ملتان، لاہور، فیصل آباد،سرگودھا، راولپنڈی، منڈی بہاؤالدین، واہ کینٹ، سیالکوٹ اور ڈینگہ میں  قائم دارالمدینہ انٹرنیشنل اسلامک اسکولنگ سسٹم میں نئے تعلیمی سال 2021ء-2020ءکے لئے داخلوں کی رجسٹریشن کا آغاز اِنْ شَآءَ اللہ عَزَّ وَجَلَّ یکم جنوری2020ء بروزبدھ سے ہوگا۔

داخلوں کے خواہش مند والدین/سرپرست اپنے قریبی کیمپس سے رابطہ فرمائیں۔(رپورٹ،محمد علی رضا عطاری،شعبہ نصاب سازی، مجلس دارا لمدینہ)

دعوت اسلامی کی مجلس دارالمدینہ کے تحت 13دسمبر2019ء کوعالمی مدنی مرکز فیضانِ مدینہ کراچی سےتین دن کا قافلہ  روانہ ہوا جس میں دارالمدینہ ہیڈ آفس کے اسلامی بھائیوں نے شرکت کی۔روانگی سے قبل دارالمدینہ کے مدنی کام ذمّہ دار نے شرکا کی تربیت کی اور راہِ خدا میں سفر کرنے کے فضائل بیان کئے۔(رپورٹ: ذوالفقار عطاری، دارالمدینہ شعبہ مدنی کام)

دعوت اسلامی کی مجلس دارالمدینہ کے تحت 10دسمبر2019ء کو نارتھ کراچی میں قائم دارالمدینہ بوائز ہائی اسکول میں مدنی مشورہ ہوا جس میں نویں کلاس اور میٹرک کے اسٹوڈنٹس نے شرکت کی ۔ دارالمدینہ مدنی کام ذمہ دار نے درس وبیان کرنے کے حوالے سے طلبہ کی  تربیت کی اور اپنے اپنے علاقے میں مدنی کام کرنے کا ذہن دیا۔ علاوہ ازیں اسٹوڈنٹس کو درس و بیان کا عملی طریقہ بھی سکھایا گیا۔(رپورٹ:ذوالفقار عطاری، ہیڈ آف ڈیپارٹمنٹ دارالمدینہ شعبہ مدنی کام)

پندرہواں کراچی عالمی کُتب میلہ 5 دسمبر2019ء بروز جمعرات  سے 9 دسمبر2019ء بروز پیر تک ایکسپو سینٹر کراچی میں جاری ہے۔اس عالمی کتب میلے میں گزشتہ سالوں کی طرح اس سال بھی’’دارالمدینہ انٹرنیشنل یونیورسٹی پریس‘‘نےاسٹال لگایا ہے۔اَلْحَمْدُ لِلّٰہِ عَزَّ وَجَلَّ! مختلف اسکولوں کے پرنسپل، ٹیچرز اور اسٹوڈنٹس وغیرہ اس کا دورہ کررہے ہیں اور فروغِ علم کے حوالے سے ’’دارالمدینہ انٹرنیشنل یونیورسٹی پریس‘‘کی کوششوں کو سراہ رہے ہیں۔آپ بھی کراچی ایکسپوسینٹر آکر ہال نمبر 2 اسٹال نمبر 20 پر ’’دارالمدینہ انٹرنیشنل یونیورسٹی پریس‘‘ کے اسٹال کا وزٹ کرکے فوائد حاصل کیجیے۔(رپورٹ،محمد علی رضا عطاری،شعبہ نصاب سازی، مجلس دارا لمدینہ)

دعوت اسلامی  کی مجلس دارالمدینہ کے تحت 28نومبر 2019ء کوکراچی کے علاقہ صدر میں واقع دارالمدینہ صدر کیمپس میں مدنی حلقہ ہوا جس میں نویں اور دسویں کلاس کے طلبہ نے شرکت کی۔دارالمدینہ مدنی کام ذمّہ دار نے سنّتوں بھرا بیان کیا اور شرکا کی تربیت کرتے ہوئے اپنے اپنے علاقے میں مدنی کام کو مضبوط کرنے اورروزانہ مسجد درس دینے اور اس میں شرکت کرنے کی ترغیب دلائی۔(رپورٹ: ذوالفقار عطاری،ہیڈ آف شعبہ مدنی کام ڈپیارٹمنٹ دارالمدینہ)

