دعوت اسلامی کے شعبہ نیو سوسائٹی ڈیپارٹمنٹ کے تحت گلشن معمار کے بلڈرز  نے عالمی مدنی مرکز فیضان مدینہ کراچی کا وزٹ کیا۔

بلڈر حضرات نے فیضان مدینہ میں قائم مختلف ڈیپارٹمنٹس کا وزٹ کیا اور اراکین شوریٰ حاجی مولانا عبد الحبیب عطاری، حاجی امین قافلہ عطاری اور حاجی محمد علی عطاری سے ملاقات کی۔رکن شوریٰ حاجی مولانا عبد الحبیب عطاری نےشعبہ نیو سوسائٹی کےقیام کا مقصد اور اس کےتحت ہونے والے دینی کاموں کا تعارف پیش کیا۔ آخر میں بلڈرز نے دعوت اسلامی کے دینی و فلاحی کاموں کا سراہا اور نیک خواہشات کا اظہار کیا۔ (Content: Mohammad Hussain Attari)

محسن فوڈز Mohsin Foodsکے عہدیداران کی عالمی مدنی مرکز فیضان مدینہ کراچی آمد ہوئی۔

اسلامی بھائیوں نے فیضان مدینہ میں مختلف ڈیپارٹمنٹس کا وزٹ کیا اور رکن شوریٰ حاجی محمد امین عطاری سے ملاقات کی۔ رکن شوریٰ نے انہیں دعوت اسلامی کے تحت ہونے والے دینی و فلاحی کاموں پر بریفنگ دی۔

محسن فوڈز کے عہدیداران نے دعوت اسلامی کی خدمات کو سراہا اور خوشی کا اظہار کیا۔ (Content: Mohammad Hussain Attari)

20 ستمبر 2021ء بروز پیر دعوت اسلامی کے مدنی مرکز فیضان مدینہ فیصل آباد میں مدنی مشورے کا انعقاد کیا گیا جس میں پاکستان مشاورت آفس اور تمام ریجن آفسز کے جملہ اسلامی بھائیوں نے شرکت کی۔

ذمہ دار پاک کابینہ دفترمولانا حاجی محمد عمر عطاری مدنی نے شرکا کی تربیت کی اور مختلف امور پر رہنمائی فرمائی۔

اس مدنی مشورے میں فیصل آباد کے علاوہ تمام ذمہ داران بذریعہ ویڈیو لنک شریک تھے۔ (Content: Mohammad Hussain Attari)

مسلمانوں کے اندر عشق رسول کی شمع کو اجاگر کرنے  والا مہینا ”ربیع النور شریف“ کی آمد آمد ہے جس کی خوشی میں دنیا بھر میں عاشقان رسول اپنی اپنی استطاعت کے مطابق جشنِ میلاد کی تیاریاں کرتے ہیں۔ عاشقان رسول کی عالمگیر دینی تحریک دعوت اسلامی بھی اس مہینے کو شریعت کے دائرے میں رہتے ہوئے نہایت جوش و خروش سے مناتی ہے ۔

اس ماہ ربیع الاول کی تیاریوں کے حوالے سے مدنی مرکز فیضان مدینہ فیصل آباد میں مدنی مشورہ منعقد ہواجس میں فیصل آبادکے تمام نگران کابینہ اور ہر کابینہ کے چراغاں مجلس کے اسلامی بھائیوں سمیت دیگر ذمہ داران نے شرکت کی۔مدنی مشورے میں جشن ولادت کی تیاری کے حوالے سے ذمہ داران کی رہنمائی کی گئی۔

نگران پاکستان مشاورت حاجی محمد شاہد عطاری نے تمام ذمہ داران کو ہر ہر مسجد اور گلیوں میں مدنی پرچم لگانے کا ذہن دیااور 25 صفر المظفر عرس اعلیٰ حضرت سے ہی لائٹنگ Lighting کرنے کی ترغیب دلائی۔ حاجی شاہد عطاری نے شرکا کو مارکیٹوں اور دکانوں میں مدنی حلقے اور اجتماعات میں منعقد کرنے کا ہدف دیا اور ساتھ ساتھ تمام اسلامی بھائیوں کو اس مہینے کی مناسبت اور اپنی تربیت کے لئے امیر اہلسنت دَامَتْ بَرَکَاتُہُمُ الْعَالِیَہ کا رسالہ ”صبح بہاراں“ پڑھنے کی خوب ترغیب دلائی۔ (Content: Mohammad Hussain Attari)

