لوگوں کو شرعی مسائل سکھانے والی عالمی سطح کی دینی تحریک دعوتِ اسلامی کے شعبہ کفن دفن کے تحت 18 اپریل 2026ء کو مدرسہ و جامع مسجد فیضانِ  قبا ، اٹھال، زون 3 اسلام آباد میں غسل میت و کفن کورس کا اہتمام کیا گیا۔

ذرائع سے ملنے والی معلومات کے مطابق اس کورس میں علاقے کے اسلامی بھائیوں اور ذمہ داران نے شرکت کی جس میں شعبہ کفن دفن کے صوبائی ذمہ دار مولانا محمد مزمل عطاری مدنی نے حاضرین کی رہنمائی کی۔

صوبائی ذمہ دار نے حاضرین کو غسلِ میت کے آداب اور شرعی احکام سے آگاہ کرتے ہوئے بتایا کہ تختۂ غسل پر پانی کا بے تحاشہ استعمال نہ کیا جائے اور غسل کے دوران پانی مستعمل نہ ہونے کی احتیاطیں اختیار کی جائیں۔

صوبائی ذمہ دار نے حدیث پاک کی روشنی میں غسلِ میت کی فضیلت، اس کا شرعی حکم، فرضیت اور سنت کے مطابق سات مراحل میں غسل دینے کا طریقہ واضح کیا جبکہ عوام الناس میں پائی جانے والی غلطیوں کی نشاندہی بھی کی۔

بعدازاں شرکا کے سوالات کے تفصیلی جوابات دیئے گئے اور عملی تربیت کے لئے اسلامی بھائیوں کو مسلم فنرل ایپ کا تعارف کروایا گیا نیز اسے ڈاؤن لوڈ کرنے کی ترغیب بھی دلائی۔ (رپورٹ: شعبہ کفن دفن ، کانٹینٹ:غیاث الدین عطاری)