31 جولائی 2020ء بعد نمازِ جمعہ دعوت اسلامی کی مجلس میڈیا ڈپارٹمنٹ کے زیر اہتمام مدنی مرکز فیضان مدینہ جوہر ٹاؤن لاہور میں صحافی اجتماع کا انعقاد کیا جائیگا۔ اس اجتماع پاک میں خصوصی بیان مرکزی مجلس شوریٰ کے رکن  حاجی یعفور رضا عطاری فرمائیں گے۔

لاہور کے صحافی حضرات سے اس اجتماع پاک میں شرکت کرنے کی درخواست ہے۔

دعوت اسلامی کے مدنی مرکز فیضان مدینہ علی ٹاؤن سرگودھا میں نجی تھیلیسیمیا سینٹرکے چیف ایگزیکٹو حاجی محمد اقبال، مینیجر ڈائریکٹر خواجہ خالد حسنین اسد، ایگزیکٹیو ممبران حاجی غلام اختر، شیخ محمد اشرف اور صدر انجمن تاجران سرگودھا محمد ناصر سہگل کی آمد ہوئی۔

نگران سرگودھا زون محمد عادل رضا عطاری اور مجلس بلڈ ڈونیشن کے ذمہ داران سید محمد عاصم عطاری اور محمد راحیل عطاری نے انہیں خوش آمدید کہا۔ شخصیات نے مدنی مرکز میں جاری مختلف تعمیراتی پروجیکٹس کا وزٹ کیا اور رکن شوریٰ حاجی وقار المدینہ عطاری سے ملاقات کی۔

رکن شوریٰ نے انہیں دعوت اسلامی کی دنیا بھر میں جاری دینی خدمات کے حوالے سے تفصیلی بریفنگ دی اور موجودہ صورتحال میں تھیلسیمیا کے بچوں کے لئے دعوت اسلامی کے خون عطیہ کی کارکردگی اور لاک ڈاؤن میں جاری فلاحی کاموں کے حوالے سے اپڈیٹس دیں۔

نجی تھیلیسیمیا سینٹر کی جانب سے دعوت اسلامی کی اس عظیم و تاریخی کاوش کو نہ صرف سراہا گیا بلکہ Shield بھی پیش کی گئیں۔

دعوت اسلامی دنیا بھر میں نیکی کی دعوت عام کرنے میں مصروف ہے اور اس مدنی تحریک کو منظم انداز سے امیراہلسنت دَامَتْ بَرَکَاتُہُمُ الْعَالِیَہ کی بنائی ہوئی مرکزی مجلس شوری چلارہی ہے، دعوت اسلامی کے مدنی کاموں کو بہتر کرنے کےحوالے سے وقتافوقتا مرکزی مجلس شوری اور دیگر شعبہ جات کے مدنی مشورے ہوتے رہتے ہیں ۔

دعوت اسلامی کے زیرِ اہتمام کئی مہینوں سے پاکستان بھر میں تھیلیسیمیا اور دیگر مریضوں  کے لئے وقتاً فوقتاً بلڈ کیمپس لگائے جارہے ہیں اور تھیلیسیمیا کے مریضوں کے لئے کام کرنے والے فلاحی اداروں کو بلڈ کی فراہمی کی جارہی ہے۔

اسی فلاحی کام کو سراہنے کے لئے 25 جولائی 2020ء کو تھیلیسیمیا اور بلڈ بینکس کا کام کرنے والے نامور اداروں کے سربراہان و عہدیداران کی عالمی مدنی مرکز فیضان کراچی میں آمد ہوئی۔ اس موقع پر ایک کانفرنس کا انعقاد کیا گیا جس میں نگران شوریٰ مولانا محمد عمران عطاری مَدَّظِلُّہُ الْعَالِی اور رکن شوریٰ حاجی مولانا محمد عبد الحبیب عطاری نے دعوت اسلامی کی اس کاوش پر Presentationپیش کی۔

اداروں کی جانب سے دعوت اسلامی کی اس عظیم و تاریخی کاوش کو نہ صرف سراہا گیا بلکہ Appreciation letters اور Shields بھی دی گئیں۔اس موقع پر مختلف نیوز چینل کے نمائندگان اور کیمرہ مین بھی موجود تھے۔ 

