شعبہ معاونت برائے اسلامی بہنیں کے تحت 26 جولائی 2026ء کو مدنی مرکز فیضانِ مدینہ ملتان میں دعوتِ اسلامی کے تنظیمی کاموں کے سلسلے میں مدنی مشورے کا انعقاد کیا گیا جس میں پاکستان سطح کے صوبائی ذمہ دار اسلامی بھائیوں نے شرکت کی۔

اس موقع پر دعوتِ اسلامی کی مرکزی مجلسِ شوریٰ کے رکن مولانا حاجی ابو ماجدمحمد شاہد عطاری مدنی اور نگرانِ شعبہ غلام الیاس عطاری نے شرکا کی تنظیمی اعتبار سے تربیت کرتے ہوئے مختلف دینی امور پر تفصیلی گفتگو کی۔

دینی سرگرمیوں میں اضافے اور تقرر کے اہداف

مدنی مشورے کے دوران یں دعوتِ اسلامی کے دینی کاموں کو مزید منظم اور بہتر کرنے کے حوالے سے مختلف اہداف (Targets) مقرر کیے گئے۔ گفتگو کے اہم نکات درج ذیل ہیں:

٭تنظیمی نیٹ ورک: یونین کونسل (UC) سطح پر ذمہ داران کے تقرر کے ہدف کو پورا کرنا٭تعلیمی سرگرمیاں: گلی گلی مدرسۃ المدینہ اور مدرسۃالمدینہ بالغات میں اضافہ کرنا٭ اجتماعات: ہفتہ وار اجتماعات کی تعداد اور ان میں اسلامی بہنوں کی شرکت کو بڑھانا٭عطیات کے اہداف: دعوتِ اسلامی کے اخراجات کے لیے عشر ہدف پر توجہ دینا ٭ ایک ماہ اور 3 دن کے قافلوں کے اہداف ٭حلقہ سطح پر کام: ہر ماہ محارم 2 سیکھنے سکھانے کے حلقے ۔

فیضانِ صحابیات رہائشی کورسز اور افتتاح

مشورے میں اسلامی بہنوں کے لیے مخصوص تعلیمی ادارے ”فیضانِ صحابیات“ کی نئی برانچز کے افتتاح اور وہاں شروع کیے جانے والے رہائشی کورسز (Residential Courses) میں داخلوں (Admissions) کے اہداف پر بھی خصوصی مشاورت کی گئی تاکہ زیادہ سے زیادہ اسلامی بہنیں ان کورسز سے مستفیض ہو سکیں۔(رپورٹ: محمد علی رفیق عطاری شعبہ معاونت برائے اسلامی بہنیں صوبہ پنجاب آفس ، کانٹینٹ:غیاث الدین عطاری)