اَلْحَمْدُ لِلّٰہِ عَزَّ وَجَلَّ عاشقانِ رسول کی مدنی تحریک دعوتِ اسلامی، نیکی کی دعوت اور سنتوں کی خدمت کے مقدس جذبے کے تحت علم دین کو دنیا بھر میں عام کرنے کا ارادہ رکھتی ہے۔ ان امور کو بحسن وخوبی سرانجام دینے کے لئے متعدد مجالس کا قیام عمل میں لایا گیا ہے۔ ان ہی مجالس میں سے ایک ’’مجلس اسپیشل افراد(گونگے،بہرے،نابینا)“ بھی ہے۔ دعوتِ اسلامی کے مدنی ماحول میں گونگے، بہرے اور نابینااسلامی بھائیوں کو اسپیشل اسلامی بھائی کہا جاتا ہے۔ اللہ عَزَّ وَجَلّ اور اس کے رسول صلَّی اللہ علیہ واٰلہٖ وسلَّم کے فضل وکرم اور شیخ طریقت امیر اہلِ سنّت دَامَتْ بَرَکَاتُہُمُ الْعَالِیَہ کی نگاہِ فیضِ اثر سے یہ مجلس ان اسپیشل اسلامی بھائیوں میں نیکی کی دعوت عام کرنے اور انہیں معاشرے کا باکردار فرد بنانے میں مصروف عمل ہے۔

اسی سلسلے میں مجلس اسپیشل افراد کے تحت جامعۃ المدینہ چک ہمتہ لودھراں اور مدرسۃ المدینہ فیضانِ مدینہ لودھراں میں طلبۂ کرام کے درمیان مدنی حلقے کا انعقاد کیا گیا جس میں نگران مجلس اسپیشل افراد نے سنتوں بھرا بیان کیااور طلبۂ کرام کو دعوتِ اسلامی کے مدنی مقاصد بتاتے ہوئے اسپیشل افراد میں مدنی کام کرنے کی ترغیب دلائی اور انہیں اشارے بھی سکھائے۔