پچھلے دنوں عالمی مدنی مرکز فیضان مدینہ کراچی میں دعوت اسلامی کی مجلس تحقیقات شرعیہ کا دو دن کامدنی مشورہ ہوا ۔ اس مدنی مشورے میں شیخ الحدیث والتفسیر مفتی محمد قاسم عطاری ، شیخ الحدیث مفتی محمد ہاشم عطاری ، مفتی محمد فضیل عطاری، ماہرِ امورِ تجارت مفتی علی اصغر عطاری، استاذ الحدیث مولانا محمد حسان عطاری مدنی، مولانا انس عطاری مدنی ، مولانا ساجد عطاری مدنی، مولانا عرفان عطاری مدنی، رکن شوریٰ حاجی محمد اسد عطاری مدنی اورمجلس تحقیقات شرعیہ و دارالافتاء اہلسنت کے انتظامی ہیڈ رکن شوریٰ مولانا عبد الحبیب عطاری نے شرکت کی۔مدنی مشورے کی سربراہی مرکزی مجلس شوریٰ کے نگران مولانا محمد عمران عطاری نے فرمائی، مشورے میں اہم شرعی مسائل کے حوالے سے گفتگو کی گئی۔

دعوت اسلامی کی مجلس بیرون ملک کے زیر اہتمام 23 جولائی 2020ء کو عالمی مدنی مرکز فیضان مدینہ کراچی میں قائم بیرون ملک کے دفتر میں تربیت کا سلسلہ ہوا جس میں مدنی کاموں کے سلسلے میں بیرون ملک سفر کرنے والے اسلامی بھائیوں نے شرکت کی۔ نگران مجلس بیرون ملک سفر سید احسن عطاری نے روانگی کے حوالے سے ان کی تربیت فرمائی اور سفر کی احتیاطیں بیان کرتے ہوئے مدنی کاموں کے اہداف کے حوالے کلام کیا۔(رپورٹ: محمد عامر عطاری مدنی ، ٹریول ڈیسک اورسیز آفس کراچی )

مدنی مرکزفیضان مدینہ جوہر ٹاؤن لاہور  میں مجلس شعبہ تعلیم کی دعوت پرنجی بلڈفاؤنڈیشن کے مارکیٹنگ منیجر کاشف پرویز، لیب انچارج عبدالرحمٰن، B.D.S انچارج میسر حسین اور دیگر کی آمد ہوئی جہاں انہوں نے رکن شوریٰ حاجی محمد رفیع عطاری سے ملاقات کی۔ اس موقع پر شعبہ تعلیم اور فیصل آباد ریجن کے نگران زون ودیگر ذمہ داران بھی موجود تھے۔ ملاقات میں دعوت اسلامی کے تحت لگنے والے بلڈکیمپس کے حوالے سے گفتگو ہوئی جبکہ عہدیداران نے فیصل آباد میں دعوت اسلامی کے تحت لگنے والے بلڈکیمپس اور فاؤنڈیشن کو خون عطیہ کرنے پر رکن شوری کا شکریہ ادا کیا اور رکن شوریٰ کو شیلڈز بھی پیش کیں۔

عالمی مدنی مرکزفیضان مدینہ کراچی میں دعوت اسلامی کی مجلس مدرسۃ المدینہ اور مجلس ائمہ مساجد کا  مدنی مشورہ ہوا جس میں دونوں شعبہ جات کے کابینہ ذمہ داران اور زون ذمہ داران نے شرکت کی۔مدنی مشورے میں مساجد میں ہونے والےمدنی کاموں کو حالیہ دنوں میں مزیدبہتر انداز میں کرنے کے حوالے سے کلام ہوا جبکہ گزشتہ کارکردگی کا جائزہ بھی لیاگیا۔ رکن شوریٰ حاجی محمد امین عطاری نے شرکا کی رہنمائی فرمائی جبکہ عیدقرباں کے موقع پر اجتماعی قربانی اور قربانی کی کھالیں جمع کرنے کے حوالے سے بھی گفتگو کی۔

عالمی مدنی مرکزفیضان مدینہ کراچی میں قائم مرکزی جامعۃ المدینہ کے درجہ دورۃ الحدیث شریف  میں مدنی مشورہ ہوا جس میں جامعات المدینہ کراچی کے ناظمین نے شرکت کی۔اراکین شوریٰ حاجی محمد امین عطاری اور حاجی محمد اسد عطاری مدنی نے موجودہ صورتحال میں شروع کئے جانے والے آن لائن تعلیمی سسٹم اور دیگر امور پر کلام کیا۔ اراکین شوریٰ نے اس سسٹم کو مزید بہتری کی طرف لے جانے کے حوالے شرکا کی رہنمائی کی۔

