پچھلے دنوں ملتان   میں قائم مدنی مرکزفیضان مدینہ میں ملتان ریجن کے ذمہ داران کا مدنی مشورہ ہوا جس میں فروری0 202ء اور مہلک وباء کے باعث پیدا ہونے والی صورت حال کے بعد سے اب تک کے 12 مدنی کاموں کا تقابلی جائزہ لیاگیا۔ مدنی مشورے میں ان مدنی کاموں کو مزید بہتر بنانے، سالانہ بجٹ، مدنی عطیات اور اخراجات کے حوالے سے کلام ہوا جبکہ دسمبر 2020ء تک کے اہداف بھی مقرر کئے گئے۔ رکن شوریٰ حاجی محمد اسلم عطاری نے ریجن ذمہ داران کی رہنمائی فرمائی اور انہیں عید قرباں پر اجتماعی قربانی اور قربانی کی کھالیں جمع کرنے کے حوالے سے بھی اہداف دئیے۔ دوران مدنی مشورہ ماہ جون میں ملتان ریجن میں ہونے والے مدنی کاموں کی کارکردگی کا جائزہ بھی لیاگیا جس پر حاجی محمد اسلم عطاری نے ذمہ داران کی کارکردگی کو خوب سراہا ۔ اس موقع پر ان اسلامی بھائیوں نے آئندہ بھی اپنی کارکردگی کو مزید بہتربنانے اور اہداف کو پورا کرنے کی نیتیں کیں۔

ملتان میں قائم مدنی مرکز فیضان مدینہ میں ملتان ریجن کی مجلس مدنی عطیات بکس کے ذمہ داران کا مدنی مشورہ ہوا جس میں  اراکین زون، مفتشین، آفس ذمہ داران، گھریلوصدقہ بکس کے ذمہ داران سمیت دیگر ذمہ داران نے شرکت کی۔ مدنی مشورے میں ملتان ریجن میں اجتماعی قربانی اور قربانی کی کھالیں جمع کرنے کے حوالے سے تجاویز پر غور کیاگیا۔ رکن شوریٰ حاجی محمد اسلم عطاری نے ان اسلامی بھائیوں کی رہنمائی فرمائی اور انہیں اہداف دئیے جس پر تمام ذمہ داران نے اپنی اپنی نیتوں کا اظہار کیا۔رکن شوریٰ نے دعوت اسلامی کو خو د کفیل کرنے کے لئے زیادہ سے زیادہ دکانوں پر صدقہ بکس رکھنے کا بھی ذہن دیا ۔ 

 عالمی مدنی مرکز فیضان مدینہ کراچی میں جامعۃ المدینہ اور مدرستہ المدینہ آن لائن کے ذمہ داران کا بذریعہ ویڈیو کانفرنسنگ مدنی مشورہ ہوا۔ اس مدنی مشورے میں رکن شوریٰ مولانا حاجی عبدالحبیب عطاری،نگران مجلس مدرستہ المدینہ آن لائن اور رکن مجلس سمیت دیگر ذمہ داران اورپروفیشنلز نےبذریعہ آن لائن شرکت کی۔ دوران مشورہ شعبے میں مزید جدت لانے سے متعلق نگران شوریٰ مولانا حاجی محمد عمران عطاری مَدَّظِلُّہُ الْعَالِی کو بریفنگ دی گئی۔

فیصل آباد کے علاقے مدینہ ٹاؤن میں قائم مدنی مرکزفیضان مدینہ میں نجی بلڈفاؤنڈیشن کے منیجر سید عبداللہ، ڈاکٹر احسن فرید اور P.R.O مرزا الیاس کی آمد ہوئی جہاں انہوں نے رکن شوریٰ حاجی محمد رفیع العطاری سے ملاقات کی۔ نجی بلڈفاؤنڈیشن کی شخصیات نے دعوت اسلامی کی جانب سے فاؤنڈیشن میں زیر علاج مریضوں اور بچوں کے لئے خون کے عطیات دینے پر اظہار تشکر کیا۔

اس موقع پر رکن شوریٰ نے ان اسلامی بھائیوں کو دعوت اسلامی کے تحت دین متین کی خدمات کے سلسلے میں دنیا بھر میں ہونے والے مدنی کاموں کے حوالے سے بھی بتایا۔ ملاقات کے اختتام پر نجی فاؤنڈیشن کی جانب سے خون کے عطیات دینے پر دعوت اسلامی کو شیلڈز بھی پیش کی گئیں۔

