چیف ایگزیکٹو گرین سرکل پاکستان، ٹنل ٹیکنالوجی سائنسدان ڈاکٹرساجد اقبال سندھو کی مدنی مرکز فیضان مدینہ فیصل آباد آمد ہوئی جہاں انہوں نے مختلف ڈیپارٹمنٹ کا دورہ کرتے ہوئے رکن شوریٰ حاجی مولانا جنید عطاری مدنی سے ملاقات کی۔

رکن شوریٰ نے انہیں دعوت کی دینی و فلاحی کاموں کا تعارف پیش کیا اور بالخصوص گرین پاکستان کے حوالے سے شعبہ FGRFکی جانب سے ہونے والی مہم ”پودا لگانا ہے، درخت بنانا ہے“ پر بریفنگ دی۔بعد ازاں ڈاکٹر ساجد اقبال سندھو کو فرض علوم کی اہمیت بیان کی گئی اور مکتبۃ المدینہ کی کتاب ”فرض علوم سیکھئے“ تحفے میں پیش کی۔ آخر میں پروفیسر ڈاکٹر ساجد اقبال سندھو نے دعو ت اسلامی کی خدمات کو سراہا اور خوشی کا اظہار کیا۔ اس موقع پر کنز المدارس بورڈ کے لیگل ایڈوائزر اور کنسلٹنٹ پروفیسر جاوید اسلم باجوہ بھی موجود تھے۔

دعوتِ اسلامی کے تحت 7 جنوری 2022ء بروز جمعہ فیصل آباد میں قائم مدنی مرکز فیضانِ مدینہ میں ایصالِ ثواب اجتماع کا اہتمام کیا گیا جس میں مختلف شعبہ ہائے زندگی سے تعلق رکھنے والے اسلامی بھائیوں نے شرکت کی۔

اس دوران دعوتِ اسلامی کی مرکزی مجلس شوریٰ کے رکن ونگران پاکستان مشاورت حاجی محمد شاہدعطاری نے سنتوں بھرا بیان کرتے مرحومین کو ایصالِ ثواب کرنے کا طریقہ بتایا۔

نگرانِ پاکستان مشاورت نے شرکا کو پانچوں نمازوں کی پابندی کرنے، دعوتِ اسلامی کے تحت منعقد ہونے والے ہفتہ وار سنتوں بھرے اجتماع میں شرکت کرنے اور دینی تعلیم حاصل کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

اس کے علاوہ نگرانِ پاکستان مشاورت نے شرکا کے درمیان تحائف تقسیم کئے اور دعا کروائی۔بعدازاں اس اجتماعِ پاک میں شریک ہونے والے عاشقانِ رسول نے نگرانِ پاکستان مشاورت سے ملاقات کی۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

گزشتہ دنوں خیبر پختون خواہ سے آئے ہوئے ٹیچرز اور یونیورسٹی کے اسٹوڈنٹس نے مدنی مرکز فیضانِ مدینہ جوہر ٹاؤن لاہور میں ہونے والے 7 دن پر مشتمل’’ فیضانِ نماز کورس‘‘ میں شرکت کی جس میں انہیں نماز کے چند ضروری مسائل بتائے گئے۔

اس موقع پر دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے وہاں موجود اسلامی بھائیوں کے درمیان سنتوں بھرا بیان کیا اور اُن کی دینی و اخلاقی اعتبار سے تربیت کی۔

اس کے علاوہ رکنِ شوریٰ نے انہیں دعوتِ اسلامی کے12 دینی کاموں میں حصہ لینے اور مدنی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتوں کا اظہار کیا۔‫(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام ہر جمعرات کو پاکستان کے مختلف شہروں میں ہفتہ وار سنتوں بھرے اجتماع کا انعقاد کیاجاتا ہے جس میں کثیر عاشقانِ رسول بھرپور انداز میں شرکت کرتے ہیں۔

اسی سلسلے میں 6 جنوری 2022ء بروز جمعرات مدنی مرکز فیضانِ مدینہ شاہ رکن عالم کالونی ملتان میں ہفتہ وار سنتوں بھرا اجتماع منعقد ہوا جس میں کثیر عاشقانِ رسول نے شرکت کی۔

اس اجتماعِ پاک میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ’’قرا ٰنی تعلیم سکھایئے اور عمل کیجئے‘‘ کے موضوع پر سنتوں بھرا بیان کرتے ہوئے قراٰنِ پاک سیکھنے، سکھانے اور قراٰنِ پاک کی تعلیمات پر عمل کرنے کا ذہن دیا۔