لاہور کے علاقے جوہرٹاؤن میں قائم مدنی مرکزفیضان مدینہ میں مجلس وکلاء کی دعوت پر ایڈوکیٹ منیر حسین بھٹی (ممبر پنجاب بار کونسل اور لیگل ایجوکیشن لاہور کے چیئرمین) نے رکن شوریٰ حاجی یعفور رضاعطاری سے ملاقات کی ۔ رکن شوریٰ نے منیرحسین بھٹی کو دعوت اسلامی کے مدنی کاموں بالخصوص موجودہ صورتحال میں فلاحی کاموں، تھیلیسیما اور دیگر امراض میں مبتلا مریضوں اور بچوں کو خون کی فراہمی کے سلسلے میں لگائے جانے والے بلڈ کیمپس کے حوالے سے بتایا اور مدنی چینل دیکھنے کی ترغیب دلائی۔ منیرحسین بھٹی نے دعوت اسلامی کے دینی و فلاحی کاموں کو خوب سراہا اور وکلاء میں بھی نیکی کی دعوت عام کرنے پر خوشی کا اظہارکیا۔

دعوت اسلامی کے عالمی مدنی مرکزفیضان مدینہ کراچی میں مجلس رابطہ کراچی ریجن کے ذمہ داران کا مدنی مشورہ ہوا جس میں دعوت اسلامی کے تحت ہونے والی اجتماعی قربانی اور قربانی کی کھالیں جمع کرنے کے حوالے سے تجاویز پر غور کیاگیا۔ مدنی مشورے میں اراکین شوریٰ حاجی محمد اطہر عطاری، حاجی محمد امین عطاری اور نگران پاکستان مجلس رابطہ محمد قربان عطاری نے قربانی کی کھالیں جمع کرنے کے حوالے سے انتظامیہ سے  ملاقات کرکے طریقہ کار اور حکمت عملی بنانے، بالخصوص موجودہ صورت حال میں اجتماعی قربانی کیلئے انتظامیہ کے ساتھ مشترکہ حکمت عملی بنانے اور N.O.C حاصل کرنے کے حوالے سے گفتگو کی اور ویژن ٹوئنٹی ٹوئنٹی فائیو پر بھی کلام کیا۔ اراکین شوریٰ نے ذمہ داران کو قربانی کی کھالیں جمع کرنے اور اجتماعی قربانی کے حوالے سے اہداف دئیےاور انہیں اپنے شعبے میں 12 مدنی کاموں کو مزید مضبوط بنانے کا بھی ذہن دیا۔

شعبہ امتحانات تنظیم المدارس اہلسنت پاکستان کے تحت ملک بھر کے جامعات میں پڑھنے والے طلبہ کرام کے سالانہ امتحانات کا سلسلہ ہوا۔امتحانی مرکز عالمی مدنی مرکزفیضان مدینہ کراچی میں عالیہ اور عالمیہ  کا امتحان دینےکےلئے مرکزی جامعۃ المدینہ فیضان مدینہ کے طلبہ کرام نےبھی حصہ لیا۔

اسی سلسلے میں تنظیم المدارس اہلسنت کے صدر علامہ مولانامفتی منیب الرحمٰن صاحب مَدَّظِلُّہُ الْعَالِی نے عالمی مدنی مرکزکا دورہ کیا اور وہاں جاری امتحانات کے حوالے سے انتظامات کاجائزہ لیا۔ اس موقع پر مفتی صاحب کے ہمراہ صوبائی ناظم اعلیٰ ریحان امجدی نعمانی صاحب، ممبر امتحانی بورڈ مولاناصابر حسین نورانی صاحب، ضلعی کوآرڈینیٹر اور دعوت اسلامی کے جامعۃ المدینہ کے تعلیمی ذمہ داران بھی موجود تھے۔ دورے کے موقع پرمفتی منیب الرحمن صاحب نے انتظامات پر اطمینا ن کا اظہار کرتے ہوئے تعلیمی ذمہ داران کو مبارک باد پیش کی۔