امت مسلمہ کے پریشان حال  لوگوں کی خیرخواہی کرنے والی عاشقانِ رسول کی دینی تحریک دعوتِ اسلامی کے شعبہ روحانی علاج کے تحت13،12،11 مئی 2024ء کو مدنی مرکز فیضانِ مدینہ مانسہرہ میں 3 دن کا روحانی علاج کورس ہوا جس میں مانسہرہ ڈسٹرکٹ کے مختلف شعبہ جات سے تعلق رکھنے والے عاشقانِ رسول نے شرکت کی ۔

دورانِ کورس شعبے کے صوبائی ذمہ دار طارق محمود عطاری نے تعویذات لکھنے کے حوالے سے مختلف امور پر اسلامی بھائیوں کی تربیت و رہنمائی کی نیز دم کرنے اور کاٹ کرنے کا طریقہ بتاتے ہوئے اس کی چند احتیاطیں بیان کیں۔

شعبے کے متعلق گفتگو کرتے ہوئے طارق محمود عطاری نے شرکا کو نئی اپڈیٹس سے آگاہ کیا اور انہیں دعوتِ اسلامی کے 12 دینی کاموں میں عملی طور پر شریک ہونے کی ترغیب دلائی۔ (رپورٹ: سمیر علی عطاری آفس ذمہ دار، کانٹینٹ:شعیب احمد عطاری)