عاشقانِ رسول کی دینی تحریک دعوتِ اسلامی کے تحت ڈی جی خان ڈویژن، پنجاب میں واقع مدنی مرکز فیضانِ مدینہ میں 1 نومبر 2024ء کو مدنی مشورے کا انعقاد کیا گیا جس میں ڈی جی خان ڈویژن مشاورت، یوسی نگران، تحصیل نگران، ڈسٹرکٹ نگران، جامعۃ المدینہ و مدرسۃ المدینہ،  ڈی جی خان کے ناظمین اور ذمہ دار اسلامی بھائیوں کی شرکت رہی۔

ابتداءً دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے عطیات مہم (ٹیلی تھون 2024ء) کے بارے میں کلام کرتے ہوئے حاضرین سے اس کی کارکردگی کا جائزہ لیا۔

دورانِ کلام نگرانِ پاکستان مشاورت نے عطیات مہم میں اسلامی بھائیوں کو بھرپور کوشش کرنے، زیادہ سے زیادہ عطیات جمع کرنے اور دیگر کو بھی اس کی ترغیب دلانے کا ذہن دیا جس پر انہوں نے اچھی اچھی نیتیں پیش کیں جبکہ رسید بکس، بروشرز اور دیگر اہم امو رپر تبادلۂ خیال کرتے ہوئے آئندہ کے اہداف بھی طے کئے گئے۔

علاوہ ازیں نگرانِ پاکستان مشاورت نے ذمہ دار اسلامی بھائیوں کی جانب سے ہونے والے سوالات کے جوابات دیئے اور انہیں مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

2 نومبر 2024ء کو فیصل آباد، پنجاب کے مدنی مرکز فیضانِ مدینہ میں دعوتِ اسلامی کے تحت میٹنگ ہوئی جس میں فیصل آباد ڈویژن کے یوسی نگران، تحصیل نگران، ڈسٹرکٹ نگران، جامعۃ المدینہ و مدرسۃ المدینہ فیصل آباد کے ناظمین اور ذمہ دار اسلامی بھائیوں جبکہ پردے میں رہتے ہوئے فیصل آباد ڈویژن کی ذمہ دار اسلامی بہنوں نے بھی شرکت کی۔

میٹنگ کی ابتدا میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے عطیات مہم (ٹیلی تھون 2024ء) کے بارے میں گفتگو کی اور شرکا سے اس کی کارکردگی کا جائزہ لیا۔

نگرانِ پاکستان مشاورت نے عطیات مہم میں حاضرین و سامعین کو بھرپور کوشش کرنے، زیادہ سے زیادہ عطیات جمع کرنے اور دیگر کو بھی اس کی ترغیب دلانے کے حوالے سےشرکا کی رہنمائی کی جس پر انہوں نے اچھی اچھی نیتیں پیش کیں جبکہ رسید بکس، بروشرز اور دیگر اہم امو رپر تبادلۂ خیال کرتے ہوئے آئندہ کے اہداف بھی طے کئے گئے۔

بعدازاں نگرانِ پاکستان مشاورت نے ذمہ دار اسلامی بھائیوں کی جانب سے ہونے والے سوالات کے جوابات دیئے اور انہیں مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ فیصل آباد میں 10 اکتوبر 2024ء کو پاکستان مشاورت آفس اور تمام ڈیپارٹمنٹس کے نگران اسلامی بھائیوں کا مدنی مشورہ منعقد ہوا جس میں اراکینِ مرکزی مجلسِ شوریٰ اور صوبائی ذمہ داران کی بھی شرکت ہوئی۔

دورانِ مدنی مشورہ رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے مختلف موضوعات پر کلام کیا جن میں ”رمضان عطیات“، ”ٹیلی تھون 2024ء“ اور ”ماہِ مدنی قافلہ“ شامل تھے۔

ٹیلی تھون کے حوالے سے نگرانِ پاکستان مشاورت حاجی محمد شاہد عطاری کا کہنا تھا کہ ہر دعوتِ اسلامی والا ایک یونٹ جمع کروائے اور امیرِ اہلِ سنت دامت بَرَکَاتُہمُ العالیہ کی دعاؤں سے حصہ لے نیز ذمہ داران کو ترغیب دلائی اور شعبہ جات کے اہداف بھی طے کئے۔

