لاہور، پنجاب میں دعوتِ اسلامی کے تحت ہونے والے دینی کاموں کا جائزہ لینے کے لئے گزشتہ روز مدنی مرکز فیضانِ مدینہ جوہر ٹاؤن لاہور میں اقبال ٹاؤن کے ذمہ دار اسلامی بھائیوں کا مدنی مشورہ ہوا۔

ابتداءً ذمہ دار اسلامی بھائیوں سے کلام کرتےہوئے مرکزی مجلسِ شوریٰ کے رکن حاجی یعفور رضا عطاری نے بھر پور انداز میں رمضان عطیات جمع کرنے نیز عالمی مدنی مرکز فیضانِ مدینہ کراچی اور مدنی مرکز فیضانِ مدینہ جوہر ٹاؤن لاہور میں ایک ماہ اعتکاف کرنے کے اہداف دیئے۔

میرپور کشمیر F3 میں قائم مدنی مرکز فیضانِ مدینہ میں گزشتہ روز کشمیر کے ذمہ دار اسلامی بھائیوں کا مدنی مشورہ ہوا جس میں صوبائی، ڈویژن اور ڈسٹرکٹ نگران اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ڈویژن و ڈسٹرکٹ وائز 12 دینی کاموں کی کارکردگی کا جائزہ لیا اور جنوری تا دسمبر 2024ء کے اہداف نیز 2025ء کے اہداف پر مشاورت کی۔

نگرانِ پاکستان مشاورت نے ڈویژن و ڈسٹرکٹ وائز بھی تقرری کا جائزہ لیتے ہوئے اسلامی بھائیوں کو دینی کام کرنے اور قافلوں کا مسافر بننے کی ترغیب دلائی جس پر انہوں نے اچھی اچھی نیتیں کیں۔

دنیا بھر میں اسلامی تعلیمات عام کرنے والی عاشقانِ رسول کی دینی تحریک دعوتِ اسلامی کے تحت مدنی مرکز فیضانِ مدینہ فیصل آباد میں گزشتہ روز ویڈیو اور آڈیو لنک کے ذریعہ ٹریننگ سیشن کا انعقاد کیا گیا جس میں مختلف شعبوں کے یوسی تا نگرانِ شعبہ (پاکستان سطح کے ذمہ دار) اسلامی بھائی شریک ہوئے ۔

اس ٹریننگ سیشن میں اسلامی بھائیوں کی تربیت کرتے ہوئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ داران کی تقرری اور مساجد کی معلومات کے حوالے سے اسلامی بھائیوں کی رہنمائی کی۔

علاوہ ازیں نگرانِ پاکستان مشاورت نے تقرری مہم اور مساجد کی معلومات جمع کرنے کے متعلق ذمہ دار اسلامی بھائیوں کو مدنی پھولوں سے نوازا جس پر انہوں نے اپنی اپنی رائے پیش کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت فیضانِ مدینہ فیصل آباد اور پاکستان مشاورت آفس کے کاموں کو بہتر انداز سے مکمل کرنے کے لئے ایک شعبہ بنام ترقیاتی مجلس فیضانِ مدینہ فیصل آباد بنائی گئی ہے۔

اسی سلسلے میں فیصل آباد، پنجاب میں قائم مدنی مرکزفیضانِ مدینہ میں ترقیاتی مجلس فیضان مدینہ فیصل آباد کے ذمہ دار اسلامی بھائیوں کا مدنی مشورہ ہوا جس میں چند اہم نکات پر تبادلۂ خیال کیا گیا۔

پاکستان کے وفاقی دارالحکومت اسلام آباد G/11 میں قائم دعوتِ اسلامی کے مدنی مرکز فیضانِ مدینہ میں گزشتہ روز سینیٹر عبدالقادر صاحب کی حاضری ہوئی جہاں رکنِ مرکزی مجلسِ شوریٰ حاجی وقار المدینہ عطاری نے انہیں خوش آمدید کہا۔

اس موقع پر سینیٹر عبدالقادر صاحب کی خلیفۂ امیرِ اہلِ سنت مولانا حاجی عبید رضا عطاری مدنی مدظلہ العالی سے ملاقات ہوئی اور رکنِ شوریٰ نے دعوتِ اسلامی کی عالمی سطح پر ہونے والی دینی و فلاحی ایکٹیویٹیز کے بارے میں سینیٹر کو آگاہی دی۔

