دعوتِ اسلامی کے تحت پچھلے دنوں اسپیشل پرسنز ڈیپارٹمنٹ کے ذمہ دار اسلامی بھائیوں نے پنجاب پاکستان کے شہر ملتان میں قائم مدرسۃالمدینہ برائے نابینا افراد (جو گزشتہ روز نیو بلڈنگ میں شفٹ ہوا ہے) کا وزٹ کیا۔

معلومات کے مطابق اس دوران اسپیشل پرسنز کے صوبائی ذمہ دارپنجاب حافظ محمد وقاص عطاری نے سیکھنے سکھانے کا حلقہ لگایا جس میں انہوں نے بچوں کی دینی و اخلاقی اعتبار سے تربیت کی اور نیو بلڈنگ میں شفٹ ہونے پر دعائے خیر کروائی۔

بعدازاں صوبائی ذمہ دار نے مدرسے میں موجود ناظم صاحب، قاری صاحبان اور بچوں سے ملاقات کی اور انہیں دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا۔(رپورٹ: محمد رضون عطاری مدنی، اسپیشل پرسنز ڈیپارٹمنٹ پاکستان آفس ذمہ دار ، کانٹینٹ:غیاث الدین عطاری)