29 جون 2022ء بروز بدھ دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے دینی کاموں کے سلسلے میں مختلف شخصیات سے ملاقاتیں کیں جن میں ایس ایس پی آفس کورنگی، ایس ایس پی ڈسٹرکٹ کورنگی فیصل بشیر میمن، ڈی آئی بی انچارج عبدالماجد انور، ڈی ایس پی کورنگی جاوید یوسفزئی، ایس ایچ او کورنگی فاروق سنجرانی اور ایس ایچ او عوامی سہیل خاصخیلی سمیت ڈی آئی بی ایشو برانچ کے افسران شامل تھے۔

اس دوران ذمہ داران نے شخصیات کو دعوتِ اسلامی کے تحت ہونے والے دینی کاموں کے بارے میں بتایا نیز مختلف شعبہ جا ت کے حوالے سے بریفنگ دی جس پرانہوں نےدعوتِ اسلامی کی کاوشوں کو سراہا۔

اس کے علاوہ ذمہ دار اسلامی بھائیوں نے افسران سے کورنگی ڈسٹرکٹ میں ہونے والے ہفتہ وار سنتوں بھرے اجتماعات کی سیکورٹی کے سلسلے میں میٹنگ کی جس پر افسران نے اپنی طرف سے مکمل تعاون کی یقین دہانی کروائی۔

بعدازاں تمام افسران کو مکتبۃ المدینہ کے کُتُب و رسائل تحفے میں دیتے ہوئے انہیں مدنی مرکز فیضانِ مدینہ کا وزٹ کرنے کی دعوت دی گئی جس پر انہوں نے اچھی اچھی نیتوں کا اظہار کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)