عاشقانِ رسول کی دینی تحریک دعوتِ اسلامی  کے تحت دنیا بھر میں نیکی کی دعوت عام کرنے کے لئے 3 دن،12 دن، ایک ماہ اور 12 ماہ کے قافلے راہِ خدا عزوجل میں سفر کرتے رہتے ہیں۔

اسی سلسلے میں دعوتِ اسلامی کے مدنی مرکز فیضانِ مدینہ اسلام آباد سیکٹر G/11سے اسپیشل پرسنز ڈیپارٹمنٹ کے تحت علمِ دین سیکھنے سکھانے اور نیکی کی دعوت عام کرنے کے لئے نابینا اسلامی بھائیوں پر مشتمل 3 دن (18، 19 اور 20 اپریل 2025ء) کا قافلہ اسلام آباد سٹی سے ڈسٹرکٹ مری تحصیل مری چٹہ موڑ جامع مسجد فیضان مدینہ کی طرف سفر پر روانہ ہوا۔

قافلے میں صوبائی ذمہ دار کامران عطاری نے نابینا اسلامی بھائیوں کو فرض علوم سکھائے جن میں نماز و وضو کا عملی طریقہ، نیکی کی دعوت کی اہمیت، مختلف دعائیں، سنتیں و آداب، نیکی کی دعوت عام کرنا، اس کی اہمیت اور اس کا طریقہ شامل تھا۔