14 ستمبر 2021ء کو مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی نے دینی کاموں کے سلسلے میں مدنی مرکز فیضان مدینہ آفنڈی ٹاؤن حیدر آباد کا دور ہ کیا جہاں ذمہ داران سے مدنی مشورہ، شخصیات سے ملاقات اور دیگر امور ان کے شیڈول میں شامل تھے۔

تفصیلات:

بعد نماز ظہر تاجران، ڈاکٹرز اور صحافیوں کے درمیان سنتوں بھرے اجتماع کا انعقاد کیا گیا جس میں نگران شوریٰ حاجی مولانا محمد عمران عطاری نے سنتوں بھرا بیان فرمایا۔

بعد نماز عصر نگران شوریٰ نے جامعۃ المدینہ کے اساتذۂ کرام اور دورۃ الحدیث شریف کے طلبہ کرام کی مختلف امور پر تربیت فرمائی۔

بعد نماز مغرب شعبہ نیو سوسائٹیز کے ذمہ داران کا مدنی مشورہ ہوا جس میں حاجی مولانا محمد عمران عطاری نے نیو سوسائٹی میں دینی کام کرنے کے حوالے سے شرکا کی رہنمائی فرمائی۔ اس مدنی مشورے میں بلڈرز حضرات بھی موجود تھے۔

بعد نماز عشاء نگران شوریٰ نے حیدر آباد ریجن کے نگران زون اور اراکین زون کا مدنی مشورہ لیا جس میں کارکردگی کا جائزہ لیتے ہوئے مختلف امور پر کلام فرمایا۔اس مدنی مشورے میں اراکین شوریٰ حاجی محمد ایاز عطاری، حاجی محمد فاروق جیلانی عطاری، حاجی محمد علی عطاری اور حاجی محمد برکت علی عطاری بھی موجود تھے۔

بعد ازاں فیضان مدینہ حیدر آباد آفنڈی ٹاؤن کی وزٹ کے لئے تشریف لائے ہوئے اسسٹنٹ کمشنر حیدر آباد سٹی مطاہرہ و ٹو اور ڈپٹی کمشنر حیدر آباد فواد غفار سومرو نے نگران شوریٰ حاجی مولانا محمد عمران عطاری مَدَّظِلُّہُ الْعَالِی سے ملاقات کی اور دیگر امور پر تبادلۂ خیال ہوا۔ (Content: Mohammad Hussain Attari)

دعوت اسلامی کے تحت مدنی مرکز فیضان مدینہ فیصل آباد میں ملتان ریجن آفس کے اسلامی بھائیوں کا آن لائن مدنی مشورہ ہوا جس میں ریجن نگران ملتان اور ریجن آفس کے تمام اسلامی بھائیوں نے شرکت کی۔

نگران پاکستان مشاورت حاجی محمد شاہد عطاری نے شعبے کے ریجن آفس میں ہونے والے دینی کاموں کا جائزہ لیا اور اسلامی بھائیوں کو پُرخلوص نیت کے ساتھ کام کرنے اور دیگر امور کے حوالے سے رہنمائی فرمائی۔ (Content: Mohammad Hussain Attari)

15 ستمبر 2021ء کو دعوت اسلامی کے مدنی مرکز فیضان مدینہ فیصل آباد میں شعبہ رابطہ برائے تاجران کے ذمہ داران کا مدنی مشورہ ہوا جس میں متعلقہ شعبے کے نگران اور شعبہ رابطہ برائے تاجران فیصل آباد کے تمام ذمہ داران  نے شرکت کی۔

نگران پاکستان مشاورت حاجی محمد شاہد عطاری نے شعبے کی کارکردگی کا جائزہ لیا اور دینی کاموں کے حوالے سے شرکا کی تربیت کی۔ (Content: Mohammad Hussain Attari)

دعوت اسلامی کے شعبہ فیضان آن لائن اکیڈمی کے زیر اہتمام مدنی مرکز فیضان مدینہ فیصل آباد میں ان  دنوں نشست کا سلسلہ جاری ہےجس میں شعبہ فیضان آن لائن اکیڈمی پاکستان کے ذمہ داران نے شریک ہیں۔ اس نشست میں وقتاً فوقتاً مبلغین دعوت اسلامی سنتوں بھرا بیان کرتے ہوئے شرکا کی تربیت کررہے ہیں۔

