دعوتِ اسلامی کے زیرِ اہتمام 14، 13، 12 مئی 2025ء کو فیضانِ مدینہ آفندی ٹاؤن حیدر آباد میں تین دن کا  روحانی علاج کا خصوصی کورس منعقد ہوا۔ اس کورس میں حیدر آباد ڈویژن کے مختلف شعبہ جات سے تعلق رکھنے والے عاشقانِ رسول نے بھرپور شرکت کی۔

اس موقع پر شعبہ روحانی علاج صوبہ سندھ کے ذمہ دار امان اللہ عطاری نے شرکاکی تربیت فرمائی۔ انہوں نے تعویذات لکھنے کے حوالے سے مختلف امور پر رہنمائی فراہم کی، جس میں تعویذات لکھنے کا صحیح طریقہ کار، دم کرنے اور کاٹ کرنے کے طریقے اور احتیاطی تدابیر بیان کی گئیں۔ اس کے علاوہ شعبہ کی تازہ ترین اپڈیٹس سے آگاہ کیا گیا اور 12 اہم دینی کاموں کا ذہن دیا گیا تاکہ شرکاء دین سے زیادہ قربت حاصل کریں۔

اس کورس کا مقصد شرکاء کو روحانی علاج کے بنیادی اصولوں سے آگاہی دینا اور امت مسلمہ کی خدمت کے جذبہ کو فروغ دینا تھا، تاکہ وہ اپنی ذمہ داریوں کو بھرپور انداز میں انجام دے سکیں۔(رپورٹ:سمیر علی عطاری ( آفس اسسٹنٹ )،کانٹینٹ:شعیب احمد عطاری)