شعبہ معاونت برائے اسلامی بہنیں دعوتِ اسلامی کے تحت مدنی مرکز فیضانِ مدینہ، جوہر ٹاؤن لاہور میں 27 جولائی 2026ء کو مدنی مشورے کا انعقاد کیا گیا  جس میں لاہور سٹی کے معاونت ذمہ دار اور ڈسٹرکٹ و ٹاؤن ذمہ داران موجود تھے۔

اس دوران رکنِ مرکزی مجلسِ شوریٰ مولانا حاجی ابو ماجد محمد شاہد عطاری مدنی نے مدنی مشورے میں تنظیمی اہداف پر گفتگو کرتے ہوئے یوسی سطح پر تقرریوں، گلی گلی مدرسۃ المدینہ بالغات اور ہفتہ وار اجتماع میں اضافے پر کلام کیا۔

اس کے علاوہ رکنِ شوریٰ نے فیضانِ صحابیات رہائشی کورسز میں داخلوں کی تعداد بڑھانے، ایک ماہ / 3 دن کے قافلوں اور ہر ماہ محارم کے 2 سیکھنے سکھانے کے اہداف بھی طے کیے ۔ اس موقع پر نگرانِ شعبہ غلام الیاس عطاری بھی موجود تھے۔(رپورٹ: طاہر اقبال عطاری، شعبہ معاونت برائے اسلامی بہنیں پاکستان، کانٹینٹ:غیاث الدین عطاری)