اس کے علاوہ اجتماعِ پاک میں پڑھے جانے والے درودِ پاک کا سلسلہ ہواجبکہ نگرانِ پاکستان مشاورت نے دعا کروائی اور صلاۃ و سلام پڑھا نیز اسلامی بھائیوں نے نگرانِ پاکستان مشاورت سے ملاقات بھی کی۔بعدازاں نگرانِ پاکستان مشاورت مکتبۃ المدینہ کے بستے(ا سٹال) پر تشریف لے گئے اور کُتُب و رسائل کا تعارف کروایا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پچھلے دنوں پنجاب کے شہر فیصل آباد میں قائم مدنی مرکز فیضانِ مدینہ میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیاجس میں ذمہ داراسلامی بھائیوں سمیت سینکڑوں عاشقانِ رسول نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی جنید عطاری مدنی نے سنتوں بھرا بیان کرتے ہوئے وہاں موجود عاشقانِ رسول کی تربیت و رہنمائی کی اور انہیں دعوتِ اسلامی کے 12 دینی کاموں میں عملی طور پر حصہ لینے کا ذہن دیا۔بعدازاں رکنِ شوریٰ نے سیکھنے سکھانے کا حلقہ بھی لگایا اورشرکا کو مدنی پھولوں سے نوازا۔(رپورٹ:ساجد سلیم عطاری مدنی، کانٹینٹ:غیاث الدین عطاری)

دعوتِ اسلامی کے تحت وقتاً فوقتاً عاشقانِ رسول کی تربیت و رہنمائی کے لئے درس و بیان کا سلسلہ ہوتا رہتا ہےجس میں انہیں دینِ اسلام کے مطابق زندگی گزارنے کا طریقہ بتایا جاتا ہے۔

اسی سلسلے میں پچھلے دنوں عالمی مدنی مرکز فیضانِ مدینہ کراچی میں بعد نمازِ عصر سیکھنے سکھانے کا حلقہ منعقد ہوا جس میں مرکزی مجلسِ شوریٰ کے رکن حاجی محمد امین عطاری سنتوں بھر ابیان کرتے ہوئے وہاں موجود اسلامی بھائیوں کی دینی اور اخلاقی اعتبار سے تربیت فرمائی۔

اس موقع پر کراچی سطح کے شعبہ ائمہ اور نیو سوسائٹی ذمہ دار اعجاز عطاری سمیت دیگر ذمہ داران بھی موجود تھے۔(کانٹینٹ:غیاث الدین عطاری)

دعوت اسلامی کے مرکزی جامعۃ المدینہ عالمی مدنی مرکز فیضان مدینہ کراچی کے دار الحدیث شریف میں سنتوں بھرے اجتماع کا انعقاد کیا گیا جس میں تخصص فی الفقہ، تخصص فی الحدیث اور تخصص فی الفقہ و الاقتصادالاسلامی کے طلبہ کرام نے شرکت کی۔

شیخ الحدیث والتفسیرابو الصالح مفتی محمد قاسم عطاری مُدَّ ظِلُّہُ العالی نےسنتوں بھرا بیان کرتے ہوئےTime management, life planning اور future planning کے حوالے سے گفتگو کی۔

گزشتہ دنوں پنجاب پاکستان کے شہر  فیصل آباد میں قائم دعوت اسلامی کے مدنی مرکز فیضان مدینہ میں مدنی مشورے کا انعقاد کیا گیا جس میں مدرسۃ المدینہ کے ناظمین اورپراپرٹی اینڈ کنسٹرکشن ڈیپارٹمنٹ کے اسلامی بھائیوں سمیت دیگر ذمہ داران نے شرکت کی۔

اس مدنی مشورے میں دعوت اسلامی کی مرکزی مجلسِ شوریٰ کے رکن ونگران پاکستان مشاورت حاجی محمد شاہدعطاری نے مدارس المدینہ کی تعداد کو بڑھانے کا ہدف دیتے ہوئے انہیں جلد از جلد پائے تکمیل تک پہچانے کاذہن دیا جس پر اسلامی بھائیوں نے اچھی اچھی نیتوں کااظہار کیا۔

اس کے علاوہ نگران پاکستان مشاورت نے مدارس المدینہ کی تعداد کو بڑھانے کے ساتھ ساتھ ان میں پڑھنے والے طلبۂ کرام کی تعداد کو بھی بڑھانے کا ذہن دیا اور ذمہ داراسلامی بھائیوں کی نمایاں کارکردگی پرتحائف تقسیم کئے۔(کانٹینٹ:غیاث الدین عطاری)

دنیا بھر میں قراٰن و سنت کی تعلیمات کو عام  کرنے اور عاشقانِ رسول کی دینی اور اخلاقی تربیت کرنے کے سلسلے میں دعوت اسلامی کی مرکزی مجلسِ شوریٰ کے اراکین وقتاً فوقتا ًذمہ داران کا مدنی مشورہ فرماتے رہتے ہیں۔

اسی سلسلے میں پچھلے دنوں مدنی مرکز فیضانِ مدینہ اسلام آباد میں اسلام آباد مشاورت کے مختلف شعبہ ذمہ داران کا مدنی مشورہ ہوا جس میں رکنِ مرکزی مجلسِ شوریٰ حاجی محمد وقارالمدینہ عطاری سمیت دیگر اہم ذمہ داران نے شرکت کی۔

