دعوت اسلامی کےزیراہتمام 14 اپریل2021ء  آسٹریا (Austria) کے شہر ویانا (Vienna) میں بذریعہ اسکائپ سنتوں بھرے اجتماع کا انعقاد کیا گیا جس میں تقریبا 19 اسلامی بہنوں نے شرکت کی ۔

کابینہ ذمہ دار اسلامی بہن نے ”خاتون جنت کی شان و عظمت“ کے موضوع پر بیان کیا اور اجتماعِ میں شریک اسلامی بہنوں کو قراٰن و حدیث کی روشنی میں خاتون جنت کے اوصاف بیان کئے اور ان کی سیرت طیبہ کے روشن پہلوؤں پر عمل کرنے کی تلقین کی۔

دعوتِ اسلامی کے شعبہ اصلاحِ اعمال للبنات کے زیرِ اہتمام اپریل2021ءکے  دوسرے ہفتے سویڈن (Sweden )میں اصلاح اعمال اجتماع کا انعقاد کیا گیا جس میں کم و بیش 24اسلامی بہنوں نے شرکت کی۔

کابینہ سطح شارٹ کورسز پر مقرر زمہ دار اسلامی بہن نے ”غصے کا علاج “کے موضوع پر بیان کیا اور اجتماعِ پاک میں شریک اسلامی بہنوں کو رسالہ نیک اعمال کے بارے میں معلومات فراہم کرتے ہوئے اپنے اعمال کا روزانہ جائزہ لینے اور عاملاتِ نیک اعمال بننے کا ذہن دیا۔

دعوت اسلامی کے زیرِ اہتمام  گزشتہ دنوں ناروے (Norway )میں بذریعہ اسکائپ اسلامی بہنوں کےلئے رمضان المبارک کے رحمت بھرے لمحات کو عبادت میں گزارنے کےلئے اور قلیل مدت میں مکمل قراٰن مجید کو سننے کےلئے ”فیضان تلاوت قراٰن کورس“کا آغاز یکم رمضان 1442 ھ سے ہو چکا ہے جس میں تقریبًا 12 اسلامی بہنوں نے داخلہ لیا۔

اس کورس میں قراٰن پاک سننے کے ساتھ ساتھ قراٰنی واقعات اور قراٰن پاک کی مختصر تفسیر سننے کی سعادت بھی حاصل کر سکے گیں ۔

داخلے کی خواہش مند اسلامی بہنیں متعلقہ ذمہ داراسلامی بہن سے رابطہ فرمائیں۔

(شعبہ اوقاتُ الصلوۃ،دعوتِ اسلامی)

اَلْحَمْدُلِلّٰہ!2021/ 1442 ھ کا رمضان المبارک تشریف لاچکا ہے۔دنیا بھر کے عشاقِ رمضان اللہ پاک کے اس مقدس مہمان کو مرحبا کہنے کے لیے بے تاب تھے۔ یاد رہے کہ روزے کا دوسرا نام صبر ہے اور صبر پر اجر ہی اجر ہے۔جو روزہ دار جتنی زیادہ بھوک وپیاس وغیرہ کے سبب مشقت برداشت کرے گا اتنا ہی اجر کا مستحق ہوگا۔ جن ممالک میں روزے کا دورانیہ جتنا زیادہ ہوگا وہاں کے عشاقِ رمضان کو اتنا ہی اجر کمانے کا موقع ملے گا۔آئیے اس مضمون میں ہم آپ کو بتاتے ہیں کہ دنیا بھر میں سب سے زیادہ طویل اور سب سے کم دورانیہ کا روزہ کن ممالک میں اور کیوں ہوگا؟

روزہ چھوٹا بڑا ہونے کی وجہ

یاد رہے کہ روزے کا وقت صبح صادق سے غروبِ آفتاب تک ہے۔چونکہ سورج چھ ماہ شمالی دنیا میں رہتا ہے اور چھ ماہ جنوبی دنیا میں۔ لہذا جب سورج شمالی دنیا میں آئے گا تو شمالی دنیا بشمول پاکستان دن بڑا اور رات چھوٹی ہوگی جبکہ جنوبی دنیا کا دن چھوٹا اور رات بڑی ہوگی۔یوں ہی جب سورج جنوبی دنیا میں چھ ماہ رہے گا تو وہاں کے دن بڑے اور راتیں چھوٹی ہوگی اور شمالی دنیا میں معاملہ برعکس یعنی راتیں بڑی اور دن چھوٹے ہوں گے۔

21مارچ سے 23ستمبر تک سورج شمالی دنیا میں رہتا ہے ۔ان چھ ماہ میں یہاں گرمی اور جنوبی دنیا میں سردی کا موسم ہوتا ہے جبکہ 23 ستمبر سے 21 مارچ تک جنوبی دنیا میں ہوتا ہے لہذا سورج کے قریب ہونے کے سبب جنوبی دنیا میں گرمی اور شمالی دنیا بشمول پاکستان سردی ہوتی ہے۔

