عاشقانِ رسول کی دینی تحریک دعوتِ اسلامی کے تحت پچھلے دنوں نیوساؤتھ ویلز میں واقع بلیک ٹاؤن کی نگران اور شعبہ مشاورت کی اسلامی بہنوں کا مدنی مشورہ ہوا۔

عاشقانِ رسول کی دینی تحریک دعوتِ اسلامی کے تحت پچھلے دنوں نیوزی لینڈ اور پرتھ کی نگران اسلامی بہنوں کا حج تربیتی اجتماع  اور حج و عمرہ کورس کے حوالے سے مدنی مشورہ ہوا۔

دعوتِ اسلامی کے تحت گزشتہ روز الاباما کے شہر اوبرن (Auburn, Alabama) اور لیور پول ڈویژن کی نگران و شعبہ مشاورت اسلامی بہنوں کی میٹنگ ہوئی۔

دورانِ میٹنگ ذمہ دار اسلامی بہن نے بیرونِ ملک میں ہونے والے دینی کاموں کا جائزہ لیا اور مختلف موضوعات پر گفتگو کرتے ہوئے ذمہ دار اسلامی بہنوں کو دینی کاموں میں مزید بہتری لانے کی ترغیب دلائی۔

معلومات کے مطابق میٹنگ میں جن نکات پر گفتگو کی گئی اُن میں سے بعض درج ذیل ہیں:

دعوتِ اسلامی کے تحت گزشتہ روز یوکے میں شعبہ فیضانِ اسلام للبنات کی ذمہ دار اسلامی بہنوں کا مدنی مشورہ ہوا جس میں دیگر اسلامی بہنوں  نےبھی شرکت کی۔

معلومات کے مطابق اس مدنی مشورے میں ذمہ دار اسلامی بہنوں نے یوکے میں دعوتِ اسلامی کے تحت ہونے والے دینی کاموں کو مزید بڑھانے کے متعلق کلام کیا نیز نیومسلم کو مسلم کورسز کروانے کے حوالے سے چند اہم نکات پر مشاورت ہوئی۔اس کے علاوہ نیومسلم نے مئی 2023ء میں ہی ماہانہ اجتماع شروع کرنے کی اچھی اچھی نیتیں کیں۔

دورانِ مشورہ ذمہ دار اسلامی بہن کا کہنا تھا کہ نیومسلم کو شارٹ کورسز کے لئے تیار کیا جائے اور یوکے کی مقامی اسلامی بہنوں میں زیادہ سے زیادہ نیکی کی دعوت عام کی جائے۔

شعبہ تعلیم للبنات دعوتِ اسلامی کے تحت عالمی سطح پر اسلامی بہنوں کے درمیان جن ملکوں میں دینی کاموں کا سلسلہ جاری ہے اُن میں یوکے، ساؤتھ افریقہ، ماریشس، بنگلہ دیش، نیپال، ترکی، تنزانیہ اور کینیا شامل ہے۔

اپریل 2023ء کی کارکردگی کے مطابق شعبہ تعلیم للبنات دعوتِ اسلامی کے تحت مذکورہ ملکوں میں کل منسلک 67 ادارے ہیں جن میں ہونے والے دینی کاموں کی کارکردگی درج ذیل ہے:

٭20 اداروں میں ماہانہ اور 13 اداروں میں ہفتہ وار درس ہوتا ہے۔

٭05 اداروں میں بڑی عمر کی اسلامی بہنوں کے لئے مدرسۃالمدینہ بالغات لگتے ہیں جن میں پڑھنے والی اسلامی بہنوں کی تعداد25 ہے۔

٭ مختلف اداروں کی شخصیات اسلامی بہنیں جو اس ماہ شعبہ تعلیم للبنات سے منسلک ہوئیں اُن کی تعداد 1 ہزار 497 ہے جن میں سے 48 اسلامی بہنوں نے ہفتہ وار سنتوں بھرے اجتماع میں شرکت کی۔

٭ شخصیات اسلامی بہنوں کے لئے 31 سیشنز منعقد کئے گئےجبکہ 4 شخصیات اسلامی بہنوں نے دعوتِ اسلامی کے آن لائن مدرسۃالمدینہ گرلز میں داخلہ لیا۔

٭شخصیات اسلامی بہنوں سے 43 نیک اعمال کے رسائل وصول کئے گئےنیز شخصیات اسلامی بہنوں کے لئے 4 سیکھنے سکھانے کے حلقے لگائے گئے جن میں شرکا کی تعداد 18 تھی۔

