دار المدینہ انٹرنیشنل اسکول سسٹم میں وقتاً فوقتاً ٹیچرزاور دیگر اسٹاف کی تربیت کے لئے اہتمام کیا جاتا ہے اور ساتھ ساتھ اداروں میں تعلیمی نظام کو جدید تقاضوں کے مطابق چلانے کے لئے مختلف مشاروتوں کا سلسلہ بھی ہوتا ہے۔

اسی سلسلے میں دارالمدینہ سے وابستہ ایجوکیشن مینیجرز، ریجنل ڈائریکٹرز، متعلقہ ہیڈ آف ڈیپارٹمنٹس اور اراکین شعبہ دار المدینہ کے لئے 21 جون 2021ء سے اجتماع پاک کا آغاز ہوچکا ہے جو 24 جون 2021ء تک جاری رہے گا۔

اس اجتماع کے پہلے دن مرکزی مجلس شوریٰ کے رکن حاجی محمداطہر عطاری نے دار المدینہ کے تعلیمی نظام کے نصب العین کو بیان کرتے ہوئے فرمایا کہ دار المدینہ امام غزالی اور دیگر بزرگانِ دین رحمۃ اللہ علیہم کی تعلیم و تربیت کی جانب سے بتائے گئے اصولوں کی روشنی میں اور امیر اہلسنت دَامَتْ بَرَکَاتُہُمُ الْعَالِیَہ کی طرف سے عطاکردہ مدنی مقصد کے حصول کے ساتھ ساتھ تعلیمی میدان میں شرعی تقاضوں کے مطابق اصلاحات پورا کرنے لئے قائم کیا گیا ہے۔رکن شوریٰ نے مزید کہا کہ ہمارا ہر عمل اور ہرپالیسی اسلامی تعلیمات کے مطابق ہونی چاہیے۔ دارالمدینہ سے پڑھ کر نکلنے والے نوجوانوں کے اعمال سیرتِ مصطفی صلَّی اللہ علیہ واٰلہٖ وسلَّم کے آئینہ دار ہوں۔

بیان کے بعد تربیتی اجتماع کےاغراض و مقاصد بیان کیے گئے اور دیگر تربیتی سیشنز کا انعقاد بھی کیا گیا۔ (رپورٹ: محمد نبیل شیخ، میڈیا کوآرڈینیٹر دارالمدینہ)

کسی بھی تعلیمی ادارے میں assessmentاور evaluationکا اچھا نظام اس ادارےکومزیدمضبوط بنانےمیں اہم کردار ادا کرتا ہے۔ دارالمدینہ انٹرنیشنل اسلامک اسکول سسٹم میں بھی یونٹ ٹیسٹ، ،مڈ ٹرم(Midterm) اور فائنل ٹرم (Final term) اسسمنٹ کا اہتمام کیا جاتا ہے۔

17 جون2021 سےدارالمدینہ سندھ کے مختلف کیمپسز میں سالانہ امتحانات کا آغاز ہو چکا ہے۔امتحانات کے دوران بھی حکومتی ہدایات پر عمل کرتے ہوئے طلبہ کو SOPs پر عمل کروایا جا رہا ہے ۔ (رپورٹ: محمد نبیل شیخ، میڈیا کوآرڈینیٹر دارالمدینہ)

پچھلے دنوں دعوت اسلامی کی مرکزی مجلس شوریٰ کے رکن حاجی محمد اطہر عطاری نے لاہور ریجنل ڈائریکٹر زبیر عطاری مدنی نے دار المدینہ لاہور ریجن کے مختلف کیمپسز کا دورہ کیا۔

ان کیمپسز میں تعلیمی، تربیتی اور انتظامی امور کا جائزہ لیا گیااور توجہ طلب امور پر اسٹاف کی تربیت کی گئی۔ رکن شوریٰ نے ان کیمپسز میں مدنی پھول پیش کرتے ہوئے فرمایا کہ کسی بھی ادارے کے عہدیداران کو وقتاً فوقتاً اپنے ادارے کے اسٹاف کی کارکردگی کا جائزہ لینا ، ادارے کومزید مضبوط کرنے کے لئے ان کی تربیت کرنا ترقی کی راہوں پر گامزن رکھنے میں اہم کردار ادا کرتا ہے۔ (رپورٹ: محمد نبیل شیخ، میڈیا کوآرڈینیٹر دارالمدینہ)

