اسلام آباد، سیکٹر  I-8، زون1 کی جامع مسجد گلشنِ مصطفیٰ میں گزشتہ روز دعوتِ اسلامی کے شعبہ کفن دفن کے تحت غسلِ میت و کفن کورس کا اہتمام کیا گیا جس میں اہلِ علاقہ اور ایک ماہ قافلے کے عاشقانِ رسول شریک ہوئے۔

کورس کے دوران شعبے کے صوبائی ذمہ دار مولانا محمد مزمل عطاری مدنی نے ابتداءً حاضرین کے درمیان غسلِ میت دینے کا شرعی طریقہ بیان کیا جس کے بعد کفن کاٹنے اور پہنانے کا پریکٹیکل کرکے بھی بتایا۔

اس کے علاوہ صوبائی ذمہ دار نے نمازِ جنازہ کو دیکھ کر پڑھنے کی دعا، جنازہ پڑھنے اور جنازے کو کندھا دینے کی فضیلت بیان کی جبکہ کندھا دینے کا مکمل طریقہ بھی سکھایا ۔(رپورٹ: شعبہ کفن دفن ، کانٹینٹ:غیاث الدین عطاری)