چونکہ 1442 /2021 کا رمضان شریف اپریل ،مئی میں آرہا ہے لہذا شمالی دنیا والوں کے لیے روزہ بڑا اور جنوبی دنیا والوں کے لیے چھوٹا ہوگا۔اب ہم وہ چارٹ پیش کرتے ہیں کہ جس سے دنیا کے بڑے سے بڑے اور چھوٹے سے چھوٹے روزے کا دورانیہ آپ جان سکیں گے:

دنیا کے ممالک میں سب سے بڑا روزہ

٭ٹورمسو (ناروے) Tromso Norway : 22 گھنٹے 50 منٹ

٭بوڈو(ناروے) Bodo Norway:21 گھنٹے 56 منٹ

٭اوسلو (ناروے) Oslo Norway: 20 گھنٹے 35 منٹ

٭کوپن ہیگن (ڈنمارک) Copenhagen Denmark : 20 گھنٹے 13 منٹ

٭اوڈینسی (ڈنمارک)Odense Denmark: 20 گھنٹے 08 منٹ

دنیا کے ممالک میں سب سے چھوٹا روزہ

٭پونٹا اریناس (چلی) Punta Arenas Chile: 10گھنٹے 47 منٹ

٭دونیدین (نیوزی لینڈ) Dunedin New zealand : 11گھنٹے 18 منٹ

نوٹ:پاکستان میں روزے کا دورانیہ سب سے بڑا ”چترال : 15 گھنٹے 45 منٹ “اور سب سے چھوٹا ”نگر پارکر 14 گھنٹے 40 منٹ“ ہوگا۔

دعوتِ  اسلامی کے شعبہ علاقائی دورہ کے زیرِ اہتمام آسٹریا (Austria) کے شہر(Vienna) میں نیکی کی دعوت کا سلسلہ ہوا جس میں کابینہ نگران اسلامی بہن نے مقامی اسلامی بہنوں کو بذریعہ کال نیکی کی دعوت پیش کی اور دعوتِ اسلامی کے دینی کاموں سے متعلق آگاہی فراہم کرتے ہوئے ون ڈے سیشن(One day session) میں بذریعہ انٹرنیٹ شرکت کرنے کی دعوت دی۔

شیخ طریقت امیر اہل سنت دَامَتْ بَرَکَاتُہُمُ الْعَالِیَہ نے مسلمانوں کو گناہوں سے بچانے اور نیک بنانے کے تحت روزانہ کی بنیاد پر مختلف دینی کاموں کی تحریکوں کا آغاز فرمایا چنانچہ یورپین یونین ریجن میں مختلف دینی کاموں کی تحریک کی کارکردگی درجِ ذیل ہے:

48 اسلامی بہنوں نے روزانہ ایک پارہ پڑھنے کی سعادت حاصل کی۔

102 اسلامی بہنوں نے روزانہ آدھا پارہ پڑھنے کی سعادت حاصل کی۔

156 اسلامی بہنوں نے روزانہ گھر درس دیا۔

335 اسلامی بہنوں نے 313 مرتبہ درودپاک روزانہ پڑھے۔

150 اسلامی بہنوں نے 1200 مرتبہ درودپاک روزانہ پڑھے۔

204 اسلامی بہنوں نے 12 منٹ روزانہ مطالعہ کیا

ہفتہ وار مدنی مذاکرے میں امیر اہل ِسنت دَامَتْ بَرَکَاتُہُمُ الْعَالِیَہ کسی ایک مدنی رسالے کے مطالعے کی ترغیب ارشاد فرماتے ہیں اوررسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے یا سننے والے خوش نصیبوں کی کارکردگی امیر اہلِ سنت دَامَتْ بَرَکَاتُہُمُ الْعَالِیَہ کی بارگاہ میں پیش بھی کی جاتی ہے۔

پچھلے ہفتے امیر اہل ِسنت دَامَتْ بَرَکَاتُہُمُ الْعَالِیَہ نے رسالہ”رشتےداروں سے بھلائی“پڑھنے یا سننے کی ترغیب دلائی۔

اسی سلسلے میں یورپین یونین ریجن کی تقریبًا 5 ہزار421 اسلامی بہنوں نے رسالہ ”رشتےداروں سے بھلائی“پڑھنے اور سننے کی سعادت حاصل کی۔

دعوتِ اسلامی کے زیرِ اہتمام اپریل 2021ء  کے دوسرے ہفتےاسپین (Spain) کے ڈویژن لوگرونیو (Logroño)کے کئی علاقوں میں سنتوں بھرے اجتماعات کا انعقاد کیا گیا جن میں تولیدو (Toledo)،اور آرجینڈہ (Argenda) وغیرہ علاقے شامل ہیں۔ان اجتماعات میں کم و بیش41 اسلامی بہنوں نے شرکت کی۔

مبلغاتِ دعوتِ اسلامی نے”رمضان کی آمد مرحبا“ کے موضوع پر بیانات کئے اور اجتماعات میں شریک اسلامی بہنوں کو دعوتِ اسلامی کے دینی کاموں کے متعلق آگاہی فراہم کرتے ہوئے ان میں عملی طور پر شرکت کرنے کی تر غیب بھی دلائی۔