اپریل 2023ء   میں دعوتِ اسلامی کے شعبے محفل نعت للبنات کے تحت دنیا بھر کے جن ملکوں اور ریجن میں محفلِ نعت منعقد ہوئیں ان میں عرب شریف ، بحرین ، کویت ، قطر ، عمان،ہانگ کانگ ، بنگلہ دیش، ترکی، ایران،ساؤتھ افریقہ، تنزانیہ ، کینیا ، یوگنڈا، ماریشس ، موزمبیق ، یوکے ، اٹلی ، ڈنمارک ، اسپین ، آسٹریا ، ناروے ، سوئیڈن ، ایسٹرن امریکہ ، کینیڈا ، سرینم اور نیپال شامل ہیں ۔

تفصیلات کے مطابق دعوتِ اسلامی کے تحت مذکورہ ممالک و ریجنز میں124محافل نعت ہوئیں جن میں اسلامی بہنوں نے شرکا پر انفرادی کوشش جس کے نتیجے میں کم و بیش 305اسلامی بہنوں نے ہفتہ وار سنتوں بھرے اجتماع میں شرکت کی اور 48 اسلامی بہنوں نے مدرسۃ المدینہ بالغات میں داخلہ لیا نیز ان محافلِ نعت میں دعوتِ اسلامی کے مکتبۃ المدینہ سے شائع ہونے والا لٹریچر بھی تقسیم کیا گیا جس میں 63 دینی کُتُب اور 631 رسالے شامل تھے۔

معلومات کے مطابق ان محافلِ نعت میں مختلف شعبوں سے وابستہ شخصیات نے شرکت کی جبکہ اسلامی بہنوں کی انفرادی کوشش سے 161 شخصیات اسلامی بہنیں دعوتِ اسلامی کے دینی ماحول سے وابستہ ہوئیں ۔

اس کےعلاوہ دعوتِ اسلامی کے تحت اسلامی بہنوں کے درمیان ماہانہ سیکھنے سکھانے کے حلقے لگائے جاتے ہیں۔ اپریل 2023ء میں مذکورہ ممالک و ریجنز میں 115 سیکھنے سکھانے کے حلقے لگائے گئے جس میں 1 ہزار 356 اسلامی بہنوں نے شرکت کی۔

دعوتِ اسلامی کے  شعبہ علاقائی دورہ برائے نیکی کی دعوت للبنات کا کام پاکستان سمیت دنیا کےمختلف ممالک میں بھی ہو رہا ہے جن میں سےچند یہ ہیں: عرب شریف ، کویت ، عمان ،بحرین،قطر ، اُردن ، آسٹریلیا ، ساؤتھ کوریا ،ہانگ کانگ ،انڈونیشیا ،سری لنکا، بنگلہ دیش، ترکی ، ساؤتھ افریقہ، کینیا ، تنزانیہ ، یوگنڈا ، ماریشس ، موزمبیق، یوکے ، اٹلی، اسپین،فرانس، ناروے، بیلجئیم ، ڈنمارک ، ہالینڈ ، سوئیڈن ، آسٹریا ،یوبہ سٹی، نیو یارک، کینیڈ ا ، سرینم اور نیپال۔

معلومات کے مطابق ان ممالک میں اپریل 2023ء میں دعوتِ اسلامی کی تنظیمی ترکیب کے تحت 2 ہزار 731 ذیلی حلقوں میں ذمہ دار اسلامی بہنوں نے علاقائی دورہ برائے نیکی کی دعوت کے ذریعے اسلامی بہنوں کو مختلف دینی کاموں میں شرکت کرنے کی دعوت دی جبکہ ان علاقائی دوروں کے ذریعے دعوتِ اسلامی کے شعبہ مکتبۃ المدینہ کا لٹریچر بھی تقسیم کیا گیا جس میں 54 کُتُب اور 675 رسائل تقسیم کئے گئے۔

اس کے علاوہ دعوتِ اسلامی کے شعبہ مدنی قافلہ کے تحت اپریل 2023ء میں اسلامی بہنوں کی انفرادی کوشش سے ان کے 16محارم اسلامی بھائیوں نے03 دن کے مدنی قافلے میں سفر کیا اور 38 محارم اسلامی بھائیوں نے 12 دن کے مدنی قافلے میں سفر کیا۔

