گزشتہ دنوں دعوتِ اسلامی کے زیرِ اہتمام مجید کالونی کراچی کے ایک نجی اسکول میں 7 دن پر مشتمل فیضانِ نماز کورس ہوا جس میں اسکول کے  اسٹوڈنٹس کی شرکت رہی۔

دورانِ کورس ڈسٹرکٹ ذمہ دار قاری محمد ناصر رضا عطاری نے شرکا کو نماز کا طریقہ سکھاتے ہوئے دعوتِ اسلامی کے 12 دینی کاموں میں حصہ لینے کا ذہن دیا بالخصوص ہفتہ وار سنتوں بھرے اجتماع میں شرکت کرنے کی ترغیب دلائی ۔

اس کے علاوہ ذمہ داران نے اسکول کے پرنسپل سے ملاقات کی اور اسٹوڈنٹس کے لئے مزید کورسز کروانے کے حوالے سے گفتگو کی جس پر پرنسپل نے اچھی اچھی نیتوں کا اظہار کرتے ہوئے مزید کورسز کروانے کی اجازت دی۔(رپورٹ: مولانا صدام عطاری مدنی شعبہ مدنی کورسز ٹاؤن ذمہ دار، کانٹینٹ:غیاث الدین عطاری)