عید میلادالنبی ﷺ کے سلسلے میں 6 اکتوبر 2022ء بروز جمعرات میونسپل کارپوریشن ہال فیصل آبادمیں سیرت النبیﷺ کانفرنس کا انعقاد کیا گیاجس میں دعوتِ اسلامی کے ذمہ داران، ایڈیشنل ڈپٹی کمشنر جنرل قیصر عباس رند، ڈسٹرکٹ انچارج کنٹرول روم ڈپٹی کمشنر آفس صادق صواتی، شہر بھر سے علمائے کرام اور سیاسی و سماجی شخصیات سمیت دیگر عاشقانِ رسول نے شرکت کی۔

دورانِ کانفرنس دارالافتاء اہلسنت کے مولانا محمد اویس عطاری نے ”حسنِ مصطفیٰ ﷺ“ کے موضوع پر سنتوں بھرا بیان کرتے ہوئے آپ ﷺ کے حسن و جمال کے واقعات بتائے نیز وہاں موجود اسلامی بھائیوں کو سرکار علیہ السلام کی تعلیمات کے مطابق اپنی زندگی گزارنے کا ذہن دیا جس پر انہوں نے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)