے، وہ ماں کی دعاکی وجہ سے ہو، لیکن دنیامیں جوعزّت ملتی ہے، صرف اسےہی کامیابی سمجھنا درست نہیں،یہ اِسْتِدْرَاج(وہ خارقِ عادت کام جو کسی فاسق یاکافرسےہوجاتاہے)بھی ہوسکتاہے ،اصل کامیابی یہ ہےکہ بندہ اپنا ایمان سلامت لےکردنیاسےجائے اوراللہ پاک اس سے راضی ہو۔

سوال:عورتوں کو کانوں میں زیورات پہننے کے لیے کتنے سوراخ کروانے چاہئیں؟

جواب:عورتیں دیکھ لیں کہ ان کی قوم میں کیارواج ہے، اگرایک سوراخ کا رواج ہے تو پھرایک ہی کروائیں ورنہ دیگرعورتیں باتیں کریں گی ۔

سوال:حج وعمرہ وغیرہ پر روانگی یا واپسی پرگلے میں ہارڈالے جاتے ہیں ،جب ایک ہارکسی کے گلے میں ڈال دیا جاتاہے ،اب اسے دوسرے کو نہیں ڈالتے ،ایساکرنا کیسا؟

جواب: یہ اپنے آپ بنائی گئی باتیں ہیں ،ایک کے گلے میں ڈالا گیا ہاردوسرےکےگلے میں ڈالنےمیں حرج نہیں۔

سوال:لحسن پیاز کی بُو(Smell)ہاتھوں میں بس جائے تو اس کو کیسے صاف کیا جائے ؟

جواب:ہاتھوں کو اچھی طرح صابن سے دھولیا جائےاورایسا عطراستعمال کریں جو اس بُو(Smell)کوختم کردے ۔

سوال:مُرَاقْبہکے کیا معنیٰ ہیں ؟

جواب:مُرَاقْبہ کا معنی ہے یکسوہوکرغوروفکرکرنا،حضرت سری سقطیرحمۃاللہ علیہ سے پوچھاکہ گیاکہ آپ نے مُرَاقْبہ کرنا کس سے سیکھا ؟فرمایا بلّی(Cat) سے ،جب یہ چُوہے(Rat) کوشکارکرنے کےلیےاس کے بِل(سوراخ) پر بیٹھتی ہے توہِلتی بھی نہیں ۔

سوال: گناہ سے کس طرح بچاجاسکتاہے؟

جواب:گناہ کوکفرکاقاصدونمائندہ کہا گیاہے ،یہ بہت بُراہے،گناہوں کےنقصانات کامطالعہ کیا جائے،اس کی ہلاکت خیزیوں پر غورکیا جائے، تو اس سے بچنے کاذہن بنے گا۔

سوال:مختلف مزاج وطبیعت اورقومیت کےلوگوں کوآپ کیسے ڈِیل(Deal) کرتےہیں ؟

جواب: بہت ساری چیزیں مختلف ہوتی ہیں تو کچھ چیزیں مشترکہ(Combined)بھی ہوتی ہیں،اسی طرح دِین سےمحبت ،نیکی کی دعوت کا جذبہ وغیرہ مشترک ہوتاہے،یوں دعوتِ اسلامی والے ایک مقصد کےلیے جمع ہیں۔دعوتِ اسلامی میں اتحاد(Unity) ہے ۔مرکزی مجلس شوریٰ والے آپس میں لڑتے نہیں ،یہ اللہ پاک کی رحمت سے نظام بن گیا ہے ،یہ اللہ پاک کے کرم سے ہے ،تنظیمی رابطے اورپکڑ(Grip)بھی ہے،اللہ پاک نے خوب نوازاہے۔

سوال:بچوں کودِین کی طرف کیسے مائل کریں ؟

جواب:بچہ ایک لوح کی طرح(یعنی ایک خالی تختی کی مانند) ہوتاہے،اس پر جولکھاجائے تو لکھ سکتے ہیں،اس لیے والدین کوچاہئے کہ بچپن سے ہی بچوں کو دِین کی اہمیت دلائیں،اِنْ شَاءاللہ ضروردِین کی اہمیت پیدا ہوجائےگی ۔

7 رمضان المبارک کو بعدِ عصر اور 8 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:گھر میں زیتون کا درخت ہونا کیساہے؟

جواب:زیتون تو برکت والا ہے ،اس کادرخت گھرمیں ہو توحرج نہیں ۔

سوال:مسلمانوں کو آپس میں کس طرح رہناچاہئے؟

جواب:مسلمان آپس میں بھائی بھائی بن کررہیں ،اپنےبھائی سے کیا لڑنا ! آپس میں نرمی بھراسلوک کرناچاہئے۔