عاشقان رسول کی مدنی تحریک دعوت اسلامی دنیا بھر میں نیکی کی دعوت کی دھومیں مچانے میں مصروف ہے اوراس کے تحت ملک وبیرون ملک میں دینی تعلیمات  عام کوکرنے کے لئے مدنی مراکز بنام فیضان مدینہ قائم ہیں اور مزید جن جگہوں پرضرورت ہوتی ہے وہاں جگہ حاصل کرکے فیضان مدینہ، مساجد، مدرسۃ المدینہ اورجامعۃ المدینہ تعمیرکیاجاتا ہے ۔

اسی سلسلے میں پنجاب کے شہر پسرور کے اطراف ہیڈمرالہ کے قریبی علاقے میں بھی مدنی مرکزفیضان مدینہ، جامعۃ المدینہ اور مدرسۃ المدینہ کے تعمیراتی کاموں کا آغاز کردیاگیا ہے۔ دعوت اسلامی کی مرکزی مجلس شوریٰ کے رکن حاجی محمد اظہر عطاری نے مقامی ذمہ دار کے ہمراہ اس جگہ کا دورہ کیا اور تعمیراتی کاموں کاجائزہ لیا۔

پچھلے دنوں شاہ رکن عالم ملتان میں قائم مدنی مرکزفیضان مدینہ میں مقامی اسپتال کے ریجنل بلڈ سینٹر کے منیجر محسن عباس اور دیگر عہدیداران کی آمد ہوئی۔ اس موقع پر محسن عباس اور دیگر عہدیداران نے  رکن شوریٰ حاجی محمد اسلم عطاری اور رکن شوریٰ حاجی محمد سلیم عطاری سے ملاقات کی۔ اراکین شوریٰ نے انہیں دعوت اسلامی کے تحت لگائے جانے والے بلڈکیمپس، فلاحی کاموں اور دعوت اسلامی کے دیگر مدنی کاموں کا تعارف پیش کیاجس کو ان عہدیداران نے سراہا۔

ملاقات کے اختتام پرریجنل مینجر محسن عباس نے ملتان میں بلڈکیمپس لگانے پر دعوت اسلامی کو اپنے ادارے کی جانب سے تعریفی شیلڈز بھی پیش کیں۔

فیصل آباد کے علاقے مدینہ ٹاؤن میں قائم مدنی مرکزفیضان مدینہ میں  مجلس مدنی قافلہ کا ویڈیو کانفرنس مدنی مشورہ ہوا جس میں رکن شوریٰ حاجی محمد امین عطاری مدنی قافلہ نگران مجلس اور ریجن ذمہ داران نے شرکت کی۔ نگران پاکستان انتظامی کابینہ حاجی محمد شاہد عطاری آن لائن ان اسلامی بھائیوں کی رہنمائی کی اور شعبے کے متعلق مجلس کی کارکردگی کا جائزہ لیا۔

مدنی مرکزفیضان مدینہ جوہرٹاؤن لاہور میں میڈیاڈیپارٹمنٹ دعوت اسلامی کے تحت مقامی ٹی وی چینل کے صحافی و سینئر تجزیہ کار اسد کھرل کے والد کے ایصال ثواب کے لئے فاتحہ خوانی کا سلسلہ ہواجس میں اسد کھرل سمیت دیگر  افراد نے شرکت کی۔رکن شوری حاجی یعفوررضا عطاری نے اس موقع پر اسد کھرل سمیت دیگر اسلامی بھائیوں کو والدین کی اہمیت پر مدنی پھول دئیے جبکہ تجزیہ کار اسد کھرل کے والد مرحوم کے لئے دعائیں کیں۔

فاتحہ خوانی کے میں میڈیاڈیپارٹمنٹ آف دعوت اسلامی لاہور کے ریجن ذمہ دار نے اسد کھرل کو فیضان مدینہ کے مختلف شعبہ جات ،مجلس وقف املاک ،مجلس تعمیرات اور فنانس ڈیپارٹمنٹ کا دورہ کرایا اور وہاں ہونے والے مدنی کاموں کا تعارف بھی پیش کیا۔اس موقع پر اسد کھرل نے دعوت اسلامی کے تنظیمی نظام اور مدنی کاموں سے متاثر ہوکر ہاتھوں ہاتھ مدنی عطیات دعوت اسلامی کو جمع کروائیں اور دعوت اسلامی کی خدمات کو خوب سراہا۔

