17 اپریل 2026ء :

دعوتِ اسلامی کے زیرِ اہتمام ایک شاندار ”حج تربیتی اجتماع“ کا انعقاد کیا گیا جس میں عام اسلامی بھائیوں کی طرح خاص طور پر اسپیشل پرسنز نے خصوصی شرکت کی جس کا مقصد ہر طبقۂ زندگی تک دینِ اسلام کی تعلیمات پہنچانا اور اسپیشل پرسنز کو مناسکِ حج کی تربیت فراہم کرنا تھا۔

اجتماع میں مبلغِ دعوتِ اسلامی نے حج کے فرائض و واجبات اور سنتوں کے بارے میں آسان و مؤثر انداز میں حاضرین کی رہنمائی کی۔ خاص بات یہ رہی کہ اس اجتماع کو اشاروں کی زبان (Sign Language) میں ترجمان کیا گیا تاکہ اسپیشل پرسنز بھی بھرپور استفادہ کر سکیں۔

اسپیشل پرسنز ڈیپارٹمنٹ کے ذمہ داران کے تعاون سے شرکا کو احرام باندھنے، طواف اور دیگر مناسکِ حج کی عملی تربیت بھی دی گئی جس سے سیکھنے کا عمل مزید مؤثر ہو گیا۔ اس کے علاوہ مکہ مکرمہ اور مدینہ منورہ کے سفر کے آداب بھی بیان کئے گئے تاکہ شرکا کے دلوں میں عشقِ رسول صلَّی اللہ علیہ واٰلہٖ وسلَّم مزید بیدار ہو۔