دعوتِ اسلامی کے شعبہ اصلاحِ اعمال للبنات کے زیرِ اہتمام گزشتہ دنوں اسپین کے ڈویژن بارسلونا (Barcelona) کے علاقے کورنییا (Cornellà) میں پہلی مرتبہ آن لائن اصلاحِ اعمال اجتماع کا انعقاد کیا گیا جس میں کم و بیش07 مقامی اسلامی بہنوں نے شرکت کی۔

مبلغہ دعوت اسلامی نے ”عبادت کا موسم بہار“ کےموضوع پر بیان کیااور اجتماعِ پاک میں شریک اسلامی بہنو ں کو رسالہ نیک اعمال کے بارے میں بریف کرتے ہوئے اپنے اعمال کا روزانہ جائزہ لینے اور نیک اعمال کرنے کا ذہن دیا۔

دعوتِ اسلامی کے شعبہ شارٹ کورسز کے زیرِ اہتمام گزشتہ دنوں اسپین کے ڈویژن بارسلونا (Barcelona) بادالونا (Badalona) کے مختلف علاقوں میں ”کورس رمضان کیسے گزاریں؟“ کا انعقاد کیا گیا جس میں کم و بیش72 اسلامی بہنوں نے شرکت کی ۔

کورس میں شریک اسلامی بہنوں کو روزہ، تراویح و اعتکاف کے ضروری مسائل نیز استقبال ِماہِ رمضان، فیضان لیلۃ القدر کیسے پائیں؟ وغیرہ جیسے اہم مسائل سے متعلق معلومات فراہم کی گئیں۔

دعوتِ اسلامی کے شعبہ جات  میں سے فیضان اسلام دعوت اسلامی کا ایک شعبہ ہے جس کا کام نیو مسلم اسلامی بہنوں کی تربیت، اور غیر مسلم کو ان کی خواہش پر مسلمان کروانا ہے۔ اسی سلسلے میں گزشتہ دنوں ساؤتھ امریکہ ریجن کی ایک اسپینش خاتون کا دعوت اسلامی کے شعبہ فیضان اسلام کی ایک ذمہ دار اسلامی بہن سے رابطہ ہوا ۔

شعبہ فیضان اسلام پر مقرر اسلامی بہن نے ان کے سوالات کے تسلی بخش جوابات دئیےاور ان کو اسلامی عقائد کے بارے میں بتایا جس پر وہ فوری مسلمان ہو گئیں۔ اس موقع پر ان کا اسلامی نام بھی رکھا گیا اور ان کی اسلامی تربیت بھی کی جارہی ہے۔

نیو مسلم اسلامی بہنوں کی تربیت و قبول اسلام کے حوالے سے فیضان اسلام کی اس میل آئی ڈی پر رابطہ کریں:

ib.newmuslim@dawateislami.net

سوال

کیا فرماتے ہیں علمائے دین و مفتیانِ شرع متین اس مسئلہ کے بارے میں کہ روزہ کی حالت میں ٹوتھ پیسٹ کرنا کیسا ہے؟ سائل : محمد دانیال رضا(ڈڈیال، کشمیر)

بِسْمِ اللہِ الرَّحْمٰنِ الرَّحِیْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

روزہ کی حالت میں ٹوتھ پیسٹ کرنا اگر چہ ناجائز و حرام نہیں ، مگر بلا ضرورتِ صحیحہ مکروہ ضرور ہے۔

سیدی اعلیٰ حضرت امامِ اہلِ سنّت الشاہ امام احمد رضا خان رحمۃ اللہ علیہ (المتوفی 1340ھ )اسی طرح کے سوال کے جواب میں ارشاد فرماتے ہیں: ’’منجن ناجائز و حرام نہیں جبکہ اطمینانِ کافی ہو کہ اس کا کوئی جزو حلق میں نہ جائے گا ،مگر بے ضرورتِ صحیحہ کراہت ضرور ہے ۔درِّ مختار میں ہے : ”کرہ لہ ذوق شیء۔۔۔ الخ“ یعنی روزہ دار کو کسی چیز کا چکھنا مکروہ ہے۔ ‘‘ ( فتاویٰ رضویہ ، جلد 10 ، صفحہ 551 ، رضا فاؤنڈیشن ، لاھور )

چونکہ ٹوتھ پیسٹ میں زیادہ امکان ہے کہ کوئی جزو اندر چلا جائے ، اس لیے روزہ کی حالت میں اس سےضرور احتراز کیا جائے۔

سیدی اعلیٰ حضرت امامِ اہلِ سنت الشاہ امام احمد رضا خان رحمۃ اللہ علیہ فرماتے ہیں : ’’روزہ میں منجن ملنانہ چاہیے۔‘‘ ( فتاویٰ رضویہ ، جلد 10 ، صفحہ 511 ، رضا فاؤنڈیشن ، لاھور )

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم

مجیب:شیخ الحدیث و التفسیر مفتی قاسم قادری مدظلہ العالی

تاریخ اجراء:21صفرالمظفر1435 ھ/25 دسمبر2013 ء