دار المدینہ انٹرنیشنل اسلامک اسکول میں زیر تعلیم اسٹوڈنٹس کے سرپرستوں کو اطلاع دی جارہی ہے کہ سندھ حکومت کی جانب سے کئے گئے فیصلے کے مطابق دار المدینہ سندھ کمپس میں چھٹی سے آٹھویں جماعت کی فزیکل کلاسز کا آغاز بروز منگل 15 جون 2021ء سے ہوچکا ہے جبکہ نویں اور دسویں جماعت کی فزیکل کلاسز پہلے سے ہی جاری ہے۔ 

والدین اپنے بچوں کو اسکول بھیجنے کے لئے مندرجہ ذیل امور کا خاص خیال رکھیں۔

.1بچوں کو باقاعدگی سے احتیاطی تدابیر کے ساتھ اسکول بھیجیں۔

.2حکومت کی جانب سے بتائی گئی ایس او پیز (SOP`s)کے مطابق اسکول میں بھی مناسب انتظامات کئے جارہے ہیں۔

.3طلبہ کو ایک روز کے وقفے سے اسکول بلایا جارہا ہےتاکہ سماجی فاصلے (Social Distance)کو یقینی بنایا جاسکے لہذا سابقہ شیڈول کے مطابق ہی اپنے بچوں کو شفٹ (A/B)میں وقت کی پابندی کے ساتھ بھیجے۔

.4طے شدہ دن پر اسکول سے ملنے والا ہوم ورک ضرور مکمل کروائیں۔

.5اگر تاحال آپ اسٹڈی پیک(Study Pack) جمع نہیں کرواسکے تو بچوں کے ساتھ ضرور بھجوادیں۔

حکومت کی مزید ہدایات آنے تک پری نرسری سے پانچویں کلاس تک کے طلبہ کی حسب معمول اسٹڈی پیک اور آن لائن کلاسز کے ذریعے تعلیم کا سلسلہ جاری رہے گا۔ مزید تفصیلات کے لئے کیمپس سے رابطہ فرمائیں۔

پرنسپل

دار المدینہ انٹرنیشنل اسلامک اسکول

دارالمدینہ انٹرنیشنل اسلامک اسکول سسٹم دعوتِ اسلامی کے زیر اہتمام   آنے والے نسلوں کے ایمان وعقائد کے تحفظ اور انکی دینی ماحول میں تعلیم و تربیت کو یقینی بنانے کے عظیم مقاصد کے تحت قائم کیا گیا ہے۔دارالمدینہ دعوتِ اسلامی کے چند اہم ترین شعبہ جات میں سے ایک شعبہ ہےجو امت محبوب صلی اللہ علیہ وسلم کے نونہالوں کو تعلیم کے میدان میں آگے بڑھانے کے لیے اپنی کوششیں جاری رکھے ہوئے ہے۔دارالمدینہ کی انتظامیہ کی یہ کوشش ہوتی ہے کہ دارالمدینہ سے وابستہ والدین و سرپرستوں کو حتی الامکان سہولیات فراہم کی جائیں تاکہ وہ اپنے معاشی وسائل میں اپنے بچوں کی تعلیم و تربیت کو باآسانی جاری رکھ سکیں۔ لاک ڈاؤن کے باعث پیدا ہونے والی صورت حا ل کا ہمیں بخوبی اندازہ ہے ۔ موجودہ صورتحال میں والدین کو مزید آسانی فراہم کرتے ہوئے دارالمدینہ کی جانب سےمندرجہ ذیل اقدامات کیے جارہے ہیں:

1. جون تا نومبر 2021 ہر ماہ بروقت (due date سے پہلے)فیس کی ادائیگی پر اگلے ماہ کی فیس پر %5 فیصد ڈسکاؤنٹ دیا جائے گا۔

2. ہر سال ماہ ِ اکتوبر کی فیس میں شامل annual charges اس سال دسمبر 2021 میں لیے جائیں گے۔

