شعبہ رابطہ برائے شخصیات کے تحت  پچھلے دنوں پنجاب کے شہر سرگودھا میں آر پی او سرگودھا محمد اظہر اکرم کی والدہ کے انتقال پران کے لئے فیضانِ مدینہ سرگودھا میں ایصالِ ثواب اجتماع کا انعقاد کیا گیاجس میں مرحومہ کے لواحقین سمیت پولیس محکمہ سے افسران نے شرکت کی۔

اس موقع پر مدرسۃُ المدینہ کے بچوں نے قرآن خوانی کی اورسرگودھا ڈویژن کے نگران محمد عادل عطاری نے مرحومہ کی بخشش کے لئے دعا مغفرت کروائی۔

بعدازاں ذمہ داران نے آر پی او سرگودھا محمد اظہر اکرم کو مدنی مرکزفیضانِ مدینہ میں قائم دارالافتاء اہلِ سنّت سمیت دیگر شعبہ جات کا وزٹ کروایا اور ان میں ہونے والے دینی کاموں کے بارے میں بریفنگ دی۔اس موقع پر دارالافتاء اہلِ سنّت کے محمد فراز عطاری مدنی سے مختلف روزمرہ کے دینی مسائل کے حوالے سے گفتگو ہوئی۔آخر میں نگرانِ ڈویژن مشاورت نے انہیں کتاب ’’گفتگو کے آداب‘‘ اور’’ ماہنامہ فیضان ِمدینہ‘‘ تحفے میں پیش کیا۔( کانٹینٹ: رمضان رضا عطاری)

دعوتِ اسلامی کے دینی کاموں کے سلسلے میں 27 جنوری 2023ء بروز جمعہ شعبہ رابطہ برائے شخصیات کے ذمہ دار اسلامی بھائیوں نے ڈپٹی کمشنر آفس کورنگی کا دورہ کیا۔

معلومات کے مطابق اس دوران ذمہ داران نے ایڈیشنل ڈپٹی کمشنر نواز کلہوڑ، اسسٹنٹ کمشنر کورنگی فاروق سومرو، سپرنٹنڈنٹ آفیسر ریاض شیخ مختیار کار، پرسنل اسسٹنٹ ڈپٹی کمشنر امان اللہ خان، پرسنل اسسٹنٹ ایڈمنسٹریٹر مظہر شیخ، آر مز اینڈ ڈومیسائل برانچ آفیسر امجد واہگو، اکاؤنٹ آفیسر اقبال خان نیازی، پی ایس ٹو ڈپٹی کمشنر احمد علی اور پی ٹو اے ڈی سی ون شہباز احمد سمیت دیگر افسران سے ملاقات کی۔

عاشقانِ رسول کی دینی تحریک دعوتِ اسلامی کے تحت 27 جنوری 2023ء بروز جمعہ ضلع لیہ کے علاقے رحمت آبا دمیں سیکھنے سکھانے کا حلقہ لگایا گیا جس میں 63 دن تربیتی کورس کے شرکا و ذمہ دار اسلامی بھائیوں نے شرکت کی۔

اس حلقے میں شعبے کے ڈیرہ غازی خان ذمہ دار غلام عباس عطاری نے سنتوں بھرا بیان کیا اور وہاں موجود اسلامی بھائیوں کو نیک اعمال رسالے کے مطابق اپنی زندگی گزارنے کی ترغیب دلائی۔

اس کے علاوہ ذمہ دار نے شرکائے حلقہ کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:شعبہ اصلاحِ اعمال، کانٹینٹ:غیاث الدین عطاری)

گزشتہ روز کوٹ رادھا کیشن میں ہونے والے ”مرکزی انجمن تاجران  تنظیم“ کے مرکزی اجلاس میں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے شرکت کی۔

دورانِ اجلاس شعبے کے تحصیل ذمہ دار مولانا محمد وقار عطاری نے عبادت و اخلاقیات کے موضوع پر سنتوں بھرا بیان کرتے ہوئے شرکا کو اسلامی تعلیمات کے مطابق اپنی زندگی گزارنے کا ذہن دیا۔

معلومات کے مطابق اس اجلاس میں انجمن کے تمام عہدیداران، چیئرمین، صدر، جنرل سیکریٹری اور کوٹ رادھا کیشن کے SHO سمیت کثیر تاجران نے شرکت کی۔

اجلاس کے آخر میں ذمہ داران نے تاجران سمیت دیگر شرکا سے ملاقات کرتے ہوئے انہیں دعوتِ اسلامی کے ہفتہ وار سنتوں بھرے اجتماع میں شرکت کرنے اور مدنی مرکز فیضانِ مدینہ جوہر ٹاؤن لاہور کا وزٹ کرنے کی دعوت دی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

تبلیغِ دین کے جذبے کے تحت پچھلے دنوں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے حیدرآباد کمشنر بلال احمد میمن سے ملاقات کی۔

ذمہ داران نے کمشنر کو دعوتِ اسلامی کے شعبہ جات کے ذریعے دنیا بھر میں ہونے والی دینی و فلاحی خدمات کے بارے میں بریفنگ دی نیز آئندہ ڈویژنل حکومت کے ساتھ مل کر دینی کاموں میں مزید بہتری لانے کے لئے چند اہم امور پر تبادلۂ خیال کیا۔

