گزشتہ دنوں  رکن شوریٰ و نگران مجلس دارالمدینہ حاجی اطہر علی عطاری نے اسلام آباد ریجن کے عملے کی بذریعہ ویڈیو لنک تربیت فرمائی۔ رکن شوریٰ نے سیرت مصطفی صَلَّى اللهُ عَلَيْهِ وَسَلَّمَ اور صحابہ کرام عَلَیْهمُ الرِّضْوَان کی زندگیوں کے مختلف واقعات کی روشنی میں حوصلہ افزائی کی اہمیت اور اس کے فوائد بتائے۔ آخر میں رکن شوریٰ و نگران مجلس دارالمدینہ حاجی اطہر علی عطاری نے اسلامی بھائیوں اور اسلامی بہنوں کی جانب سے پوچھے جانے والے سوالات کے جوابات بھی دیئے۔(رپورٹ: محمد علی رضا عطاری شعبہ نصاب سازی)

 پچھلے دنوں رکن مجلس شاہ فیصل عطاری نے راولپنڈی،واہ کینٹ،گجرات،ڈنگہ،منڈی بہاؤالدین اور سیالکوٹ ریجنز کے تمام کیمپسز کا دورہ کیا۔اس دوران انھوں نے مختلف انتظامی و تعلیمی امور کا جائزہ لیا اور دارالمدینہ کا معیارِ تعلیم بلند کرنےاور مزیدبہتری کے حوالے سے پرنسپل و اساتذہ ٔکرام سے میٹنگزکیں اور انہیں مفید مشورے بھی دیے۔

مختلف شہروں میں نئے دارالمدینہ کے قیام کے لیے مجلس دارالمدینہ اوراس کے تحت ان شہروں میں قائم عبوری مجالس کی میٹنگز بھی ہوئیں، جن میں دعوت اسلامی کے مختلف ذمہ داران نےخصوصی شرکت کی اور اپنے خیالات کا اظہار کیا ۔جبکہ رکن مجلس نے سیالکوٹ میں قائم فیضان مدینہ میں ہفتہ وار سنتوں بھرے اجتماع میں بیان کیا ۔(رپورٹ: محمد علی رضا عطاری شعبہ نصاب سازی)

گزشتہ دنوں دارالمدینہ انٹرنیشنل اسلامک اسکول سسٹم میں اجتماع کا انعقاد کیا گیا ،جس میں رکن شوریٰ، حاجی اطہر عطاری نے غوث پاک رَحْمَةُ اللهِ عَلَيْهِ کی سیرت پر بذریعہ ویڈیو لنک بیان فرمایا۔اس بیان میں دارالمدینہ ہیڈ آفس کے علاوہ پاکستان اور ہند کی سٹی مجالس کے ذمہ داران نے بھی شرکت کی۔

رکن شوریٰ نے اپنے بیان میں فرمایا کہ اولیائے کرام عَلَیْهمُ الرِّضْوَان کے دل دنیا کی محبت سے خالی ہوتے ہیں۔وہ اللہ سے اپنی لو لگائے رہتے ہیں۔ان کا چین و قرار پروردگار کا ذکر ہوتا ہے۔یہی ان کے شب و روز کا معمول ہوتا ہے۔اولیائے کرام پر اللہ پاک کی خاص رحمتیں نازل ہوتی ہیں ۔

رکن شوریٰ نے اپنے بیان میں فرمایا کہ بزرگان دین کے اعراس کے موقع پر ہمیں ان کی سیرت کی روشنی میں اپنے کردار کا جائزہ لینا چاہیے۔ہمیں فرائض و واجبات کی پابندی کرنے کے علاوہ اللہ پاک کا شکر گزار اور مخلوق خدا پر رحم کرنے والا ہونا چاہیے۔نیز ہمیں اپنے بھائی کے لیے وہی پسند کرنا چاہیے جو ہم اپنے لیے پسند کرتے ہیں۔

گزشتہ دنوں دعوت اسلامی کے ایچ آر ڈپارٹمنٹ  (مجلس اجارہ )کے نگران سید اسد عطاری اور انکی ٹیم نے کراچی میں قائم دارالمدینہ کے ہیڈ آفس کا وزٹ کیا۔اس موقع پردارالمدینہ اور مجلس اجارہ کی باہمی کوآرڈینیشن کو مزید مضبوط بنانے کے حوالے سے تبادلہ ٔ خیال کیا گیا۔

