پچھلے دنوں عالمی مدنی مرکز فیضان مدینہ کراچی میں مدنی مشورے کا انعقاد کیا گیا جس میں مدرسۃ المدینہ (بوائز)کراچی کے قاری صاحبان، ناظمین اور دیگر اسٹاف نے شرکت کی۔

مرکزی مجلس شوریٰ (دعوت اسلامی) کے نگران حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان فرمایا اور شعبے کی بہتری کے حوالے سے گفتگو کرتے ہوئے مدنی پھول ارشار فرمائے۔

پچھلے دنوں دعوت اسلامی کے مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں چار اضلاع لاہور، قصور، شیخوپورہ اور ننکانہ کے ضلع ، کابینہ، ڈویژن اور علاقہ نگران اسلامی بھائیوں نے شرکت کی۔

مرکزی مجلس شوریٰ کے رکن حاجی یعفور رضا عطاری نے شرکا کی تربیت کی اور اپنے اپنے علاقے میں 12 دینی کاموں کو بڑھانے کے حوالے سے گفتگو کی۔

دین اسلام کی عالمگیر تحریک دعوت اسلامی کے زیر اہتمام 9 جنوری 2022ء کو مدنی مرکز فیضان مدینہ کھیمے جوپار صحرائے تھر سندھ میں سنتوں بھرے اجتماع کا انعقاد کیا گیا جس میں کثیر تعداد میں عاشقان رسول نے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے ”حضرت عیسیٰ علیہ السلام کے تین مبلغین“ کےموضوع پر سنتوں بھرا بیان کیا اور نیکی کی دعوت عام کرنے کی ترغیب دلائی۔

دعوت اسلامی کے زیر اہتمام 8 جنوری 2022ء کو مرکزی عید گاہ متصل مدنی مرکز فیضان مدینہ سیشن کوٹ روڈ، مٹھی ضلع تھرپارکر سندھ میں سنتوں بھرے اجتماع کا انعقاد کیا گیا جس میں کثیر تعداد میں عاشقان رسول نے شرکت کی۔

رکن شوریٰ حاجی مولانا عبد الحبیب عطاری نے ”عشق رسول کیوں ضروری ہے؟“ کے موضوع پر سنتوں بھرا بیان کیا اور شرکا کو تعلیمات اسلام کو اپناتے ہوئے حقیقی عاشق رسول بننےکا ذہن دیا۔

پنجاب کے شہر فیصل آباد میں قائم دعوت اسلامی کے مدنی مرکز فیضان مدینہ میں 8 جنوری 2022ء کو مدنی مشورہ ہوا جس میں فیصل آباد سٹی میں قائم جامعات المدینہ کے ناظمین اور اساتذۂ کرام نے شرکت کی۔

نگران پاکستان مشاورت حاجی محمد شاہد عطاری نے جامعۃ المدینہ (بوائز/گرلز) کے طلبہ و طالبات کو ضروری سہولیات دینے کے بارے میں کلام کیا اور جامعات المدینہ کی بلڈنگ کو رول ماڈل بنانے کا ذہن دیتے ہوئے اِسے جلد از جلد پائے تکمیل تک پہچانے کی ترغیب دلائی۔ مدنی مشورے میں بعض جامعۃ المدینہ کی بلڈنگ کی توسیع کے بارے میں گفتگو کی گئی۔

چیف ایگزیکٹو گرین سرکل پاکستان، ٹنل ٹیکنالوجی سائنسدان ڈاکٹرساجد اقبال سندھو کی مدنی مرکز فیضان مدینہ فیصل آباد آمد ہوئی جہاں انہوں نے مختلف ڈیپارٹمنٹ کا دورہ کرتے ہوئے رکن شوریٰ حاجی مولانا جنید عطاری مدنی سے ملاقات کی۔

رکن شوریٰ نے انہیں دعوت کی دینی و فلاحی کاموں کا تعارف پیش کیا اور بالخصوص گرین پاکستان کے حوالے سے شعبہ FGRFکی جانب سے ہونے والی مہم ”پودا لگانا ہے، درخت بنانا ہے“ پر بریفنگ دی۔بعد ازاں ڈاکٹر ساجد اقبال سندھو کو فرض علوم کی اہمیت بیان کی گئی اور مکتبۃ المدینہ کی کتاب ”فرض علوم سیکھئے“ تحفے میں پیش کی۔ آخر میں پروفیسر ڈاکٹر ساجد اقبال سندھو نے دعو ت اسلامی کی خدمات کو سراہا اور خوشی کا اظہار کیا۔ اس موقع پر کنز المدارس بورڈ کے لیگل ایڈوائزر اور کنسلٹنٹ پروفیسر جاوید اسلم باجوہ بھی موجود تھے۔

دعوتِ اسلامی کے تحت 7 جنوری 2022ء بروز جمعہ فیصل آباد میں قائم مدنی مرکز فیضانِ مدینہ میں ایصالِ ثواب اجتماع کا اہتمام کیا گیا جس میں مختلف شعبہ ہائے زندگی سے تعلق رکھنے والے اسلامی بھائیوں نے شرکت کی۔

اس دوران دعوتِ اسلامی کی مرکزی مجلس شوریٰ کے رکن ونگران پاکستان مشاورت حاجی محمد شاہدعطاری نے سنتوں بھرا بیان کرتے مرحومین کو ایصالِ ثواب کرنے کا طریقہ بتایا۔