سوال:اکبرنام رکھنا کیسا؟

جواب:اکبرنام نہ رکھاجائے۔ایک صحابی رضی اللہ عنہ کا نام اکبر تھا، نبیِ کریم صلی اللہ علیہ والہ وسلّم نےتبدیل فرماکر بشیر رکھ دیا ۔البتہ اگراکبرنام کسی نام کا حصہ ہوتو اس میں حرج نہیں جیسے نام علی اکبرہے ،یہ درست ہے۔نام کون سارکھنا چاہئے؟اس کی تفصیل جاننے کے لیے مکتبۃ المدینہ کی بہت ہی پیاری اور منفردکتاب ’’نام رکھنے کے احکام ‘‘کا مطالعہ کیجئے ۔

سوال: کون سی آسمانی کتاب کون سےرسولعلیہ الصلوۃ والسلام پر نازل ہوئی ؟

جواب:زبورحضرت داؤدعلیہ السلامپر،تورات حضرت موسٰی علیہ السلامپر،اِنجیل حضرت عیسٰی علیہ السلامپر اورقرآنِ کریم ہمارےنبی حضرت محمد مصطفی ٰصلی اللہ علیہ والہ وسلّم پر نازل ہوا ۔

بعدِ تراویح ہونے والا مدنی مذاکرہ

سوال:رشوت دینےسےکیسےبچا جائے ؟

جواب:یہ ذہن بنا لیا جائے کہ رشوت تودینی ہی نہیںہے ،جو کام کرواناہے قانون کے دائرے میں رہتے ہوئےکروانا ہے،1979ء میں ایک ملک میں میراپہلا سفرتھا ،جب میں وہاں پہنچا تو ائیرپورٹ کے عملے نے مجھے کہا کہ جو آپ سامان لائے ہیں وہ تب آپ کوملے گا جب اتنی اتنی رقم (رشوت)دوگے ،میں نے ان سےکہا کہ میرا سامان چیک کرواور جو قانون کے مطابق اضافی اخراجات(Extra Charges) بنتے ہیں وہ لے لو،انھوں نےمیرےسامان کی لسٹ بنائی اورایک سوتیس(130) روپے اضافی اخراجات(Extra Charges)بنائے ،میں نے وہ اداکیے اوریوں رشوت دینے سے بچ گیا۔

سوال: 12ربیع الاول1409ھ کوبارہویں شریف کیمحفلِ نعتجو کراچی میں ہوئی تھی، اس میں بڑی روحانیت تھی، اس بارےمیں کچھ فرمائیے ؟

جواب: 12ربیع الاول1409ھ(23اکتوبر1988ء) کوعیدگاہ بندروڈکراچی میں بارہویں شریف کی محفل ہوئی تھی ،واقعی اس محفل کا اپنا ہی اندازتھا ،اس محفل میں دواسلامی بھائیوں نے مجھے بتایا تھاکہ ہمیں نبیِ پاک صلی اللہ علیہ والہ وسلّم کی زیارت ہوئی ہے۔

سوال:صبرکی عادت کیسے بن سکتی ہے؟

جواب:صبرِ جمیل یہ ہے کہ مصیبت وبیماری کے وقت زبان خاموش ہواورچہرے یا اندازسے بھی اس کااظہارنہ ہو ۔بغیرضرورت مصیبت یابیماری کا اظہارنہیں کرناچاہئے۔محض کسی سے ہمدردی کے کلمات سننےکے لیےمصیبت وبیماری کا اظہارکرناصبرچھپانے کےثواب سے محروم کردتیاہے۔صبرکاعادی بننے کے لیے تصوف امام غزالی کی کتب(مثلاً احیاء العلوم،منہاج العابدین وغیرہ) کا اطمینان کےساتھ مطالعہ کیجئے ۔

سوال:کیا ہمیں صبرکرنا چاہئے یااِینٹ کا جواب پتھر سےدینےوالی سوچ ہونی چاہئے؟

جواب:جی ہاں !ثواب کی نیت سےصبرکرنا چاہئے،اینٹ کا جواب پتھرسے دینے والی سوچ اورذہن ٹھیک نہیں ،سارے نبیوں نے صبرکیا، میرےآقا صلی اللہ علیہ والہ وسلّم اِمَا مُ الصَّابِرِیْن(یعنی صبرکرنے والوں کے اِمام)ہیں ،میرےپیارےآقا صلی اللہ علیہ والہ وسلّم کے نواسے حضرت سیدنا امام حسینرضی اللہ عنہ نے توایساصبرکیاکہ تاریخ میں ایسی مثال نہیں ملتی ۔

سوال:اگرکوئی بیمارنہ ہو اورجھوٹ موٹ کسی کو کہےکہ میں بیمارہوں تو ایسا کہنا کیسا؟

جواب:ایسا کہناجھوٹ ہے،جھوٹ گناہ اورجہنم میں لےجانے والاکام ہے ،اس لیے ایسا ہرگز نہ کہے اورحدیثِ پاک میں وعید بھی ہےکہ جھوٹے بیمارنہ بنوورنہ بیمارہوجاؤ گے۔