اس کے علاوہ نگرانِ پاکستان مشاورت نے اپنی گفتگو کے دوران بتایا کہ اس سال ایک ماہ کا رمضان اعتکاف کم و بیش 29 مقامات پر جبکہ آخری عشرے کا اعتکاف 63 ہزار مقامات پر کرنے کا ہدف ہے۔

نگرانِ پاکستان مشاورت نے اسلامی بھائیوں کو مدنی قافلہ کا ذہن دیتے ہوئے 15 نومبر سے 15 دسمبر 2024ء تک ہر دعوتِ اسلامی والے کو 3 دن، 12 دن، ایک ماہ اور 12 ماہ یا وقفِ مدینہ ہونے کی ترغیب دلائی۔بعدازاں دعا کروائی گئی جس کے بعد اسلامی بھائیوں نے نگرانِ پاکستان مشاورت سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

14 اکتوبر 2024ء کو عاشقانِ رسول کی دینی تحریک دعوتِ اسلامی کے زیرِ اہتمام کاہنہ نو لاہور میں قائم مدنی مرکز فیضانِ مدینہ میں ”اجتماعِ غوثیہ“ کا انعقاد کیا گیا جس میں ذمہ داران، شخصیات دیگر اسلامی بھائیوں کی کثیر تعداد نے شرکت کی۔

اجتماعِ غوثیہ کا آغاز تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے حضورِ غوثِ پاک شیخ عبد القادر جیلانی رحمۃُ اللہِ علیہکی سیرتِ مبارکہ کے موضوع پر سنتوں بھرا بیان کیا۔

نگرانِ پاکستان مشاورت نے آپ رحمۃُ اللہِ علیہکی تعلیمات کو بیان کرتے ہوئے وہاں موجود عاشقانِ غوثِ اعظم کو ان پر عمل کرنے کا ذہن دیا اور انہیں مدنی پھولوں سے نوازا۔

بعدِ بیان صلوٰۃ و سلام پڑھا گیا جبکہ نگرانِ پاکستان مشاورت حاجی محمد شاہد عطاری نے رقت انگیز دعا کروائی اور اسلامی بھائیوں نے اُن سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

(رپورٹ: محمد عمر فیاض مدنی) گزشتہ روز 22 اکتوبر 2024ء کو عالمی مدنی مرکز فیضانِ مدینہ کراچی کے دفاتر میں جاب کرنے والے تمام اسلامی بھائیوں کے درمیان ٹریننگ سیشن منعقد ہوا۔ سیشن کا آغاز دو بجکر تین منٹ پر تلاوت سے ہوا جس کے مدنی چینل کے نعت خواں محمد عدنان شیخ عطاری اور محمد عادل عطاری نے  نعت شریف کے ہدیے پیش کئے۔

تلاوت و نعت کے بعد رکنِ شوریٰ حاجی امین عطاری نے Unity یعنی آپس میں اتفاق و اتحاد کے موضوع پر مختصر گفتگو کی۔

سیشن میں خصوصی بیان دعوتِ اسلامی کی مرکزی مجلس شوریٰ کے نگران مولانا حاجی عمران عطاری مُدَّ ظِلُّہُ العالی نے کیا جس میں انہوں نے سب سے پہلے صفائی ستھرائی کے موضوع پر گفتگو کرتے ہوئے چند روایات بیان کیں اور ہر ایک کو اپنی ذات،کپڑوں اور دفاتر کو صاف ستھرا رکھنے کا ذہن دیا۔ انہوں نے کہا کہ اللہ جمیل ہے اور جمال کو پسند فرماتا ہے ، ہمیں بھی چاہیے کہ ہم خود کو صاف ستھرا رکھیں،ہمارا لباس صاف ستھرا ہو، ہم جہاں کام کرتے ہیں اُ س دفتر کو صاف ستھرا رکھیں، ہماری ٹیبل سِمٹی ہوئی ہو، خوشبو کا استعمال ہو، کوئی ہم سے ملے تو اس کو ہمارے بارے میں یہ اِمپریشن جائے کہ یہ صفائی پسند شخص ہے۔