نیکی کی دعوت عام کرنے اور دینی کاموں کی ترویج کے لئے دعوت اسلامی کی مرکزی مجلس شوریٰ کے رکن مولانا حاجی محمد جنید عطاری مدنی سفر بنگلہ دیش پر موجود ہیں۔

دورانِ سفر نیلفماری ڈسٹرکٹ کے شہر سیدپور کے مدنی مرکز فیضان مدینہ اور جامعۃ المدینہ میں رکن شوریٰ کی آمد ہوئی جہاں ذمہ داران نے انہیں فیضان مدینہ اور جامعۃ المدینہ کا وزٹ کروایا۔ وزٹ کرتے ہوئے رکن شوریٰ نے جامعۃ المدینہ میں مقامی ذمہ داران، جامعۃ المدینہ سید پور اور دیناج پور کے ناظمین اور اساتذۂ کرام سے ملاقاتیں کیں۔ملاقات میں رکن شوریٰ نے جامعۃ المدینہ کے تعلیمی معیار میں مزید بہتری لانے اور طلبائے کرام کی اخلاقی اور تنظیمی رہنمائی کرنے کے حوالے تبادلۂ خیال کیا جبکہ رکن شوریٰ نے ذمہ داران کی تربیت کرتے ہوئے انہیں مدنی پھولوں سے نوازا اور مختلف سوالات کے جوابات دیئے۔

اسی طرح فیضان مدینہ میں سنتوں بھرے اجتماع کا انعقاد کیا گیا جس میں جامعۃ المدینہ سید پور اور دیناج پور کے طلبائے کرام سمیت اساتذۂ کرام اور ذمہ داران دعوت اسلامی کی بھی شرکت ہوئی۔ رکن شوریٰ مولانا حاجی محمد جنید عطاری مدنی نے سنتوں بھرا بیان کیا اور مختلف امور کے حوالے سے طلبہ کی رہنمائی کرتے ہوئے 12 دینی کاموں میں حصہ لینے کا ذہن دیا۔

بعد ازاں رکن شوریٰ نے راجشاہی میں تاجروں سے ملاقات کی اور نیکی کی دعوت پیش کی۔ اس کے ساتھ ساتھ رکن شوریٰ نے راجشاہی میں حضرت شاہ مخدوم روپوش رحمۃُ اللہِ علیہ کے مزار شریف پر حاضری دی اور ایصالِ ثواب کےلئے فاتحہ خوانی اور دعائیں کیں۔

دعوت اسلامی کے زیر اہتمام چٹاگانگ بنگلہ دیش میں قائم مدنی مرکز فیضان مدینہ مدر باری  میں شعبہ مدنی کورسز کے تحت تین دن کا 12دینی کام کورس کا انعقاد کیا گیا جس میں چٹاگانگ سٹی اور چٹاگانگ ڈویژن کے ڈویژن، ڈسٹرکٹ، تھانہ، یوپی، یونٹ اور سب یونٹ سطح کے ذمہ داران اور شعبہ جات کے اسلامی بھائیوں سمیت دیگر عاشقانِ رسول نے شرکت کی۔کورس کے دوران مبلغین دعوت اسلامی نے بیانات کئے اور 12 دینی کاموں کے حوالے سے شرکا کی رہنمائی کرتے ہوئے مختلف امور سکھائے۔

سفر بنگلہ دیش پر موجود نگران پاکستان مشاورت و رکن شوریٰ حاجی محمد شاہد عطاری نےمختلف مواقع پر سنتوں بھرے بیانات کئے اور دینی کاموں کے حوالے سے اسلامی بھائیوں کی رہنمائی کی۔ دورانِ کورس رکن شوریٰ نے ذمہ داران کو درسِ فیضان سنت، مدرسۃ المدینہ بالغان میں پڑھنے/ پڑھانے، نماز فجر کے لئے جگانے اور تفسیر سنانے کے حلقے، ہفتہ وار اجتماع میں شرکت کرنے، نیکی کی دعوت کو عام کرنے کے لئے مدنی قافلوں میں سفر کرنے/کروانے، کورسز میں داخلہ دلوانے اور ہر سطح پر ذمہ داران کی تقرری کو مکمل کرنے کا ذہن دیا۔

تین دن کے ہونے والے 12 دینی کام کورس میں نگران پاکستان مشاورت حاجی محمد شاہد عطاری نے ذمہ داران کو بنگلہ دیش کے ہر ہر علاقے میں دعوت اسلامی کے دینی کام کو شروع کرنے اور ”فیضان نماز کورس“ کرنے کا ذہن دیا۔