نگرانِ پاکستان مشاورت نے شرکا کو پانچوں نمازوں کی پابندی کرنے، دعوتِ اسلامی کے تحت منعقد ہونے والے ہفتہ وار سنتوں بھرے اجتماع میں شرکت کرنے اور دینی تعلیم حاصل کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

اس کے علاوہ نگرانِ پاکستان مشاورت نے شرکا کے درمیان تحائف تقسیم کئے اور دعا کروائی۔بعدازاں اس اجتماعِ پاک میں شریک ہونے والے عاشقانِ رسول نے نگرانِ پاکستان مشاورت سے ملاقات کی۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

گزشتہ دنوں خیبر پختون خواہ سے آئے ہوئے ٹیچرز اور یونیورسٹی کے اسٹوڈنٹس نے مدنی مرکز فیضانِ مدینہ جوہر ٹاؤن لاہور میں ہونے والے 7 دن پر مشتمل’’ فیضانِ نماز کورس‘‘ میں شرکت کی جس میں انہیں نماز کے چند ضروری مسائل بتائے گئے۔

اس موقع پر دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے وہاں موجود اسلامی بھائیوں کے درمیان سنتوں بھرا بیان کیا اور اُن کی دینی و اخلاقی اعتبار سے تربیت کی۔

اس کے علاوہ رکنِ شوریٰ نے انہیں دعوتِ اسلامی کے12 دینی کاموں میں حصہ لینے اور مدنی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتوں کا اظہار کیا۔‫(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام ہر جمعرات کو پاکستان کے مختلف شہروں میں ہفتہ وار سنتوں بھرے اجتماع کا انعقاد کیاجاتا ہے جس میں کثیر عاشقانِ رسول بھرپور انداز میں شرکت کرتے ہیں۔

اسی سلسلے میں 6 جنوری 2022ء بروز جمعرات مدنی مرکز فیضانِ مدینہ شاہ رکن عالم کالونی ملتان میں ہفتہ وار سنتوں بھرا اجتماع منعقد ہوا جس میں کثیر عاشقانِ رسول نے شرکت کی۔

اس اجتماعِ پاک میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ’’قرا ٰنی تعلیم سکھایئے اور عمل کیجئے‘‘ کے موضوع پر سنتوں بھرا بیان کرتے ہوئے قراٰنِ پاک سیکھنے، سکھانے اور قراٰنِ پاک کی تعلیمات پر عمل کرنے کا ذہن دیا۔

اس کے علاوہ اجتماعِ پاک میں پڑھے جانے والے درودِ پاک کا سلسلہ ہواجبکہ نگرانِ پاکستان مشاورت نے دعا کروائی اور صلاۃ و سلام پڑھا نیز اسلامی بھائیوں نے نگرانِ پاکستان مشاورت سے ملاقات بھی کی۔بعدازاں نگرانِ پاکستان مشاورت مکتبۃ المدینہ کے بستے(ا سٹال) پر تشریف لے گئے اور کُتُب و رسائل کا تعارف کروایا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پچھلے دنوں پنجاب کے شہر فیصل آباد میں قائم مدنی مرکز فیضانِ مدینہ میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیاجس میں ذمہ داراسلامی بھائیوں سمیت سینکڑوں عاشقانِ رسول نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی جنید عطاری مدنی نے سنتوں بھرا بیان کرتے ہوئے وہاں موجود عاشقانِ رسول کی تربیت و رہنمائی کی اور انہیں دعوتِ اسلامی کے 12 دینی کاموں میں عملی طور پر حصہ لینے کا ذہن دیا۔بعدازاں رکنِ شوریٰ نے سیکھنے سکھانے کا حلقہ بھی لگایا اورشرکا کو مدنی پھولوں سے نوازا۔(رپورٹ:ساجد سلیم عطاری مدنی، کانٹینٹ:غیاث الدین عطاری)

دعوتِ اسلامی کے تحت وقتاً فوقتاً عاشقانِ رسول کی تربیت و رہنمائی کے لئے درس و بیان کا سلسلہ ہوتا رہتا ہےجس میں انہیں دینِ اسلام کے مطابق زندگی گزارنے کا طریقہ بتایا جاتا ہے۔

اسی سلسلے میں پچھلے دنوں عالمی مدنی مرکز فیضانِ مدینہ کراچی میں بعد نمازِ عصر سیکھنے سکھانے کا حلقہ منعقد ہوا جس میں مرکزی مجلسِ شوریٰ کے رکن حاجی محمد امین عطاری سنتوں بھر ابیان کرتے ہوئے وہاں موجود اسلامی بھائیوں کی دینی اور اخلاقی اعتبار سے تربیت فرمائی۔

اس موقع پر کراچی سطح کے شعبہ ائمہ اور نیو سوسائٹی ذمہ دار اعجاز عطاری سمیت دیگر ذمہ داران بھی موجود تھے۔(کانٹینٹ:غیاث الدین عطاری)

دعوت اسلامی کے مرکزی جامعۃ المدینہ عالمی مدنی مرکز فیضان مدینہ کراچی کے دار الحدیث شریف میں سنتوں بھرے اجتماع کا انعقاد کیا گیا جس میں تخصص فی الفقہ، تخصص فی الحدیث اور تخصص فی الفقہ و الاقتصادالاسلامی کے طلبہ کرام نے شرکت کی۔

شیخ الحدیث والتفسیرابو الصالح مفتی محمد قاسم عطاری مُدَّ ظِلُّہُ العالی نےسنتوں بھرا بیان کرتے ہوئےTime management, life planning اور future planning کے حوالے سے گفتگو کی۔