نگرانِ شوریٰ نے تمام اسلامی بھائیوں کو نمازوں کا اہتمام کرتے رہنے، ہفتہ وار اجتماعات میں شرکت کرنے، مدنی مذاکروں میں حاضر ہونے کا ذہن دیا ۔

اس موقع پر کراچی سٹی نگران و رکن شوریٰ حاجی فضیل عطاری ، رکنِ شوریٰ حاجی اطہر عطاری بھی موجود تھے۔ 

علمِ دین حاصل کرنےاور گیارہویں شریف کے سلسلے میں ہونے والے مدنی مذاکروں میں شرکت کرنے کے لئے گزشتہ روز پاکستان کے مختلف شہروں سے عاشقانِ رسول کی عالمی مدنی مرکز فیضانِ مدینہ کراچی آمد ہوئی۔

اس موقع پر عاشقانِ رسول کے درمیان دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری کا سنتوں بھرا بیان ہوا جس میں انہوں نے حاضرین کی مختلف امور پر تربیت و رہنمائی کی اور انہیں دینی کاموں میں عملی طور پر حصہ لینے کا ذہن دیا۔(کانٹینٹ:غیاث الدین عطاری)

دعوتِ اسلامی لوگوں کے دلوں میں اولیائے کرام کی محبت ڈالنے، اُن کی اصلاح کرنے اور انہیں اولیائے کرام کی سیرت پر عمل کرنے کا درس دینے  والی عاشقانِ رسول کی دینی تحریک ہے ۔

ہر سال کی طرح اس سال بھی دعوتِ اسلامی کے زیرِا ہتمام 29 ستمبر 2024ء بروز اتوار عالمی مدنی مرکز فیضانِ مدینہ کراچی میں ”محفلِ بغداد“ منعقد کی جائے گی جس میں حضورِ غوثِ پاک رحمۃ اللہ علیہ کی زندگی کے واقعات بتائے جائیں گے۔

محفل کا آغاز رات تقریباً 9:00 بجےتلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے ہوگا نیز منقبتِ غوثِ اعظم بھی پڑھی جائے گی۔

اس ”محفلِ بغداد“ میں خصوصی شرکت شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ کی ہوگی۔قرب و جوار کے تمام عاشقانِ اعظم اس محفلِ پاک میں شرکت کرکے علمِ دین کا خزانہ حاصل کریں۔(کانٹینٹ:غیاث الدین عطاری)

دعوتِ اسلامی کے زیرِ اہتمام 24 ستمبر 2024ء کو عالمی مدنی مرکز فیضانِ مدینہ کراچی میں ”محفلِ بغداد“ کے انتظامات کے سلسلے میں ایک مدنی مشورہ ہوا جس میں مختلف ڈیپارٹمنٹس کے اسلامی بھائیوں نے شرکت کی۔

اس مدنی مشورے میں مبلغِ دعوتِ اسلامی و معاون رکنِ شوریٰ حاجی محمد عابد عطاری اور نگرانِ شعبہ حج و عمرہ محمد تسلیم رضا خان عطاری نے مختلف امور پر کلام کیا جبکہ سابقہ ایونٹ ”استقبال حجاج کرام“ کی رپورٹ بھی پیش کی گئی ۔

علاوہ ازیں ذمہ دار اسلامی بھائیوں نے مزید بہتر انتظامات کے اہداف اور نئے انتظامی امور کے متعلق تبادلۂ خیال کیا جس پر تمام اسلامی بھائیوں نے اپنی اپنی رائے پیش کی۔(رپورٹ:محمد دانش عطاری معاون رکن شوری حاجی وقار المدینہ عطاری، کانٹینٹ:غیاث الدین عطاری)

22 اگست 2024ء کو دعوتِ اسلامی کے مدنی مرکز فیضانِ مدینہ فیصل آباد میں ہفتہ وار سنتوں بھرے اجتماع کا انعقاد ہوا جس میں فیصل آباد سٹی اور اطراف سے کثیر عاشقانِ رسول نے شرکت کی۔

