دعوت اسلامی کے مدنی مرکز فیضان مدینہ حیدر آباد میں مدنی مشورہ ہوا جس میں حیدر آباد زون کے ذمہ داران نے شرکت کی۔

نگران پاکستان مشاورت حاجی محمد شاہد عطاری نے شعبہ مدنی قافلہ، شعبہ اصلاح اعمال، شعبہ ہفتہ وار اجتماع، شعبہ مدنی مذاکرہ کی کارکردگی کا جائزہ لیا اور مدرسۃ المدینہ بالغان کی تعداد کو مزید بڑھانے کے اہداف دیئے۔

مدنی مرکز فیضان مدینہ فیصل آباد میں قائم پاکستان مشاورت آفس میں ٹریننگ سیشن کا انعقاد کیا گیا جس میں شعبہ جدول و جائزہ، شعبہ کارکردگی، شعبہ فیڈبک اور دیگر شعبوں سمیت ریجن آفس میں کام کرنے والے ذمہ داران نے شرکت کی۔

شعبہ آئی ٹی ڈیپارٹمنٹ کے ذمہ دار اسلامی بھائی نے شرکا کو کمپیوٹر کو استعمال کرنے اور اس کے نقصانات سے بچنے کے حوالے سے تربیت کی۔ ذمہ دار اسلامی بھائی نے تمام اسلامی بھائیوں کو جدید تقاضوں کے مطابق کمپیوٹر استعمال کرنے کے حوالے سے آگاہ کیا جبکہ ٹریننگ سیشن کے اختتام پر سوالات کا سلسلہ بھی ہوا جس کے آئی ٹی ڈیپارٹمنٹ کے ذمہ دار نے تسلی بخش جواب دیئے۔

ٹریننگ سیشن کے انعقاد پر پاک مشاورت آفس کی مجلس کے اراکین نے خوشی کا اظہار کیا اور اس ٹریننگ کو آفس میں کام کرنے والے اسلامی بھائیوں نے خوش آئند قرار دیا۔

27 مئی 2021ء کو دنیا بھر میں دعوت اسلامی کے زیرِ اہتمام ہفتہ وار سنتوں بھرے اجتماع کا انعقادکیا جائیگا۔ان اجتماع میں اراکینِ شوریٰ اور دیگر مبلغین دعوت اسلامی سنتوں بھرے بیانات فرمائیں گےجبکہ تلاوت، نعت، اجتماعی ذکر اور رقت انگیز دعاکا بھی سلسلہ ہوگا۔

تفصیلات کے مطابق مدنی چینل پر 9:30 بجے ہفتہ وار سنتوں بھرے اجتماع کا آغاز ہوگاجس میں مرکزی مجلس شوریٰ کے رکن حاجی محمد اسد عطاری مدنی ”اللہ پاک کی قدرتیں“ کے موضوع پر سنتوں بھرا بیان فرمائیں گے۔

تمام عاشقان رسول سے مقامی شہر میں ہونے والے سنتوں بھرے اجتماع میں شرکت کرنے کی درخواست ہے۔

فنانس ڈیپارٹمنٹ  دعوتِ اسلامی کے زیر اہتمام 25،مئی 2021ء کوفیضان مدینہ جوہر ٹاؤن لاہور بذریعہ زوم میٹنگ مدنی مشورہ کا سلسلہ ہوا جس میں جامعات گرلز کے کوآرڈینیٹر ذمہ دار نے شرکت کی۔

دعوتِ اسلامی کے تحت 23مئی 2021ء راولپنڈی کینٹ کابینہ کے علاقہ قاسم مارکیٹ محمدی کالونی میں محفل نعت کاانعقادہواجس میں محمدی کالونی کی اسلامی بہنوں نے شرکت کی ۔

پاکستان نگران اسلامی بہن نے ’’صبر کے فضائل ‘‘ موضوع پر بیان کیا اور اسلامی بہنوں کو دعوت اسلامی کاتعارف پیش کرتے ہوئے اسلامی بہنوں کو سنتوں بھرے اجتماع میں شرکت کرنے مدنی مذاکرہ سننے کاذہن دیا جس پر اسلامی بہنوں نے اچھی نیتوں کااظہار کیا۔ 

دعوتِ اسلامی کے تحت گزشتہ دنوں راولپنڈی کینٹ کابینہ کے ذیلی حلقہ عزیز آباد میں سنتوں بھرے اجتماع کاانعقادہوا جس میں عزیز آباد کی اسلامی بہنوں نے شرکت کی ۔

پاکستان نگران اسلامی بہن نے ’’اعلحٰضرت کا دینی کردار‘‘ کے موضوع پر بیان کیااور اسلامی بہنوں کو دعوت اسلامی کے دینی کاموں کاتعارف پیش کرتے ہوئے دینی کاموں میں حصہ لینے کاذہن دیا جس پر اسلامی بہنوں نے اچھی نیتوں کااظہار کیا۔

دعوتِ اسلامی کے تحت گزشتہ دنوں گجرات زون دارالسنہ مدنی عملہ کا بذریعہ کال مدنی مشورہ منعقد ہوا جس میں پاک سطح دارالسنہ ذمہ دار اور گجرات زون دارالسنہ مدنی عملہ کی اسلامی بہنوں کی شرکت کی ۔

پاکستان نگران اسلامی بہن نے اسلامی بہنوں کو مدنی عملہ مکمل کرنے اور کورسز ایڈمیشن کے اہداف دیئے اور کورسز میں بہتری کے حوالے سے نکات بتائے جس پر اسلامی بہنوں نے اچھی نیتوں کااظہار کیا۔