اراکین مجلس دارالمدینہ نے معزز مہمانوں کا استقبال کیا اور انہیں دارالمدینہ ایچ آر ،آر اینڈ ڈی ،آئی ٹی، سوشل میڈیا ،ایجوکیشن مینجمنٹ،دینیات سمیت دیگر ڈیپارٹمنٹس کا وزٹ کرواتے ہوئے دارالمدینہ کے نصاب،اس کے ایجوکیشن سسٹم اور دارالمدینہ کی مختلف اپ ڈیٹس کے حوالے سے آگاہی فراہم کی نیز دارالمدینہ کے موجودہ اور مستقبل کے اہداف کے بارے میں بھی بتا یا۔(رپورٹ: محمد علی رضا عطاری شعبہ نصاب سازی)

الحمد للہ دعوتِ اسلامی نے جہاں دینی تعلیم کےلئے مدرسۃ المدینہ اور جامعات المدینہ قائم کئے وہیں عصرِ حاضر میں مسلمانوں کے بچوں کی خالص دینی و واسلامی ماحول میں دنیاوی تعلیم کے لئے دار المدینہ انٹر نیشنل اسکولنگ سسٹم بھی قائم کئے ہیں جہاں اسلامی ماحول میں انتہائی قابل اساتذہ کے زیرِ نگرانی دنیاوی تعلیم دی جاتی ہے۔

دار المدینہ میں محدود نشستوں پر داخلے جاری ہیں

مزید تفصیلات معلومات کے لئے دار المدینہ کی آفیشل ویب سائٹ وزٹ کیجیے۔

https://www.darulmadinah.net/

پاکستان کے مختلف شہروں میں قائم دارالمدینہ انٹرنیشنل اسلامک اسکول سسٹم کے کیمپسز میں ہوئے بڑی گیارہویں شریف جوش و خروش کے ساتھ منائی گئی۔

اس موقع پر اسٹوڈنٹس نے اپنی اپنی کلاسز میں تلاوت قرآن کریم ،نعت رسول مقبول، منقبت غوث پاک اور کوئز پروگرامز میں بڑھ چڑھ کر حصّہ لیا۔اسٹوڈنٹس نے اپنی تقاریر میں غوث پاک رحمۃ اللہ علیہ کے بچپن،ان کی کرامات ،اوردینی خدمات کو بیان کیا ۔شرکانے حکومت کی جانب سے دی جانے والی ایس او پیز پر بھر پور عمل کیا۔

حکومتی اعلان کے مطابق پاکستان کے دیگر تعلیمی اداروں کی طرح  دارالمدینہ انٹرنیشنل اسلامک اسکول سسٹم کے تمام کیمپسز بھی 26 نومبر 2020 سے 10 جنوری 2021 تک بند رہیں گے۔

اس دوران دارالمدینہ انٹرنیشنل اسلامک اسکول سسٹم کی جانب سے حسب سابق بنیادی سروسزکے طور پر اسٹڈی پیک کی فراہمی کا سلسلہ جاری رہے گا نیز دیگر ڈیجیٹل سروسز، Zoom Interactive Classes اور بذریعہWhatsApp ایجوکیشنل ویڈیوز وغیرہ بھی پیش کی جاتی رہیں گی۔

والدین اور سرپرستوں سے گزارش ہے کہ اپنے بچوں کے تعلیمی سلسلے کو جاری رکھنے کے لیے دارالمدینہ کی ان سروسز سے بھرپور فائدہ اٹھائیں ۔

گزشتہ روز سے ملک  بھر میں قائم دارالمدینہ انٹرنیشنل اسلامک اسکول سسٹم کے تمام سیکنڈری کیمپسز میں 9th اور 10th کلاسز کے لیے تعلیمی سرگرمیوں کا باقاعدہ آغازہوگیاہے۔