3. جون تا نومبر 6 ماہ تک بروقت فیس جمع کروانے والوں کو annual charges پر 50% فیصد ڈسکاؤنٹ دیا جائے گا۔

شعبۂ تعلیم دعوتِ اسلامی کے زیر اہتمام  11 اپریل 2021ء بروز اتوار ریجن فیصل آباد، زون میانوالی، کابینہ میانوالی،ڈویژن چشمہ میں واقع دار المدینہ چشمہ کیمپس میں سنتوں بھرا اجتماع ہوا جس میں نگران میانوالی زون، تعلیمی چیف ایگزیکٹیو آفیسر ضلع میانوالی وزیر احمد آ غا، ڈپٹی ڈسٹرک ایجو کیشن آفیسر ایلیمنٹری ، ڈپٹی ڈائریکٹر علامہ اقبال اوپن یونیورسٹی میانوالی کیمپس، پرنسپل گورنمنٹ لیب ہائر سیکنڈری اسکول میانوالی، وائس پرنسپل لیب ہائر سیکنڈری اسکول میانوالی، ڈاکٹر ظفر اسلامیات پروفیسر گورنمنٹ پوسٹ گریجویٹ کالج میانوالی، ہیڈماسٹر گورنمنٹ ہا ئی اسکول ٹھٹی اور مختلف اداروں کے سینئر اساتذہ نے شرکت کی۔

محمد صفدر عطاری، ریجنل ڈائیریکٹر فیصل آباد دارالمدینہ نےسنتوں بھرا بیان کیا۔ فیصل آباد ریجنل ڈائریکٹر نے دارالمدینہ کے تعلیمی نظام کی پریزنٹیشن دی اور ضلع میانوالی ایجوکیشن اتھارٹی اور دیگر شخصیات کو دارلمدینہ چشمہ کیمپس کا وزٹ بھی کروایا۔اس موقع پر شرکا میں تحائف بھی تقسیم کئے گئے اور آخر میں خیر خواہی کا بھی انتظام ہوا۔(رپورٹ: محمد اعجاز عطاری، رکن زون میانوالی شعبہ تعلیم)

بروز پیر 27مارچ 2021ء کو حیدرآباد فیضان مدینہ سے بذریعہ زوم  رکن شوری و نگران حیدرآباد ریجن قاری ایاز عطاری نے دار المدینہ اسلامک اسکول سسٹم کے ٹیچرز و دیگر اسٹاف کا مدنی مشورہ لیا جس میں دعوت اسلامی کے 12دینی کاموں میں حصہ لینےاور سرپرستوں کو بھی شرکت کا ذہن دینے کے حوالے سے مدنی پھول دئیے۔

گزشتہ دنوں دعوت اسلامی کی مرکزی مجلس شوریٰ کے اراکین حاجی محمد اسد عطاری مدنی، حاجی محمدجنید عطاری مدنی اور حاجی بغداد رضا عطاری نے شعبہ انٹر نیشنل اسلامک اسکول سسٹم کے ہیڈ آفس کا وزٹ کیا۔ اراکین شوریٰ کو دارالمدینہ کے تعلیمی نظام کی تفصیلات پر مشتمل پریزنٹیشن پیش کی گئی جبکہ دینیات ڈیپارٹمنٹ، ریسرچ اینڈ ڈیولپمنٹ، H.R، I.T، ایجوکیشن مینجمنٹ، ایڈمن اینڈ ایڈمیشن ڈیپارٹمنٹ کا دورہ کروایا گیا۔

اس موقع پر اراکین شوریٰ نے دار المدینہ کے دینی تعلیمی نظام اور دیگر کاموں کے انداز کوخوب سراہا اور خوشی کا اظہار کرتے ہوئے اپنی دعاؤں سے نوازا۔

گزشتہ دنوں عامر ظہیر عطاری ڈائریکٹر فنانس دارالمدینہ کا قضائے الٰہی سے انتقال ہوگیا تھا۔ 09 مارچ 2021 انکے چہلم کے سلسلے میں نارتھ کراچی میں ایصال ثواب کا اجتماع منعقد کیا گیا۔اجتماع میں مفتی کفیل مدنی اور دارالمدینہ ہیڈ آفس  کے اسلامی بھائیوں نے شرکت کی۔