19مئی 2023ء کو شعبہ رابطہ برائے شخصیات دعوتِ اسلامی کے تحت ذمہ دار اسلامی بھائیوں نے ڈی سی ساؤتھ آفس کا وزٹ کیا اور وہاں ڈپٹی کمشنر ضلع جنوبی کراچی غلام مرتضیٰ شیخ، اسسٹنٹ کمشنر (ریونیو) سمیعُ اللہ خان، اسسٹنٹ کمشنر صدر ٹاؤن کراچی عارف علی لغاری اور مختیارکار صدر ٹاؤن سے ملاقاتیں کیں۔

ڈی۔سی صاحب کو کتاب فیضان ِبیانات عطاریہ تحفے میں پیش کی اور اس موقع پر ان سے آفس میں محفلِ نعت اور شجرکاری کے متعلق گفتگو ہوئی جس پر انھوں نے تعاون کرنے کی اچھی نیت کا اظہار کیا ۔

اس کے علاوہ ذمہ داراسلامی بھائیوں نے اسسٹنٹ کمشنرز کو دوران ِ ملاقات دعوت اسلامی کے شعبہ جات اور ان میں ہونے والے دینی کاموں کا تعارف کروایا نیز انھیں فیضان مدینہ کا وزٹ کرنے کی دعوت دی ۔مزید مئی 2023ء ماہنامہ فیضان مدینہ کا شمارہ بھی تحفے میں پیش کیا جس پر انھوں نے خدماتِ دعوتِ اسلامی کو سراہتے ہوئے خوشی کا اظہار کیا۔(رابطہ : شعبہ رابطہ برائے شخصیات عطاری مجلس کراچی،کانٹینٹ:رمضان رضا عطاری)