لوگوں کے روحانی مسائل حل کرنے اور انہیں اوراد و وظائف  بتانے کے لئے عاشقانِ رسول کی دینی تحریک دعوتِ اسلامی کے تحت 16 ستمبر 2023ء بروز ہفتہ فیصل آباد کے مدنی مرکز فیضانِ مدینہ میں استخارہ سینٹر کا آغاز کیا گیا۔

معلومات کے مطابق رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے شعبہ روحانی علاج کے نگران اور ذمہ داران سمیت دیگر عاشقانِ رسول کے ہمراہ مل کر استخارہ سینٹر کا افتتاح کیا۔

اس موقع پر نگرانِ پاکستان مشاورت حاجی محمد شاہد عطاری نے وہاں موجود اسلامی بھائیوں کو مدنی پھولوں سے نوازا اور امیراہلِ سنت دامت بَرَکَاتُہمُ العالیہ کے رسالے ”اربعینِ عطار“ کا تعارف کروایا نیز اختتامی دعا بھی کروائی۔ (رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)