معمول کے مطابق اجتماع کے آغاز میں تلاوتِ قراٰن کی گئی اور نعت خواں اسلامی بھائیوں نے حضور پُر نور حضرت محمد صلَّی اللہ علیہ واٰلہٖ وسلَّمکی بارگاہ میں نعت شریف کا نذرانہ پیش کیا۔

تلاوت و نعت کے بعد دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا اور حاضرین کی دینی و اخلاقی اعتبار سے تربیت کی۔

نگرانِ پاکستان مشاورت حاجی محمد شاہد عطاری نے حاضرین کو دعوتِ اسلامی کے دینی کاموں میں بڑھ چڑھ کر حصہ لینے کی ترغیب بھی دلائی جس پر انہوں نے اچھی اچھی نیتیں کیں۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

فیصل آباد میں دعوتِ اسلامی کے تحت ہونے والے دینی کاموں کے سلسلے میں 18 اگست 2024ء کو مدنی مرکز فیضانِ مدینہ فیصل آباد میں سٹی ذمہ داران کا مدنی مشورہ ہوا جس میں فیصل آباد کے تمام ذمہ داران اور منسلک اسلامی بھائیوں نے شرکت کی۔

مدنی مشورے کے دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اجتماعِ میلاد و جلوسِ میلاد کی تیاری کے حوالے سے گفتگو کی اور ذمہ دار اسلامی بھائیوں کو بڑی دھوم دھام سے 12 ہویں شریف منانے پر مدنی پھولوں سے نوازا۔

اس موقع پر ذمہ دار اسلامی بھائیوں نے دینی کاموں کے متعلق اپنی اپنی رائے پیش کی اور دعوتِ اسلامی کے دینی کاموں میں عملی طور پر حصہ لینے کی اچھی اچھی نیتیں کیںحص

۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

مدنی مرکز فیضانِ مدینہ فیصل آباد میں 20 جولائی 2024ء کو عاشقانِ رسول کی دینی تحریک دعوتِ اسلامی کے تحت ایک ٹریننگ سیشن منعقد ہوا جس میں فیصل آباد سٹی نگران، فیضانِ مدینہ ترقیاتی مجلس، ٹیکنیکل ڈیپارٹمنٹ، مدنی مرکز فیضانِ مدینہ فیصل آباد کے تمام اجیر (employee) اور فیضانِ مدینہ مجلس کے اسلامی بھائیوں نے شرکت کی۔

ٹریننگ سیشن میں مختلف شعبہ جات کے ذمہ داران نے وقتاً فوقتاً اسلامی بھائیوں کو فیضانِ مدینہ فیصل آباد میں ہونے والے ترقیاتی پروجیکٹس (Projects)کے حوالے سے بریفنگ دی اور نئے ذمہ داران کی تقرری کا اعلان کیا۔

اس موقع پر دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے شرکا کی دینی و اخلاقی تربیت کرتے ہوئے انہیں مدنی پھولوں سے نوازا اور اختتامی دعا کروائی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

2جولائی2024ء کو صوبہ سندھ سے فیضان مدینہ  فیصل آباد میں ایک ماہ مدنی قافلے کے لیے آنے والے ذمہ داران و عاشقان رسول کا نگران پاکستان مشاورت حاجی محمدشا ہد عطاری نے مدنی مشورہ فرمایا اور ملاقات بھی کی ۔

نگران پاکستان مشاورت نے اسلامی بھائیوں کو قیمتی مدنی پھولوں سے نوازتے ہوئے دعوت اسلامی کے ساتھ تعلق کو مضبوط بنانے کے حوالے سے بھی ذہن دیا جبکہ حاضرین کو دعوت اسلامی کے دینی کاموں میں حصہ لیتے رہنے کے بارے میں ترغیب دلاتے ہوئے امیر اہلسنت کے مشن (مجھے اپنی اور ساری دنیاں کے لوگوں کی اصلاح کی کوشش کرنی ہے ) پر ڈٹے رہنے کے بارے میں فرمایا۔ (رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:شعیب احمد عطاری)