گزشتہ دنوں پنجاب پاکستان کے شہر فیصل آباد میں قائم دعوتِ اسلامی کے مدنی مرکز فیضانِ مدینہ میں فیصل آباد ڈویژن کے ایگری کلچر اینڈ لائیو اسٹاک ڈیپارٹمنٹ، شعبہ عشر، شعبہ اصلاحِ اعمال اور ٹوبہ ڈسٹرکٹ (ٹوبہ شہر، گوجرہ، کمالہ اور ٹوبہ اطراف) کے ذمہ دار اسلامی بھائیوں کی حاضری ہوئی۔

اس دوران ذمہ داران نے عصر تا مغرب ہونے والے مدنی مذاکرے میں شرکت کی۔بعدازاں مرکزی مجلسِ شوریٰ کے رکن ونگرانِ پاکستان مشاورت حاجی محمد شاہد عطاری نے اسلامی بھائیوں کی تربیت کرتے ہوئے انہیں رمضانُ المبارک میں اخلاص کے ساتھ عبادت کرنے، نیکی کے کاموں میں حصہ لینے، قراٰنِ پاک کی تلاوت کرنے اور قراٰنِ پاک کو ترجمے کے ساتھ سمجھنے کی ترغیب دلائی نیز دعوتِ اسلامی کی ڈیجیٹل ایپ استعمال کرنے کا ذہن دیا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)