جوہر ٹاؤن لاہور میں قائم مدنی مرکز فیضانِ مدینہ میں دعوتِ اسلامی کے دینی کاموں کا جائزہ لینے کے لئے لاہور کے ڈسٹرکٹ نگران، ٹاؤن نگران، سب ٹاؤن نگران، یوسی نگران اور شعبہ ذمہ دار اسلامی بھائیوں کی میٹنگ ہوئی۔

میٹنگ کا آغاز تلاوتِ قراٰن و نعت شریف سے کیا گیا جس کے بعد مرکزی مجلسِ شوریٰ کے رکن حاجی یعفور رضا عطاری نے 12 دینی کاموں کے متعلق گفتگو کی جس میں انہوں نے ذمہ داران کو ماہِ رجب المرجب اور شعبان المعظم 1446ھ میں سحری و افطار اجتماعات کرنے کا ذہن دیا۔

رکنِ شوریٰ نے ذمہ دار اسلامی بھائیوں کی تربیت و رہنمائی کرتے ہوئے انہیں دعوتِ اسلامی کے شعبہ جات کے لئے عطیات کرنے اور عالمی مدنی مرکز فیضانِ مدینہ کراچی میں ہونے والے اعتکاف کے لئے لاہور سے اسپیشل ٹرین چلانے کے اہداف دیئے۔(رپورٹ: محمد ابوبکر عطاری معاون رکنِ شوری حاجی یعفور رضا عطاری ، کانٹینٹ:غیاث الدین عطاری)

ولیِ کامل ، سنتوں کے عامل ، شیخِ طریقت ، امیرِ اہل سنت حضرت علامہ مولانا محمدا لیاس عطار قادری دامت بَرَکَاتُہمُ العالیہ کے بڑے بیٹے اور جانشین حضرت مولانا حاجی عبید رضا عطاری مدنی مُدَّ ظِلُّہُ العالی آج 18 دسمبر 2024 ء بروز بدھ مدنی مرکز فیضانِ مدینہ ، مدینہ ٹاؤن سوساں روڈ فیصل آباد میں عاشقانِ رسول سے عام ملاقات فرمائیں گے۔

واضح رہے کہ فیضانِ مدینہ میں عصر کی نماز 4 بجکر 15 منٹ پر ادا کی جائے گی۔ جو عاشقانِ رسول جانشینِ امیر اہل سنت سے ملاقات کے خواہش مند ہیں وہ وقت کی پابندی کا خیال رکھتے ہوئے فیضانِ مدینہ پہنچ جائیں۔

یہ بھی واضح رہے کہ جانشینِ امیر اہل سنت ہر بدھ کو عموماً عالمی مدنی مرکز فیضانِ مدینہ کراچی میں عام ملاقات فرماتے ہیں ۔ اس وقت چونکہ آپ نجی مصروفیات کے سبب فیصل آباد میں موجود ہیں اس لئے اس بدھ کو آپ فیصل آباد کے مدنی مرکز میں عاشقانِ رسول سے ملاقات فرمائیں گے۔ 

پنجاب پاکستان کے شہر اوکاڑہ میں قائم دعوتِ اسلامی کے مدنی مرکز فیضانِ مدینہ میں ہفتہ وا رسنتوں بھرے اجتماع کا انعقاد کیا گیا جس میں طلبۂ کرام، اساتذۂ کرام، قاری صاحبان اور مختلف شعبہ ہائے زندگی سے تعلق رکھنے والے کثیر  عاشقانِ رسول کی شرکت ہوئی۔

معمول کے مطابق اجتماع کے آغاز میں تلاوتِ قراٰن کی گئی اور نعت خواں اسلامی بھائیوں نے حضور صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا۔

دعوتِ اسلامی  کے مدنی مرکز فیضانِ مدینہ فیصل آباد میں عاشقانِ رسول کی دینی تحریک دعوتِ اسلامی کے تحت فیصل ڈویژن کے ذمہ دار اسلامی بھائیوں کی میٹنگ ہوئی ۔

