23 جون بروز بدھ2021 کو نگران پاکستان مشاورت و رکن شوری حاجی شاہد عطاری نے فیضان مدینہ فیصل آباد سے  ویڈیو لنک کے ذریعے جامعۃ المدینہ گرلز (معلمات) کے درمیان بیان فرمایا ۔ بیان میں فیضان مدینہ فیصل آباد میں موجود 12ماہ کے مدنی قافلے کے شرکا نے بالمشافہ اس بیان میں شرکت کی سعادت حاصل کی۔

پچھلے دنوں پنجاب کے شہر فیصل آباد میں قائم دعوتِ اسلامی کے مدنی مرکز فیضانِ مدینہ   میں کنز المدارس بورڈ کے اراکین کا مدنی مشورہ ہوا۔ مدنی مشورے میں شیخ الحدیث والتفسیر مفتی محمد قاسم عطاری نے”تعلیمی نصاب میں کن کن مضامین کو شامل کیا جائے؟“ ا س حوالے سے اراکین کی رہنمائی فرمائی اور طلبہ کی ذہنی صلاحیت کے مطابق نصاب کو تیار کرنے کے حوالے سے مفید مشورے عطا فرمائے۔اس موقع پر رکنِ شوریٰ مولانا حاجی جنید عطاری مدنی بھی موجود تھے۔

دورانِ مشورہ کنزالمدارس بورڈ کے مختلف امور کاگفتگو کا تبادلہ بھی ہوا ۔

غزالیِ زماں حضرت علامہ سیداحمد سعید کاظمی شاہ رحمۃ اللہ علیہ کے صاحبزادے حضرت علامہ پیر سید ارشد سعید کاظمی شاہ صاحب دَامَتْ بَرَکَاتُہُمُ الْعَالِیَہ کی گزشتہ روز (23 جون 2021 ء کو) عالمی مدنی مرکز فیضانِ مدینہ کراچی تشریف آوری ہوئی۔ فیضان مدینہ پہنچنے پر دعوتِ اسلامی کی مرکزی مجلسِ شوریٰ کے نگران مولانا حاجی عمران عطاری مُدَّظِلُّہُ الْعَالِی ،مجلس رابطہ کے ذمہ داران اور طلبہ کی بڑی تعداد نے ان کا استقبال کیا۔

علامہ ارشد سعید کاظمی شاہ صاحب نے عالمی مدنی مرکز میں قائم دارالافتاء اہل سنت کا وزٹ کیا جہاں شیخ الحدیث والتفسیر مفتی قاسم عطاری، مفتی محمدفضیل عطاری، استاذالبخاری شریف مفتی حسان عطاری مدنی، مفتی سجاد عطاری مدنی اور ترجمان دعوتِ اسلامی و رکن شوریٰ مولانا حاجی عبدالحبیب عطاری نے شاہ صاحب سے ملاقات کی۔ مذکورہ شخصیات کے مابین مختصر گفتگو کا سلسلہ بھی ہوا۔

ارشد سعید کاظمی شاہ صاحب نے جامعۃ المدینہ فیضانِ مدینہ کا دورہ بھی کیا جہاں دورۃ الحدیث شریف میں طلبہ کرام کے درمیان مختصر بیان فرمایا۔ اس کے بعد المدینۃ العلمیہ ( اسلامک ریسرچ سینٹر دعوتِ اسلامی) میں تشریف لائے جہاں رکنِ شوریٰ مولانا حاجی ابوماجد محمد شاہد عطاری مدنی نے ان سے ملاقات کی جبکہ HOD مولانا آصف خان عطاری مدنی نے شاہ صاحب کو المدینۃ العلمیہ کی لکھی گئی کتابوں کے متعلق بریفنگ دی۔ انہوں نے مدنی چینل کے بیورو کا وزٹ بھی کیا۔