دعوت اسلامی  کےتحت گزشتہ دنوں جامعۃالمدینہ گرلز اور تنظیمی ذمہ دار اسلامی بہنوں کا 24مئی 2021 ء کو مدنی مشورہ منعقد ہوا جس میں عا لمی سطح جامعۃُ المدینہ کی ذمہ داراور پاک سطح جامعۃُالمدینہ کی ذمہ دار جبکہ بیرون ملک اور بیرون شہر کی اراکین عالمی مجلس اور مجلس بین الاقوامی امور کی رکن اسلامی بہنوں نے بذریعہ ا نٹر نیٹ شرکت کی ۔

عالمی مجلس مشاورت ذمہ دار اسلامی بہن نے اسلامی بہنوں کو دعوت اسلامی کے دینی کاموں میں بہتری کےحوالے سے نکات بتائے اور تنظیمی کاموں میں مدنیہ اسلامی بہنوں اور جامعۃ المدینہ گرلز کی طالبات کوذمہ داریاں دینے کاذہن دیا نیز سنتوں بھرے اجتماع کرنے کےحوالے سےاسلامی بہنوں کو مدنی پھول دیئے جس پر اسلامی بہنوں نے اچھی نیتوں کا اظہار کیا۔

دعوتِ اسلامی کے شعبہ مدرسۃ المدینہ گرلزکے تحت گزشتہ دنوں 24 مئی 2021ء کو کراچی ریجن صدر کابینہ میں مدنی مشورے کاانعقادہواجس میں کراچی ریجن صدر کابینہ کی ذمہ دار اسلامی بہنوں نےشرکت کی ۔

عالمی مجلس مشاورت رکن مدرسۃ المدینہ گرلز ذمہ داراسلامی بہن ناظمہ اور مدرسہ اسلامی بہنوں کو بچیوں کے رزلٹ اور تعلیم میں بہتری ، نیز مدرسۃ المدینہ اسٹاف و بچیوں میں دینی کام، بچیوں کی اخلاقی تربیت اور وقت کی پابندی کرنے کاذہن دیا جس پر اسلامی بہنوں نے اچھی نیتوں کا اظہار کیا۔ 

دعوتِ اسلامی کے شعبہ  شب و روز کے تحت گزشتہ دنوں بذریعہ انٹرنیٹ مدنی مشورے کاانعقادہوا جس میں شب و روز مجلس بین الاقوامی امور کی رکن اسلامی بہن نےاسلامی بہنوں کو ”ماہنامہ فیضان مدینہ“کے تحریری مقابلہ کے حوالے سے یوکے اور یورپ کی اردو لکھنے پڑھنے والی اسلامی بہنوں کو تحریر و تصنیف کی اہمیت بتاتے ہوئےماہنامہ فیضانِ مدینہ کے تحریری مقابلے میں حصہ لینے کی ترغیب دلائی اور اس حوالے سے نکات پیش کئے جس پر اسلامی بہنوں نے اچھی نیتوں کا اظہار کیا۔

حج و عمرہ کا مختصر طریقہ

اِس رسالے کی چندخصوصیات:

٭دیدہ زیب ودلکش سرورق(Title)وڈیزائننگ(Designing) ٭عصرحاضرکے تقاضوں کے پیش نظرجدید کمپوزنگ وفارمیشن ٭عبارت کے معانی ومفاہیم سمجھنے کیلئے ’’علامات ترقیم ‘‘(Punctuation Marks) کا اہتمام ٭تقریباً ہرآیت مبارکہ میں ترجمہ ٔکنزالایمان کا التزام ٭پڑھنے والوں کی دلچسپی برقرار رکھنے کیلئے عنوانات (Headings) کا قیام ٭فکرِآخرت پرمشتمل اِصلاحی موادکی شمولیت ٭قراٰنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، احادیث ودیگر عبارات کےحوالوں(References) کا خاص اہتمام ٭ایک ہی نظرمیں رسالے کے عنوانات دیکھنے کیلئے کتاب کے آخر میں فہرست(Index) ٭جن کتب کا حوالہ دیا گیا ہے ان کے مصنفین، مکتبوں اورشہرطباعت کی ’’ماخذومراجع‘‘میں تفصیل ٭پورےرسالے کی دارالافتاء اَہلِ سنت کے مفتیانِ کرام سے شرعی تفتیش ٭اَغلاط کوکم سے کم کرنے کیلئے مکمل رسالےکی کئی بار پروف ریڈنگ

48 صفحات پر مشتمل یہ رسالہ2019ء میں تقریباً10ہزار کی تعداد میں پرنٹ ہو چکاہے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

دعوت ِاسلامی کے شعبہ کفن دفن کے تحت گزشتہ دنوں اجمیر ریجن اندور زون میں بذریعہ اسکائپ تربیتی اجتماع کا انعقاد ہوا جس میں12  ذمہ دار اسلامی بہنوں نے شرکت کی۔

ذمہ دار اسلامی بہن نے اسلامی بہنوں کو میت کو غسل دینے ،کفن پہنانے کا طریقہ سکھایا اور مستعمل پانی کے بارے میں معلومات فراہم کرتے ہوئے اس کام میں حصہ لینے ذہن دیااور ٹیسٹ دینے کی ترغیب دلائی جس پر اسلامی بہنوں نے اچھی نیتوں کا اظہار کیا۔