عاشقانِ رسول کی دینی تحریک دعوتِ اسلامی کے تحت  گزشتہ روز رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری ذمہ دار اسلامی بھائیوں کے ہمراہ دینی و فلاحی کاموں کا فالو اپ لینے کے لئے لاہور شیڈول پر موجود تھے۔

دورانِ شیڈول 15 اکتوبر 2023ء کو لاہور کے علاقے سینٹرل پارک میں ایک اسلامی بھائی کے گھر پر شخصیات کے لئے سیکھنے سکھانے کا حلقہ لگایا گیا جس میں خصوصی طور پر رکنِ شوریٰ حاجی یعفور رضا عطاری سمیت سیاسی و سماجی شخصیات اور علاقے کے دیگراسلامی بھائیوں نے شرکت کی۔

نگرانِ پاکستان مشاورت حاجی محمد شاہد عطاری نے حاضرین کے درمیان بیان کرتے ہوئے انہیں مدنی پھولوں سے نوازا اور اُن کے سروں پر عمامہ شریف کا تاج بھی سجایا۔

آخر میں نگرانِ پاکستان مشاورت نےدعوتِ اسلامی کے جملہ اخراجات کے لئے ہونے والے ٹیلی تھون میں زیادہ سے زیادہ ڈونیشن جمع کروانے اور دیگر کو اس کی ترغیب دلانے کا ذہن دیا جس پر حاضرین نے ہاتھوں ہاتھ ٹیلی تھون کے لئے رقم جمع کروائی۔