پچھلے دنوں امیراہلِ سنت دَامَتْ بَرَکَاتُہُمُ الْعَالِیَہ کی بارگاہ میں دعوت اسلامی کی مرکزی مجلس شوریٰ کے رکن حاجی محمد اطہر علی عطاری کے ہمراہ دارالمدینہ کےC.E.Oغلام رسول عطاری، نگران شرعی امورمولانا کفیل مدنی، ریجنل ڈائریکٹرز اور اراکین مجلس دارالمدینہ کی حاضری ہوئی۔ اس موقع پر نگران شوریٰ مولانا عمران عطاری مُدَّظِلُّہُ الْعَالِی بھی موجود تھے۔ امیراہلِ سنت دَامَتْ بَرَکَاتُہُمُ الْعَالِیَہ کی خدمت میں دارالمدینہ کے دینی شعبہ جات کی تفصیلات پیش کی گئی۔ دارالمدینہ کے طلبہ کے عقائد و ایمان کے تحفط کے لئے کیے جانے والے اقدامات نیز دارالمدینہ کے اسلامیات کے نصاب کے حوالے بھی تفصیلات پیش کی گئیں۔ اس موقع پر امیراہلِ سنت دَامَتْ بَرَکَاتُہُمُ الْعَالِیَہ نے مجلس دارالمدینہ کو اپنی دعاؤں سے نوازا۔(رپورٹ،محمد علی رضا عطاری، مجلس دار المدینہ)

دعوت اسلامی کی مجلس دارالمدینہ اسکولنگ سسٹم کے تحت بارہ ربیع النّورشریف 1441ھ انتہائی جوش وجذبے سے منایا گیا جس میں بچوں نے دارالمدینہ کو برقی قمقموں اور مدنی پرچموں سے سجایا اور نعلینِ پاک ، گنبد خضراءاور  مختلف آرٹ بنائے ۔

گذشتہ دنوں  دعوتِ اسلامی کے تحت دارُ المدینہ کے مختلف کیمپسز میں عرس اعلیٰ حضرت رحمۃ اللہ علیہ کے موقع پر یومِ رضا منایا گیا جس میں طلبہ کو اعلیٰ حضرت رحمۃ اللہ علیہ کی سیرت اور دینی خدمات کے متعلق آگاہی فراہم کی گئی اور ان کی تربیت کی گئی۔(رپورٹ،محمد علی عطاری،مجلس دار المدینہ )

دعوت ِاسلامی کی مجلس دارالمدینہ کے ہیڈ آفس میں جامعہ کراچی کے پروفیسرڈاکٹر اشتیاق احمد خان کی آمد ہوئی۔ ذمّہ داران نے مہمان کوخوش آمدید کہا اور انہیں دارالمدینہ کے مختلف شعبہ جات کاوزٹ کروایا ۔علاوہ ازیں پروفیسر صاحب نے دارالمدینہ انٹرنیشنل یونیورسٹی پریس کی شائع کردہ کتابوں کا جائزہ بھی لیا۔(محمد علی رضاعطاری، مجلس دارالمدینہ)

دعوتِ اسلامی کی مجلس دارُ المدینہ کے تحت کراچی میں کے علاقے  گلشنِ اقبال میں قائم دارالمدینہ کے ہیڈ آفس میں ذمّہ داران کا مدنی مشورہ ہوا جس میں ریجنل ڈائریکٹرز اور ہیڈ آف ڈیپارٹمنٹس نے شرکت کی۔ اس مدنی مشورے میں دار المدینہ کے تعلیمی معیار کو مزید بہتر بنانے اور بہت سے اہم امور پر گفتگو کی گئی۔ (رپورٹ، محمد علی عطاری، دارالمدینہ کراچی)

گزشتہ دنوں رکن شوریٰ حاجی محمد اظہر عطاری کی دارالمدینہ ہیڈآفس تشریف آوری ہوئی۔ اس موقع پرCEO دارالمدینہ اور اراکینِ مجلس دارالمدینہ نے رکن شوریٰ کا استقبال کیا اور انہیں دارالمدینہ کے مختلف شعبہ جات کاوزٹ کروایا۔ علاوہ ازیں اراکینِ مجلس دارالمدینہ نےرکن شوریٰ کودارالمدینہ انٹرنیشنل یونیورسٹی پریس کے تحت ہونے والے کاموں کے متعلق تفصیلی بریفنگ دی جس پر رکن شوریٰ نے دارالمدینہ ہیڈ آفس کے مختلف شعبہ جات میں ہونے والے کاموں کو خوب سراہا اور مزید ترقی کے لئے دعا بھی فرمائی۔