اس میٹنگ میں نگرانِ پاکستان مشاورت آفس مولانا حاجی عمر عطاری مدنی، فیصل آباد ڈویژن نگران ، ڈسٹرکٹ نگران ، تحصیل نگران، سب تحصیل نگران، فیصل آباد سٹی نگران، شہر مشاورت، ٹاؤن نگران اور سب ٹاؤن نگران اسلامی بھائیوں نے شرکت کی۔رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے دعوتِ اسلامی کے دینی کاموں کےحوالے سے کلام کرتے ہوئے اسلامی بھائیوں کی رہنمائی کی اور مختلف موضوعات پر مشاور ت کی جن میں سے بعض درج ذیل ہیں:

٭ماہِ قافلہ میں ہونے والے اجتماعات اور ان میں ہونے والے نگرانِ شوریٰ مولانا حاجی محمد عمران عطاری کے بیانات کا جائزہ٭12 دینی کاموں کی کارکردگی، سب تحصیل اور سب ٹاؤن سطح پر اپڈیٹ تقرری کا جائزہ (جنوری تا اکتوبر 2024ء)٭شعبہ اصلاحِ اعمال اور شعبہ قافلہ ذمہ داران کی تقرری کا جائزہ۔

صوبائی دارالحکومت لاہورکے علاقے  جوہر ٹاؤن میں واقع دعوتِ اسلامی کے مدنی مرکز فیضانِ مدینہ میں ہفتہ وار سنتوں بھرے اجتماع کا اہتمام کیا گیا جس میں شخصیات، تاجران اور دیگر شعبوں سے تعلق رکھنے والے اسلامی بھائیوں نے شرکت کی۔

اجتماع کا آغاز معمول کے مطابق تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد مرکزی مجلسِ شوریٰ کے رکن حاجی یعقور رضا عطاری نے ”قیامت کی نشانیوں“ کے موضوع پر بیان کیا۔

دورانِ بیان رکنِ شوریٰ نے وہاں موجود اسلامی بھائیوں کی دینی و اخلاقی تربیت کرتے ہوئے انہیں دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔بعدِ اجتماع تمام عاشقانِ رسول نے رکنِ شوریٰ حاجی یعفور رضا عطاری سے ملاقات کی۔(رپورٹ: محمد ابوبکر عطاری معاون رکنِ شوریٰ حاجی یعفور رضا عطاری، کانٹینٹ:غیاث الدین عطاری)

پنجاب پاکستان کے شہر لاہور میں ہونے والے دعوتِ اسلامی کے دینی کاموں کا جائزہ لینے کے لئے مدنی مرکز فیضانِ مدینہ جوہر ٹاؤن لاہور میں ذمہ داران کی میٹنگ ہوئی جس میں ڈسٹرکٹ نگران، ٹاؤن نگران، سب ٹاؤن نگران اور صوبائی سطح کے ذمہ دار اسلامی بھائیوں نے شرکت کی۔

میٹنگ کے دوران دینی کاموں پر کلام کرتے ہوئے دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے اسلامی بھائیوں کی تربیت کی اور انہیں دینی کاموں میں مزید بہتری لانے کا ذہن دیا ۔

رکنِ شوریٰ نے ذمہ دار اسلامی بھائیوں کی ذہن سازی کرتے ہوئے انہیں روزانہ کی بنیاد پر علاقائی دورہ کرنے اور مدنی قافلوں میں سفر کرنے کی ترغیب دلائی جس پر انہوں نے اچھی اچھی نیتیں کیں ۔ (رپورٹ: محمد ابوبکر عطاری معاون رکنِ شوری حاجی یعفور رضا عطاری، کانٹینٹ:غیاث الدین عطاری)

پچھلے دنوں دعوت اسلامی کی مرکزی مجلس شوری کے رکن حاجی یعفور رضا عطاری نے صوبہ لاہور کا مدنی مشورہ فرمایا جس میں ذمہ داران کو ٹیلی تھون کی مد میں مزید یونٹس جمع کرنے اور ماہ مدنی قافلہ میں مزید عاشقان رسول کو مدنی قافلوں میں سفر کروانے کے اہداف عطا فرمائے نیز مدنی قافلہ اجتماع میں نمایاں کارکردگی والے عاشقان رسول کو تحائف عطا فرمائے۔(کانٹینٹ:محمد شعیب احمد عطاری)