علامہ ارشد سعید کاظمی شاہ صاحب نے دعوتِ اسلامی کی دینی ، اصلاحی اورفلاحی خدمات کے متعلق دیکھ اور سن کر نہایت خوشی و مسرت کا اظہار فرمایا اور مزید ترقی کے لئے دعا ئیں دیں۔

19 جون بروز ہفتہ عالمی مدنی مرکز فیضانِ مدینہ کراچی میں دعوتِ اسلامی کے اسلامک ریسرچ سینٹر کے شعبہ ذمہ داران کا مدنی مشورہ ہوا۔ مدنی مشورے میں دعوتِ اسلامی کی مرکزی مجلسِ شوریٰ کے رکن مولانا حاجی  ابوماجد محمد شاہد عطاری مدنی نے شرکا کی تربیت فرمائی۔

مدنی مشورے میں ذمہ داران نے اپنے شعبے میں ہونے والے کاموں کے متعلق رکنِ شوریٰ کو بریف کیا جبکہ مختلف امورپر باہمی مشاورت کی گئی۔

رکنِ شوریٰ نے مدنی مشورے میں بتایا کہ امیرِ اہلِ سنت کی کتابوں اور رسائل کا مختصر تعارف تحریر کیا جارہا ہے جبکہ ختم ِ نبوت پر ایک جامع رسالہ تحریر کرنا بھی المدینۃ العلمیہ کے اہداف میں شامل ہے۔ ٭مولانا محمد مدثر عطاری مدنی کو شعبہ ملفوظاتِ امیرِ اہلِ سنت کا نیا ذمہ دار مقرر کیا گیا ہے ۔ ٭شعبہ خواتین کی تمام ذمہ داری مولانا محمد ابرار عطاری مدنی کو دی گئی ہے، ماہنامہ خواتین،اسلامی بہنوں کا تنظیمی مواد، بیانات، مدنی پھول اور کنز المدارس بورڈ کے سلیبس کانصاب بنانا ان کی ترجیحات میں شامل ہے۔ 

پچھلے دنوں ڈپٹی اٹارنی جنرل نے مدنی مرکز فیضان مدینہ جوہر ٹاؤن لاہور کا دورہ کیا جہاں انہوں رکن شوریٰ حاجی یعفور رضا عطاری سے ملاقات کی۔

رکن شوریٰ نے انہیں دعوت اسلامی کے تحت ہونے والے دینی و فلاحی کاموں کا تعارف پیش کیااور نیکی کی دعوت پیش کی۔ اس موقع پر ڈپٹی اٹارنی جنرل نے اپنی پراپرٹی دعوت اسلامی کو پیش کرنے کی نیت کی۔

Social Media Influencerکی ٹیم نے مدنی مرکزفیضان مدینہ فیصل آباد مدینہ ٹاؤن میں مرکزی مجلس شوریٰ کے نگران مولانا محمد عمران عطاری مُدَّظِلُّہُ الْعَالِی سے ملاقات کی۔ نگران شوریٰ نے انہیں نیکی کی دعوت دی اور دعوت اسلامی دیگر کا شعبہ جات کا تعارف پیش کرتے ہوئےانہیں اپنے شعبے ذریعے نیکی کی دعوت کو عام کرنے کی ترغیب دلائی۔

اختتام پر ملاقات کا سلسلہ بھی ہوا۔

پچھلے دنوں دعوت اسلامی کےتحت مدنی مرکز فیضان مدینہ فیصل آباد میں ساہیوال زون کا مدنی مشورہ ہوا جس میں ریجن نگران، ریجن آفس نگران، جھنگ کے زون کارکردگی ذمہ دار، نگران زون، تمام نگران کابینہ، شعبہ مدرسۃ المدینہ بالغان کے ریجن ذمہ دار اور متعلقہ زون کے زون و کابینہ ذمہ داران نے شرکت کی۔

