دعوت اسلامی کی مجلس کفن دفن پاکستان کے زیر اہتمام مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں مجلس کفن دفن کے ریجن و زون ذمہ داران نے شرکت کی۔ اس مدنی مشورے میں رکن شوریٰ حاجی منصور عطاری نے جدول، کارکردگی فارم، اسلامی بھائیوں کی صلاحیتوں کو بڑھانے اور شعبہ کی اہمیت و افادیت کے موضوع پر شرکا کی تربیت کی اور مدنی پھول ارشاد فرمائی۔

دعوت اسلامی کی مجلس مدنی قافلہ کے زیر اہتمام 15 اکتوبر 2020ء مدنی مرکز فیضان مدینہ لاہور میں مدنی مشورہ ہوا جس میں 12 ماہ کے امیر قافلہ اسلامی بھائیوں  نے شرکت کی۔ مرکزی مجلس شوریٰ کے رکن حاجی امین قافلہ عطاری نے شرکا کی شرعی، اخلاقی اور تنظیمی رہنمائی کی۔ 

دعوت اسلامی کے عالمی مدنی مرکز فیضان مدینہ کراچی میں قائم مرکزی جامعۃ المدینہ کے درجہ دورۃ الحدیث شریف میں سنتوں بھرا اجتماع ہوا جس میں جامعۃ المدینہ کے طلبائے کرام نے شرکت کی۔

اس اجتماع میں مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کیا اور طلباء کو دوران طالب علمی بھی اور فارغ التحصیل ہونے کے بعد مدنی کاموں کی دھومیں مچانے کا ذہن دیا۔

اَلْحَمْدُ لِلّٰہِ عَزَّ وَجَلَّ دعوت اسلامی ایک ایسی مدنی تحریک ہے جس کے مدنی کاموں کی ترقی میں عاشقان رسول کی جانب سے ملنے والی عطیات کا اہم کردار ہے۔ عاشقان رسول کی جانب سے دیئے جانیوالےیہ عطیات دین متین کو پھیلانے اور آقا صلَّی اللہ علیہ واٰلہٖ وسلَّم کی دکھیاری امت کی خیر خواہی کیلئے استعمال کئے جاتے ہیں۔ عطیات میں آنیوالی رقم کو کس طرح اور کس کام میں لگایا جائےاس کیلئے دعوت اسلامی نے ایک مجلس مالیات بنائی ہے جس کے ذمہ داران تنظیمی وشرعی رہنمائی کے ساتھ ان عطیات کااستعمال کرتے ہیں۔

مجلس کی کارکردگی کے حوالے سے فیصل آباد ریجن کے شہر میں واقع مدنی مرکز فیضان مدینہ میں نگران پاکستان انتظامی کابینہ حاجی محمد شاہد عطاری نے فیصل آباد ریجن کے مجلس مالیات کےاسلامی بھائیوں کے درمیان مدنی مشورہ فرمایا۔ مدنی مشورے میں معاون نگران مجلس، شہراکاؤنٹنٹ، شہر مالیات، اراکین زون اور دیگر ذمہ داران نے شرکت کی۔ نگران پاکستان نےمجلس مالیات کے ذمہ داران کی جانب سے دی جانیوالی کارکردگی کا جائزہ لیا اور انہیں12 مدنی کاموں میں شرکت کرنے کی ترغیب دلائی۔

  دعوت اسلامی کے زیر اہتمام عالمی مدنی مرکز فیضان مدینہ کراچی میں مدنی مشورہ ہوا جس میں سرجانی ٹاؤن کے ذیلی تا کابینہ سطح کے اسلامی بھائیوں نے شرکت کی۔ مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نےسنتوں بھرا بیان کیا اور شرکا کو اپنے علاقوں میں نیکی کی دعوت دینے، روزانہ کچھ وقت مدرسۃ المدینہ بالغان میں شرکت کرنے اور کورسز کرنے کی ترغیب دلائی۔

اس موقع پر رکن شوریٰ حاجی محمد امین عطاری بھی موجود تھے۔

گزشتہ روز دعوت اسلامی کے عالمی مدنی مرکز فیضان مدینہ کراچی کا معروف اداکار احسن خان نے وزٹ کیا۔ نگران مجلس شوبز سید عارف عطاری نے انہیں خوش آمدید کہا اور فیضان مدینہ میں قائم مختلف شعبہ جات کا وزٹ کرواتے ہوئے دعوت اسلامی کے تحت ہونے والی  دینی وفلاحی خدمات کے متعلق آگاہی فراہم کی۔ احسن خان نے دعوت اسلامی کے دینی اقدام کو سراہا اور اپنی نیک خواہشات کا اظہار کیا۔

دعوت اسلامی کے عالمی مدنی مرکز فیضان مدینہ کراچی میں 9اکتوبر 2020ء کو مجلس پروفیشنلز کے زیر اہتمام سنتوں بھرے اجتماع کا انعقاد کیا گیا جس میںP.H.Dڈاکٹرز،انجینئرز،I.Tانجینئرز، Finance آفیسرز، پولیس آفیسرز اور دیگر شعبہ ہائے زندگی سے تعلق رکھنےوالے افراد نے کثیر تعداد میں شرکت کی۔