سوال:بڑھاپے میں تکلیف کم ہو،اس کے لیے بچوں اورجوانوں کو کیاکرناچاہئے ؟

جواب:بچپن اورجوانی میں خالص دودھ پیا جائے ۔دودھ بہت فائدے والا ہے ،بڑھاپے کی تکلیفوں سے بچناچاہتےہیں،ابھی سے میدہ،چکناہٹ اورمٹھاس سے پرہیزکرناشروع کردیں ۔

سوال:بچپن میں آپ ناشتہ کس طرح کرتے تھے ؟

جواب:ہم 5 بہن بھائی تھے ،ناشتے میں1 انڈاپکتاتھا، آدھا انڈا بڑےبھائی کو ملتاتھا کیونکہ وہ کماتے تھے، بقیہ انڈے کے4حصے ہوتے تھے،ان 4حصوں میں سے ایک حصہ مجھےملتاتھا۔

سوال:کیاماہِ رمضان میں گنا ہ کی ہلاکت خیزی بڑھ جاتی ہے؟

جواب:جی ہاں !گناہوں کی ہلاکت خیزیاں بہت ہیں ،ماہِ رمضان میں تو اس کی ہلاکت خیزی بڑھ جاتی ہے ۔

سوال:کیا اللہ پاک کی خفیہ تدبیرسےڈرنا ضروری ہے؟

جواب:جی ہاں !اللہ پاک کی خفیہ تدبیرسےڈرنا ضروری ہے،اگرنیک ہے تو وہ بھی ڈرے کہ نہ جانے نیکیاں قبول ہوں گی یا نہیں ؟اللہ پاک کی رحمت پر بھی نظررکھے۔

سوال:جب آپ نے دعوت ِاسلامی بنائی تو آپ کوکیا مشکلات درپیش آئیں ؟

جواب:جب دعوت ِاسلامی کا آغازہواتو ظاہرہےمشکلات تو درپیش آئیں اوراصل کام کھا ناپکانا ہوتاہے،جب کھانا پک جائے تو کھانا آسان ہے، اَلْحَمْدُ لِلّٰہدعوتِ اسلامی بن گئی ہے ،اب جو زیادہ کھائے گا اتنا ہی طاقت آئےگی ،البتہ ابھی بہت کام باقی ہے ،کام میں مشکلات تو آتی ہیں ۔

سوال: کیا جوچلتے پھرتے دُوردِ پاک پڑھے تو یہ بھی غفلت سے پڑھنا شمارہوگا ؟

جواب:نہیں !بیٹھے بیٹھے بھی غفلت ہوسکتی ہے ،اگرچلتےپھرتے دُورد شریف پڑھتے ہوئے توجہ نہیں بٹ رہی تویہ غفلت میں شمارنہیں ہوگا ۔

سوال:روزہ دارجنّت کےکس دروازے سے داخل ہوں گے ؟

جواب:ریّان سے ۔

سوال:صحابۂ کرام رضی اللہ عنھممیں سب سےزیادہ مالدارکون تھے؟

جواب:حضرت عبدالرحمن بن عوف رضی اللہ عنہ

سوال:کیا اس ترقی یافتہ دَورمیں بھی قلم(Pen/Ball Pen) کی اہمیت ہے اورکیاہاتھ سے لکھنا ترک نہیں کرناچاہے ؟

جواب:قلم کی اہمیت اپنی جگہ برقرارہے ،قرآنِ کریم میں پوری سورت قلم کے نام سےہے ،قلم سےلکھنا ترک نہیں کرناچاہئے ۔تعویذات بھی قلم سے لکھے جاتے ہیں، کیونکہ ان کے لکھنےمیں چالیں ہوتی ہیں ۔

سوال:کس طرح بیٹھ کرلکھنا چاہئے ؟

جواب:نارمل انداز سے بیٹھ کر لکھاجائے مگربعض بچے (اوربڑے بھی) جھک کرلکھتے ہیں ،اس سےکمردرداوردیگرمسائل ہوسکتے ہیں ۔

سوال:مِلک شیک(Milk Shake) استعمال کرنا کیساہے؟

جواب:مِلک شیک(Milk Shake) میں دودھ اورپھل ڈالا جاتاہے ،اس کےبھی اپنےفوائدہیں۔ملک شیک میں چینی نہ ڈالی جائے۔

سوال:میری نابالغ بیٹیاں ماہِ رمضان کے روزے رکھنے،پانچویں نمازیں پڑھنے کے ساتھ ساتھ روزانہ 1پارہ پڑھ رہی ہیں،آپ کچھ مدنی پھول دیں تاکہ وہ ماہِ رمضان کےبعد بھی نمازیں اورتلاوتِ قرآن کرتی رہیں ۔

جواب:جونیک عمل شروع کیاجائے تو اسے جاری رکھناچاہے کیونکہ حدیث پاک میں اس کام کوافضل فرمایاگیا ہے جوباقاعدگی سے کیاجائے اگرچہ تھوڑاہو۔