دعوت اسلامی کے زیر اہتمام 4 مئی 2023ء کو مدنی مرکز فیضان مدینہ خان بس اسٹیشن چٹاگانگ میں ہفتہ وار سنتوں بھرے اجتماع کا انعقاد کیا گیا جس میں کثیر تعداد میں عاشقان رسول اور ذمہ داران دعوت اسلامی نے شرکت کی۔

نگران پاکستان مشاورت و رکن شوریٰ حاجی محمد شاہد عطاری نے سنتوں بھرا بیان کیا اور گناہوں سے توبہ کرنے، نیک اعمال کرنے، پابندی سے ہفتہ وار اجتماع و مدنی مذاکرے میں شرکت کرنے اور مدنی قافلے میں سفر کرنے کی ترغیب دلائی۔

اسی طرح نگران پاکستان مشاورت حاجی محمد شاہد عطاری نے چٹاگانگ میں حضرت سیدنا شاہ امانت خان رحمۃُ اللہِ علیہ کے مزار شریف پر حاضری دی۔ رکن شوریٰ نے عاشقان رسول کو حاضری مزار اور ایصالِ ثواب کا طریقہ بتاتے ہوئے صاحب مزار کے فاتحہ خوانی اور دعائیں کیں۔

سفر بنگلہ دیش پر موجود نگران پاکستان مشاورت حاجی محمد شاہد عطاری کی مدنی مرکز فیضان مدینہ ڈھاکہ کے مرکزی جامعۃ المدینہ بوائز میں تشریف آوری ہوئی۔ رکن شوریٰ سے دورۃ الحدیث شریف اور دیگر کلاسز کے طلبائے کرام نے ملاقات کی جبکہ حاجی محمد شاہد عطاری نے انہیں مدنی پھولوں سے نوازتے ہوئے ان کے لئے دعائیں کیں۔

اس طرح نگران پاکستان مشاورت حاجی محمد شاہد عطاری کی چٹاگانگ میں مختلف مقامات پر عاشقان رسول کے گھروں پر تشریف آوری ہوئی جہاں انہوں نے اسلامی بھائیوں کو نیکی کی دعوت دیتے ہوئے انہیں دینی کاموں میں اپنی خدمت پیش کرنے کا ذہن دیا اور ان کے لئے دعائیں کیں۔

دعوت اسلامی کے زیر اہتمام ڈھاکہ بنگلہ دیش میں قائم مدنی مرکز فیضان مدینہ میں شعبہ مدنی کورسز کے تحت تین دن کے 12دینی کام کورس کا انعقاد کیا گیا جس میں باریشال، کُھلنا(Khulna)، سلہٹ(Sylhet) اور دیگر مقامات سے ڈویژن، ڈسٹرکٹ، تھانہ، یوپی، یونٹ اور سب یونٹ سطح کے ذمہ داران اور دیگر عاشقانِ رسول نے شرکت کی۔کورس کے دوران مبلغین دعوت اسلامی نے بیانات کئے اور 12 دینی کاموں کے حوالے سے شرکا کی رہنمائی کی۔

سفر بنگلہ دیش پر موجود نگران پاکستان مشاورت و رکن شوریٰ حاجی محمد شاہد عطاری نےمختلف مواقع پر سنتوں بھرے بیانات کئے اور دینی کاموں کے حوالے سے اسلامی بھائیوں کی رہنمائی کی۔ دورانِ کورس رکن شوریٰ نے اسلامی بھائیوں کو 12 دینی کام بڑھانے اور اس میں مزید بہتری لانے کا ذہن دیتے ہوئے بتایا کہ امیر اہلسنت دامت بَرَکَاتُہمُ العالیہ دینی کام کرنے والوں سے محبت فرماتے ہیں۔نگران پاکستان مشاورت نے کورس میں مطالعہ کرنے کی اہمیت اور اپنی ظاہرو باطن کی اصلاح کرنے کے لئے انہیں حضرت امام غزالی رحمۃُ اللہِ علیہ کی کتابوں کا مطالعہ کرنے کا ذہن دیا۔

تین دن کے ہونے والے 12 دینی کام کورس میں نگران پاکستان مشاورت حاجی محمد شاہد عطاری نے ذمہ داران کو مدنی مذاکرہ دیکھنے کا بھر پور ذہن بھی دیا اور اس کے فوائد بتائے۔