اس مدنی مشورے میں مرکزی مجلسِ شوریٰ کے رکن و نگران پاکستان مشاورت حاجی محمد شاہد عطاری نے اسلام آباد مشاورت کے ذمہ داران کی تقرری کرتے ہوئے 12 دینی کاموں کے حوالے سے گفتگو کی۔

اس کے علاوہ نگران پاکستان مشاورت نے ذمہ داران کو مدنی چینل کو عام کرنے کا ذہن دیتے ہوئےمدنی پھولوں سے نوازا۔بعدازاں اسلامی بھائیوں نے نگران پاکستان مشاورت سے ملاقات کی۔( کانٹینٹ:غیاث الدین عطاری)

دعوتِ اسلامی کے تحت پچھلے دنوں مدنی مرکز فیضانِ مدینہ لاہور میں پنجاب مشاورت کے مختلف شعبہ ذمہ داران کے درمیان مدنی مشورے کا اہتمام کیا گیا جس میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت و رہنمائی کی۔

نگرانِ پاکستان مشاورت نے پنجاب مشاورت کے ذمہ داران کی تقرری کرتے ہوئے 12 دینی کاموں کے حوالے سے گفتگو کی اور وہاں موجود اسلامی بھائیوں کو مدنی قافلوں میں سفر کرنے، مدنی چینل عام کرنے اور مسواک جیسی عظیم سنت کو اپنانے کی ترغیب دلائی جس پر انہوں نے اچھی اچھی نیتوں کا اظہار کیا۔

واضح رہے اس موقع پر مرکزی مجلسِ شوریٰ کے اراکین حاجی یعفور رضا عطاری، حاجی رفیع عطاری، حاجی جنید عطاری مدنی اور حاجی محمد اسلم عطاری سمیت دیگر اہم ذمہ داران موجود تھے۔(کانٹینٹ:غیاث الدین عطاری)

لاہور بزنس کمیونٹی سے تعلق رکھنے والے تاجران نے 29 دسمبر 2021ء کو دعوت اسلامی کے عالمی مدنی مرکز فیضان مدینہ کراچی کا دورہ کیا جہاں انہیں مختلف ڈیپارٹمنٹس سمیت اسلامک ریسرچ سینٹر بنام المدینۃ العلمیہ اورمدنی چینل ڈیپارٹ کا وزٹ کروایا گیا۔

بعد ازاں تاجران نے نگران شوریٰ حاجی مولانا محمد عمران عطاری مُدَّ ظِلُّہُ العالی اور رکن شوریٰ حاجی مولانا عبد الحبیب عطاری سے ملاقات کی۔ نگران شوریٰ نے انہیں عالمی سطح پر ہونے والے دعوت اسلامی کے دینی و فلاحی خدمات پر بریفنگ دی اور نیکی کی دعوت پیش کرتے ہوئے تاجران کو دینی کاموں میں جانی و مالی تعاون کرنے کی ترغیب دلائی۔

دنیا بھر میں قراٰن و سنت کی تعلیمات کو عام  کرنے اور عاشقانِ رسول کی دینی اور اخلاقی تربیت کرنے کے سلسلے میں دعوت اسلامی کی مرکزی مجلسِ شوریٰ کے اراکین وقتاً فوقتا ًذمہ داران کا مدنی مشورہ فرماتے رہتے ہیں۔

اسی سلسلے میں مرکزی مجلسِ شوریٰ کے رکن و نگران پاکستا ن مشاورت حاجی محمد شاہد عطاری نے 30دسمبر2021ء بروز جمعرات مدنی مرکز فیضانِ مدینہ اسلام آباد میں کشمیر مشاورت کے شعبہ ذمہ داران کا مدنی مشورہ کیا جس میں رکنِ مرکزی مجلسِ شوریٰ حاجی محمد وقارالمدینہ عطاری سمیت دیگر اہم ذمہ داران نے شرکت کی۔

اس مدنی مشورے میں نگران پاکستان مشاورت نے کشمیرمشاورت کے ذمہ داران کی تقرری کرتے ہوئے 12 دینی کاموں کے حوالے سے گفتگو کی اور وہاں موجود اسلامی بھائیوں کو مدنی قافلوں میں سفر کرنے کی ترغیب دلائی جس پر ذمہ داراسلامی بھائیوں نے اچھی اچھی نیتوں کا اظہار کیا۔

اس کے علاوہ نگران پاکستان مشاورت نے ذمہ داران کو مدنی چینل کو عام کرنے کا ذہن دیا اور مدنی پھولوں سے نوازا۔بعدازاں ذمہ داران نے نگران پاکستان سے ملاقات کی۔(کانٹینٹ:غیاث الدین عطاری)