Covid 19 سے بچاؤ کی احتیاطی تدابیر اختیار کرتے ہوئے اسٹوڈنٹس کو ایک دن کے وقفے سے اسکول بلاکر مناسب فاصلے سے بٹھایاجا رہا ہے۔اسکول آنے والے اسٹوڈنٹس کا Temperature چیک کرنے اور مناسب وقفے سے ہاتھ دھونے کے لیے بھی انتظامات کیے گئے ہیں۔

والدین /سرپرستوں سے گزارش ہے کہ اپنے بچوں کو اسکول میں ماسک پہن کررکھنے،دوسرے بچوں کے ساتھ گھلنے ملنے سے پرہیز کرنے اور ایک دوسرے کی چیزیں استعمال نہ کرنے کا ذہن دیں نیز روزانہ اسکول روانگی سے قبل اپنے بچوں کا Temperature چیک کریں اور بخار محسوس کرنے کی صورت میں اپنے بچے کو اسکول نہ بھیجیں۔

رمضان المبارک اور عید الفطر  کی تعطیلات کے بعد پری نرسری تا میٹرک کے طلبہ کے لئے نئے تعلیمی سال کے سلیبس کے مطابق دارالمدینہ کی جانب سے Interactiveآن لائن کلاسز جاری ہیں جن میں اسٹوڈنٹس کو انگلش ،اردو،اسلامیات ،مدنی قاعدہ،ناظرہ قرآن کریم اور سائنس/EVS کے مضامین پڑھائے جارہے ہیں۔اس کے علاوہ طلبہ کی تعلیمی جانچ کے لیے ہفتہ وار ہوم ورک (Weekly home assignment) بھی دیا جائے گا جسے ٹیچرز چیک کرنے کے بعد اسٹوڈنٹس کو واپس بھیجیں گے۔

لاک ڈاؤن کے دوران طلبہ کے تعلیمی عمل کو جاری رکھنے کے لیے دارالمدینہ انٹرنیشنل اسلامک اسکول سسٹم کی جانب سے  کلاس وائز You Tube چینلز بنائے گئےجن پر انگلش ،اردو،اسلامیات ،مدنی قاعدہ،ناظرہ قرآن کریم اور سائنس/EVS کے مضامین کے لیکچرز اپ لوڈ کرنے کا سلسلہ جاری ہے۔ الحمد اللہ عزوجل تادم تحریر دارالمدینہ کے You Tube چینلز کی Viewership پانچ لاکھ سے تجاوز کرچکی ہے۔

موجودہ ملکی صورت حال کے پیش نظر  وفاقی اورصوبائی حکومتوں نے فیصلہ کیا ہے کہ ملک بھر کے تعلیمی اداروں میں پری نرسری تا کلاس 8 کے طلبہ کو اگلی کلاسز میں Promote کردیا جائے۔چنانچہ حکومتی اعلامیے کے مطابق پہلا ٹرم کے نتائج کی بنیاد پردارالمدینہ انٹرنیشنل اسلامک اسکول سسٹم کے تمام طلبہ کو اگلی کلاس میں Promote کیا جاچکا ہے۔دارالمدینہ سے وابستہ والدین اور سرپرستوں سے گزارش ہے کہ کیمپس تشریف لاکر اپنے بچوں کا رزلٹ کارڈ ،نئی کلاس کے لیے بک لسٹ اور دیگر ڈاکیومنٹس حاصل فرمالیجیے۔

سندھ کے شہر حیدرآباد کے علاقے آفندی ٹاؤن میں قائم مدنی مرکزفیضان مدینہ میں دعوت اسلامی کے زیر اہتمام  چلنے والے دارالمدینہ اسکولنگ سسٹم کے ٹیچرز کے درمیان جاری 7 دن کے فیضان نماز کورس کا اختتام گیا۔ اس کورس میں اسلامی بہنوں نے بھی پردے میں رہتے ہوئے شرکت کی۔ کورس کے اختتامی سیشن میں رکنِ شوریٰ حاجی محمداطہر عطاری نے شرکت فرمائی اور ان اسلامی بھائیوں میں غصے کی تباہ کاریوں اور استاد کے کردار پرسنتوں بھرا بیان فرماتے ہوئے دعوتِ اسلامی کے 12 مدنی کاموں میں بھرپور شرکت کرنے اور شعبہ تعلیم سے وابستہ دیگر افراد کو بھی اس کی ترغیب دلانے کا ذہن دیا۔