ہر سال کی طرح اس سال بھی  دعوت اسلامی کے تحت اجتماعی قربانی کا سلسلہ ہے۔ اسی سلسلے میں ملک بھر میں مجالس قائم کی جارہی ہیں اور ذمہ داران کی شرعی وتنظیمی حوالے سے مدنی مشورے بھی کئے جارہے ہیں۔

پچھلے دنوں وفاقی دارالحکومت اسلام آباد میں قائم مدنی مرکزفیضان مدینہ میں اسلام آباد ریجن کے ذمہ داران کا ویڈیو کانفرنس کے ذریعے مدنی مشورہ ہوا جس میں نگران زون، مجلس مالیات، مجلس مدنی عطیات بکس، مجلس ائمہ مساجد، مجلس فیضان مدینہ، مجلس مدرسۃ المدینہ للبنین و للبنات اور مجلس جامعۃ المدینہ للبنین و للبنات کے ریجن ذمہ داران نے شرکت کی۔

اس موقع پررکن شوریٰ حاجی محمد وقارالمدینہ عطاری اور رکن شوریٰ حاجی محمداظہر عطاری نے ان اسلامی بھائیوں کی رہنمائی کی۔ ویڈیو کانفرنس میں گزشتہ سال کی کارکردگی کا جائزہ لیاگیا اور اجتماعی قربانی کرنے اور قربانی کی کھالیں جمع کرنے کے حوالے سے اہداف بھی طے کئے گئے۔

پنجاب کے شہر لاہور کے علاقے جوہر ٹاؤن میں قائم مدنی مرکزفیضان مدینہ میں  میڈیاڈیپارٹمنٹ آف دعوت اسلامی کے زیر اہتمام ہونے والے آن لائن کفن دفن کورس کا اختتام ہوا جس میں لاہور اور اس کے اطراف میں واقع پریس کلب کے مختلف صحافیوں نے شرکت کی۔ کورس کے اختتام پر رکن شوریٰ حاجی یعفور رضاعطاری نے کورس کے شرکا کے درمیان آن لائن سنتوں بھرا بیان کیا اور کورس میں حصہ لینے والے اسلامی بھائیوں کو دعوت اسلامی کے تحت مل کر دین کے کاموں کو مزید بڑھانے کا ذہن بھی دیا۔

فیصل آباد  مدینہ ٹاؤن میں قائم مدنی مرکزفیضان مدینہ میں مجلس ہفتہ وار اجتماع اور مجلس ہفتہ وار مدنی مذاکرہ کا بذریعہ ویڈیوکانفرنس مدنی مشورہ ہوا جس میں رکن شوریٰ حاجی محمدفضیل عطاری اور ریجن ذمہ داران نے شرکت کی۔ نگران پاکستان انتظامی کابینہ حاجی محمد شاہد عطاری نےان مجالس کے ذمہ داران کی رہنمائی فرمائی اور اسلامی بھائیوں سے شعبے کے متعلقہ مدنی کاموں کے حوالے سے گفتگو کی۔ اس مدنی مشورے میں فیصل آباد زون کے نگران سمیت دیگر ذمہ داران بھی شریک تھے۔

دعوت اسلامی کے مدنی مرکز فیضان مدینہ اسلام آباد میں مختلف شعبہ ہائے زندگی سے تعلق رکھنے والی شخصیات کی آمد ہوئی۔ نگران راولپنڈی محمد اسلم عطاری اور نگران اسلام آباد محمد نعمان عطاری نے انہیں خوش آمدید کہا اور فیضان مدینہ میں قائم مختلف شعبہ جات کا وزٹ کروایا۔ ذمہ داران نے انہیں دعوت اسلامی کے تحت دنیا بھر میں ہونے والے مدنی کام اور فلاحی کام کے حوالے سے اپڈیٹ دی جس پر شخصیات نے دعوت اسلامی کی کاوشوں کو خوب سراہا اور آئندہ بھی فیضان مدینہ آنے کی نیت کی۔