نگران پاکستان مشاورت حاجی محمد شاہد عطاری نے کابینہ و زون وائز 12 دینی کاموں کی کارکردگی، مدرسۃ المدینہ بالغان کی کارکردگی اور جنوری تا اپریل 2021ء کا تقابلی جائزہ لیا،12 دینی کاموں میں سے ہر دینی کام میں نمایاں کابینہ کی حوصلہ افزائی کی اور آئندہ اہداف بڑھانے کے حوالے سے مدنی پھول ارشاد فرمائے۔

دعوت اسلامی کے تحت 14 جون 2021ء کو مدنی مرکز فیضان مدینہ فیصل آباد میں شعبہ میڈیا ڈیپارٹمنٹ کا مدنی مشورہ ہوا جس میں شعبہ میڈیا ڈیپارٹمنٹ کے حاجی عمر عطاری مدنی، حاجی جاوید عطاری مدنی اور دیگر اسلامی بھائیوں نے شرکت کی۔

نگران پاکستان مشاورت حاجی محمد شاہد عطاری نے ماہانہ کارکردگی کا جائزہ لیااور آئندہ کے اہداف طے کئے۔ نگران پاکستان مشاورت نے مسائل و تجاویز اور شعبے کو مزید بہتر کرنےکے حوالے سے گفتگو فرمائی۔

11جون2021ء  کو مدنی مرکز فیضانِ مدینہ حضرو میں عظیم الشان سنتوں بھرا اجتماع ہوا جس میں کراچی سے تشریف لائے ہوئے ترجمان دعوتِ اسلامی و رکن شوریٰ مولانا حاجی عبدالحبیب عطاری نے خصوصی بیان فرمایا۔

رکنِ شوریٰ نے شرکا کو نمازوں کی پابندی کرنے، دعوتِ اسلامی کے مدنی ماحول سے منسلک رہنے، ہفتہ وار اجتماع میں پابندی سے شرکت کرنے اور مدنی مذاکروں میں شرکت کرتے رہنے کی ترغیب دلائی جس پر عاشقانِ رسول نے اچھی اچھی نیتوں کا اظہار کیا۔

اجتماعِ پاک میں مقامی عاشقان رسول کی بڑی تعداد نے شرکت کی سعادت حاصل کی جبکہ اختتام پر عاشقان رسول نے رکن شوریٰ سے ملاقات بھی کی۔

دعوت اسلامی کے مدنی مرکز فیضان مدینہ جوہر ٹاؤن لاہور میں قائم مرکزی جامعۃ المدینہ میں ٹریننگ سیشن کا سلسلہ ہوا جس میں دورۃ الحدیث شریف اساتذۂ کرام اور اسٹوڈنٹس نے شرکت کی۔

نگران مجلس پروفیشنلز و موٹیویشنل اسپیکر محمد ثوبان عطاری نے ” The true definition of success “ کے موضوع پر بیان کیا۔

13جون 2021ء کو دعوت اسلامی کے مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں شعبہ معاونت برائے اسلامی بہنیں لاہور ریجن مشاورت کے ذمہ دار ان اور اسلامی بہنوں نے شرکت کی۔

مرکزی مجلس شوریٰ کے رکن حاجی یعفور رضا عطاری نے پردے میں موجود اسلامی بہنوں کی تربیت کی اور انہیں اسلامی بہنوں میں ہونے والے آٹھ دینی کاموں کو مزید بڑھانے کا ذہن دیا۔

دعوت اسلامی کے تحت 12 جون 2021ء کو مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں دار المدینہ کے اسٹاف نے شرکت کی۔

مرکزی مجلس شوریٰ کے رکن حاجی یعفور رضا عطاری نے دارالمدینہ میں ہونے والی تعلیمی و تنظیمی سرگرمیوں کے حوالے سے گفتگو کی اور شرکا کو اپنے اپنے اداروں میں اپنی خدمات بہترین طریقے سے سر انجام دینے کا ذہن دیا۔