دار الافتاء اہل سنت کے مفتی علی اصغر عطاری مَدَّظِلُّہُ الْعَالِی نے ”حضور ﷺ کے اندازِ زندگی“کے موضوع پر سنتوں بھرا بیان کرتے ہوئے فرمایا کہ ہم کوئی کام کرنا چاہتے ہیں ، زندگی میں کوئی فیصلہ کرنا چاہتے ہیں تو ان کے بارے میں خیریا شر ہمیں کیسے پتا چلے؟ اس کے مختلف طریقے ہیں۔ سب سے پہلا طریقہ کیا ہے ، آپ اس معاملے کو اللہ پر چھوڑ دیں،آپ اسباب کا بعد میں سوچیں سب سے پہلے اللہ عَزَّوَجَلَّ سے مدد طلب کریں، اللہ عَزَّوَجَلَّ کی طرف متوجہ ہونا یہ نبی کریم ﷺ کی عادت مبارکہ اور آپ ﷺ کی زندگی کی بنیادیthemeہے۔

آپ مَدَّظِلُّہُ الْعَالِی نے مزید فرمایا کہ توکل کے اندر اللہ عَزَّوَجَلَّ کی طرف رجوع ہونا پایا جاتا ہےکہ بندہ سارے اسباب اختیار کرکے بھی کشتی اللہ پر چھوڑ دیتا ہے۔

اللہ عَزَّوَجَلَّ ارشاد فرماتا ہے : وَ مَنْ یَّتَوَكَّلْ عَلَى اللّٰهِ فَهُوَ حَسْبُهٗ ۔ترجمہ: جو اللہ پر بھروسہ کرے تو وہ اسے کافی ہے۔ (سورۃ الطلاق آیت 3)

دعوت اسلامی کے زیر اہتمام مدنی مرکز فیضان مدینہ اسلام آباد میں مدنی مشورہ ہوا جس میں مختلف مجالس کے ذمہ داران نےشرکت کی۔ مدنی مشورے میں مختلف مدنی کاموں کی کارکردگی اور ان میں آنے والے مسائل کا جائزہ لیا گیا۔

اس موقع پر نگران پنڈی اسلام آباد زون محمد اسلم عطاری بھی موجود تھے انہوں نے رکن شوریٰ حاجی وقار المدینہ عطاری کو مدنی کاموں میں درپیش چیلنجز سے اپڈیٹ کیا۔ رکن شوریٰ نے تمام وسائل کو بروئے کار لاتے ہوئے مدنی کاموں کو بڑھانے پر مدنی پھول دیئے۔

6اکتوبر 2020ء کو مدنی مرکز فیضان مدینہ فیصل آباد میں تربیتی اجتماع ہوا جس میں مختلف زون میں قائم  جامعۃ المدینہ کے ناظمین اور اساتذہ کرام نے شرکت کی۔

نگران پاکستان انتظامی کابینہ حاجی محمد شاہد عطاری، اراکین کابینہ حاجی محمد اسد عطاری مدنی، حاجی جنید عطاری مدنی اور نگران مجلس تعلیمی امور نے مختلف امور پر شرکا کی تربیت کی اورمدنی پھول ارشاد فرمائے۔

3اکتوبر 2020ء کو دعوت اسلامی کے عالمی مدنی مرکز فیضان مدینہ کراچی میں قائم درجہ دورۃ الحدیث شریف میں سنتوں بھرا اجتماع ہوا جس میں دورۃ الحدیث شریف کے طلبائے کرام نے شرکت کی۔ مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیااور علم دین سیکھنے کے ساتھ ساتھ اس پر عمل کرنے کی ترغیب دلائی۔

تجارت ایک ایسا شُعْبہ ہے جو ہر ملک میں رِیڑھ کی ہڈی کی حَیثیَّت رکھتا ہے، بلکہ کئی ملکوں کی مَعِیْشت کا اِنْحِصار و  مَدار ہی تِجارت پر ہے۔ عاشقانِ رسول کی مدنی تحریک دعوتِ اسلامی کے زیر اہتمام وقتاً فوقتاً تاجر حضرات کےلیے مختلف کورسز منعقد ، تربیتی سیشنز اور اجتماعات منعقد کئے جاتے ہیں ۔ اسی سلسلے میں ان شاء اللہ کل4 اکتوبر بروز اتوار دوپہر 3 بجے بذریعہ مدنی چینل براہِ راست تاجر اجتماع ہوگا جس میں دعوتِ اسلامی کی مرکزی مجلس شوریٰ کے نگران حضرت مولانا ابو حامد محمد عمران عطاری مدظلہ العالی سنتوں بھرا بیان فرمائیں گے۔

آپ بھی مدنی چینل کے ذریعے اس اجتماع میں شریک ہوں اور علم دین کا ذخیرہ حاصل کریں ۔

پچھلے دنوں عالمی مدنی مرکز فیضان مدینہ کراچی میں اتحاد اطباء سندھ کے صدر حکیم رانا وزیر شاہی، چیئرمین اتحاداطباء سندھ حکیم رانا ندیم شاہی، سینئر نائب صدر اتحاد اطباء پاکستان حکیم امیر علی ساہولی، سینئر نائب صدر سندھ حکیم سردار ساجد وٹو، نائب صدر اتحاد اطباء سندھ حکیم عبد القادر اور سٹی صدر کراچی حکیم حافظ احسان علی کی آمد ہوئی ۔ اس موقع پر ذمہ داران نے انہیں خوش آمدید کہا جبکہ شخصیات نے رکن شوریٰ قاری سلیم عطاری سے ملاقات کی اور مدنی حلقے کا سلسلہ ہوا۔ رکن شوریٰ نے انہیں ملتان میں حکیم حضرات کا  سیمینار کروانے کا ذہن دیا۔ اختتام پر ذمہ داران نے شخصیات کو مختلف کتب و رسائل تحفے میں پیش کی۔