بعدازاں حیدرآباد کمشنر نے دعوتِ اسلامی کے مدنی مرکز فیضانِ مدینہ کا وزٹ کرنے کی خواہش کا اظہار کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

25 جنوری 2023ء بروز بدھ صوبہ خیبرپختونخوامیں مانسہرہ کے ڈپٹی کمشنر راؤ بلال شاہد سے شعبہ رابطہ برائے شخصیات کے ذمہ دار اسلامی بھائیوں کی ملاقات ہوئی۔

اس موقع پر مبلغِ دعوتِ اسلامی حاجی شفاعت علی عطاری نے ڈپٹی کمشنر کو دعوتِ اسلامی کے مختلف شعبہ جات کا تعارف کروایا بالخصوص شعبہ FGRF کے فلاحی کاموں کے بارے میں تفصیلی گفتگو کی۔

بعدازاں دعوتِ اسلامی کی جانب سے سیلاب زدگان کے لئے اب تک ہونے والے امدادی کاموں کےحوالے سے ڈپٹی کمشنر راؤ بلال شاہد نے خراجِ تحسین پیش کرتے ہوئے اپنے نیک خواہشات کا اظہار کیا۔(رپورٹ:شعبہ رابطہ برائے شخصیات، کانٹینٹ : غیاث الدین عطاری)

پچھلے دنوں پنجاب پاکستان کے شہر دنیاپور میں ٹریفک پولیس ایجوکیشن یونٹ کے وفد نے دعوتِ اسلامی کے مدنی مرکز فیضانِ مدینہ میں قائم جامعۃالمدینہ بوائز کا وزٹ کیا۔

گزشتہ روز شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے دینی کاموں کے سلسلے میں صوبہ خیبر پختونخوا میں واقع PDMA (Provincial Disaster Management Authority) آفس کا وزٹ کیا۔

دورانِ وزٹ ذمہ دار اسلامی بھائیوں نے ڈائریکٹر ریلیف آپریشن اینڈ کوآرڈینشن عبد الرحمٰن، پرسنل اسسٹنٹ ٹو ڈائریکٹرریلیف عظمت علی اور پرسنل اسسٹنٹ DG PDMA علی محمد خان سے ملاقات کی۔

عاشقانِ رسول کی دینی تحریک دعوتِ اسلامی کے تحت پچھلے دنوں شعبہ رابطہ برائے شخصیات کے ذمہ دار اسلامی بھائیوں نے ڈویژن ڈیرہ اسماعیل خان صوبہ خیبرپختونخوا میں پرسنل اسسٹنٹ ٹو منسٹر لوکل گورنمنٹ آصف زمان اور سیاسی کارکن محمد سعید سمیت دیگر سیاسی و سماجی شخصیات سے ملاقات کی۔

دورانِ ملاقات ذمہ دار اسلامی بھائیوں نے شخصیات کو نیکی کی دعوت دیتے ہوئے علمِ دین سیکھنے سکھانے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:شعبہ رابطہ برائے شخصیات، کانٹینٹ: غیاث الدین عطاری)

نیکی کی دعوت کا جذبہ رکھنے والی عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات کے وفد نے صوبہ خیبرپختونخوا کے شہر پشاور میں قائم آئی جی آفس کا دورہ کیا۔

اس دوران وفد میں موجود اسلامی بھائیوں نے Addl شوکت عباس، پرسنل اسسٹنٹ حامد خان اور APSO to IG انسپکٹر طاہر خان سمیت دیگر اسٹاف سے ملاقات کی۔

گزشتہ دنوں دعوتِ اسلامی کے شعبہ خدام المساجد و المدارس کے تحت  واربرٹن کے محلہ نظام پورہ میں جامع مسجد انوارِ مدینہ کا سنگِ بنیاد رکھا گیا ۔

26 جنوری 2023ء کو مبلغ دعوت اسلامی حاجی نصر اقبال عطاری نے زیر تعمیر مسجد کا وزٹ کیا اور تعمیراتی کاموں کے سلسلے میں ٹھیکدار سے ملاقات کی اور تعمیراتی کاموں کے حوالے سے مشاورت کی ۔ (رپورٹ: محمد رمضان عطاری مدنی امام و خطیب جامع مسجد فیضانِ غوث اعظم و مدرس جامعۃ المدینہ امینیہ رضویہ واربرٹن / کانٹینٹ : محمد مصطفیٰ انیس ) 

پچھلے دنوں لاہور ڈویژن ڈسٹرکٹ قصور میں شعبہ مدنی کورسز (دعوت اسلامی ) کے تحت مدنی مشورہ ہوا جس میں تحصیل و یو سی ذمہ داران  اور جزوقتی معلمین نے شرکت کی ۔

ڈویژن ذمہ دار شعبہ مدنی کورسز نے شرکا کا مدنی مشورہ لیتے ہوئے انہیں اپنی ٹیچنگ اسکلز مزید بڑھانے کا ذہن دیا اور دیگر تعلیمی اداروں میں مدنی کورسزکروانے کے حوالے سے تربیت کی۔ (رپورٹ: محمد زمان رضا عطاری ڈسٹرکٹ قصور ذمہ دار شعبہ مدنی کورسز / کانٹینٹ : محمد مصطفیٰ انیس )