دوران نشست مرکزی مجلس شوریٰ کے رکن حاجی یعفور رضا عطاری نے سنتوں بھرا بیان فرمایااور شعبے کے حوالے سے شرکا کی تربیت فرمائی۔ (Content: Mohammad Hussain Attari)

دعوت اسلامی کے مدنی مرکز فیضان مدینہ فیصل آباد میں اسلام آباد زون آن لائن مدنی مشورہ ہوا جس میں اسلام آباد زون کے ذمہ داران نے شرکت کی۔

نگران پاکستان مشاورت حاجی محمد شاہد عطاری نے شعبے کی کارکردگی کا جائزہ لیا اور دینی کاموں کے حوالے سے شرکا کی تربیت کی۔ (Content: Mohammad Hussain Attari)

مدنی مرکز فیضان مدینہ فیصل آباد میں مدنی مشورہ ہوا جس میں شعبہ H.Rکے ریجن ذمہ داران اور شعبہ جدول کے ریجن ذمہ داران نے براہ راست جبکہ ریجن آفسز کے ذمہ داران بذریعہ لنک شریک ہوئے۔

نگران پاکستان مشاورت حاجی محمد شاہد عطاری نے شعبے کے کاموں کی کارکردگی کا جائزہ لیا اور شعبے کے کاموں کو مزید بہتر کرنے کے حوالے سے رہنمائی فرمائی۔ (Content: Mohammad Hussain Attari)

دعوتِ اسلامی کے عالمی مدنی مرکز فیضانِ مدینہ کراچی میں مجلس مدنی چینل کی جانب سے 7 ستمبر 2021ء کو مدنی چینل کے علمی و تحقیقی شعبہ جات کے علمائے کرام، اسکرپٹ رائٹرز اور دیگر مدنی عملہ کا پروفیشنل ٹریننگ سیشن ہوا جس میں  مدنی چینل کے پروگرامز کو شرعی اعتبار سے فائنل کرنے والے مفتشین اسلامی بھائیوں نے شرکت کی۔

تربیتی سیشن میں ماہنامہ فیضانِ مدینہ کے ناظمِ اعلیٰ اور نائب مدیر مولانا راشد علی عطاری مدنی نے شرکا کی ٹریننگ کی۔ سیشن میں جدید ٹیکنالوجی کو استعمال کرتے ہوئے کم وقت میں زیادہ سے زیادہ تحریری و تحقیقی کام کرنے کے جدید ٹولز زیر بحث لائے گئے، قرآنی آیات اور احادیث کی سیکنڈز میں سرچنگ کا طریقہ، قرآن و حدیث اور دیگر عنوانات پر سینکڑوں متنوع موضوعات بنانے کے طریقے بیان ہوئے اور سینکڑوں موضوعات پر منٹوں میں کثیر مواد جمع کرنے کے لئے جدید ٹیکنالوجی کا استعمال سکھا یا گیا۔ 

دعوتِ اسلامی کے عالمی مدنی مرکز فیضانِ مدینہ کراچی میں مجلس مدنی چینل کی جانب سے 7 ستمبر 2021ء کو مدنی چینل کے علمی و تحقیقی شعبہ جات کے علمائے کرام، اسکرپٹ رائٹرز اور دیگر مدنی عملہ کا پروفیشنل ٹریننگ سیشن ہوا جس میں  مدنی چینل کے پروگرامز کو شرعی اعتبار سے فائنل کرنے والے مفتشین اسلامی بھائیوں نے شرکت کی۔

تربیتی سیشن میں ماہنامہ فیضانِ مدینہ کے ناظمِ اعلیٰ اور نائب مدیر مولانا راشد علی عطاری مدنی نے شرکا کی ٹریننگ کی۔ سیشن میں جدید ٹیکنالوجی کو استعمال کرتے ہوئے کم وقت میں زیادہ سے زیادہ تحریری و تحقیقی کام کرنے کے جدید ٹولز زیر بحث لائے گئے، قرآنی آیات اور احادیث کی سیکنڈز میں سرچنگ کا طریقہ، قرآن و حدیث اور دیگر عنوانات پر سینکڑوں متنوع موضوعات بنانے کے طریقے بیان ہوئے اور سینکڑوں موضوعات پر منٹوں میں کثیر مواد جمع کرنے کے لئے جدید ٹیکنالوجی کا استعمال سکھا یا گیا۔