23 جنوری 2021 ء بروز ہفتہ رکن شوریٰ حاجی محمد منصور رضا عطاری نے مدنی قافلے کے عاشقان رسول کی اصلاحی تربیت فرماتے ہوئے صفائی ستھرائی کے متعلق مدنی پھول دئیے۔

دوسری جانب دعوت اسلامی کی مجلس کفن دفن کے زیر اہتمام گلستان جوہرایسٹ زون کراچی ریجن میں کفن دفن پریکٹیکل مدنی حلقہ ہوا جس میں جامعۃ المدینہ طلباء نے شرکت کی۔

کفن دفن پریکٹیکل مدنی حلقے میں مبلغ دعوت اسلامی یاسر عطاری ریجن ذمہ دار نے شرکا کے درمیان غسل میت کی اہمیت اور فضائل کے موضوع پر بیان کیا اور حاضرین کو عملی طور پر غسل میت میں شامل ہونے کا ذہن دیتے ہوئے غسل میت کا طریقہ کفن کاٹنے اور پہنانے کا طریقہ سمیت مسلمان میت کو دفنانے کا طریقہ بتایا۔

واضح رہے! کفن دفن پریکٹیکل اجتماع کے اختتام پر ٹیسٹ کا سلسلہ ہواجس میں نمایاں کارکردگی حاصل کرنے والے اسلامی بھائیوں کی حوصلہ افزائی کی گئی ۔