دعوتِ اسلامی کی مجلس دارالمدینہ  کے تحت وفاقی وزیرتعلیم کے سیکریٹری نے دارالمدینہ کے ہیڈآفس کے کادورہ کیا۔ذمّہ داران اور نگرانِ مجلس نے ان کا استقبال کرتے ہوئے دعوتِ اسلامی اور بالخصوص دارالمدینہ کا تعارف پیش کیا، سیکریٹری وفاقی وزیرتعلیم نے دارالمدینہ انٹرنیشنل یونیورسٹی پریس کی شائع کردہ کتابوں کا جائزہ بھی لیا۔ 

دعوتِ اسلامی کی مجلس دا ر المدینہ انٹر نیشنل اسلامک اسکولنگ سسٹم کے تحت مختلف کیمپسز میں حج ڈے منا یا گیا جس میں طلبۂ کرام کومناسکِ حج کے حوا لے سے آ گا ہی فراہم کی گئی  اور انہیں حج کے ارکان سکھائے گئے۔

دعوت ِاسلامی کی مجلس دارالمدینہ کے تحت حیدرآباد  میں ذمّہ دار ان نے نگرانِ زون کے ہمراہ دارالمدینہ کا دورہ کیا۔اساتذہ اور دیگر اسٹاف نے ذمّہ داران کو اسکول کے مختلف شعبہ جات کا تعارف کروایااور مدنی حلقے کاسلسلہ ہوا جس میں نویں اور دسویں کلاس کے طلبہ اور اساتذہ نے شرکت کی ۔نگرانِ زون نے شرکا کی تربیت کر تے ہوئے کارکردگی کا جائزہ لیانیزتعلیم کے حوالے سےاہم نکات بیان کئے جبکہ پہلی اور دوسری کلاس کے اسٹوڈنٹس سے دینِ اسلام کےمتعلق سوال وجواب کاسلسلہ ہوا۔

دعوتِ اسلامی کے تحت چلنے والے دارالمدینہ انٹرنیشنل اسلامک اسکولنگ سسٹم کے زیرِاہتمام باب المدینہ کراچی، زم زم نگر حیدرآباد، فاروق نگرلاڑکانہ، ٹنڈو آدم ،شہداد پور اور سکھر کے مخصوص کیمپسز میں ”سمر کیمپ ‘‘ کا آغاز ہوچکا ہے۔اس سمر کیمپ میں کلاس4 تا میٹرک کے طلبہ کو ضروری دینی علوم، انگلش لینگویج اور کمپیوٹر سے متعلق ضروری معلومات اور مختلف دلچسپ سرگرمیوں کے ذریعےفراہم کی جارہی ہیں۔ اس کے علاوہ سیکنڈری اسکولز کی طالبات کے لئے کوکنگ کلاسز بھی اس سمر کیمپ کا حصّہ ہیں۔واضح رہے کہ اس سمر کیمپ کا مقصد موسم گرما میں بچوں کی چھٹیوں کوصحت مند سرگرمیوں کے ذریعےبامقصد اور مفید بنانا، ان کی ذہنی اور جسمانی صلاحیتوں میں اضافہ کرنا اور ان کی دینی و اخلاقی تربیت کرنا ہے۔