عالمی سطح پر لوگوں کو خدمتِ دین کا جذبہ دلانے والی  عاشقانِ رسول کی دینی تحریک دعوتِ اسلامی کے تحت لاہور میں ہونے والے دینی و فلاحی کاموں کا جائزہ لینے کے لئے رکنِ شوریٰ و نگرانِ پاکستان مشاورت حاجی محمد شاہد عطاری لاہور شیڈول پر موجود تھے۔

15 اکتوبر 2023ء کو لاہور کے علاقے عامر ٹاؤن میں قائم مدرسۃ المدینہ بوائز میں سیکھنے سکھانے کا حلقہ لگایا گیا جس میں سیاسی و سماجی شخصیات بالخصوص رکنِ شوریٰ حاجی یعفور رضا عطاری کی شرکت ہوئی۔

نگرانِ پاکستان مشاورت حاجی محمد شاہد عطاری نے شرکائے حلقہ کی تربیت کرتے ہوئے انہیں مدنی پھولوں سے نوازا اور اُ کے سروں پر عمامہ شریف باندھا نیز دعوتِ اسلامی کے جملہ اخراجات کے لئے ہونے والے ٹیلی تھون میں زیادہ سے زیادہ ڈونیشن جمع کروانے اور دیگر کو اس کی ترغیب دلانے کا ذہن دیا جس پر حاضرین نے ہاتھوں ہاتھ ٹیلی تھون کے لئے رقم جمع کروائی۔

علاوہ ازیں نگرانِ پاکستان مشاورت نے نیکی کرنے اور نیکی کے کاموں میں حصہ لیتے رہنے کے بارے میں شرکا کی ذہن سازی کی۔ حلقے کے اختتام پر نگرانِ پاکستان مشاورت نے دعا کروائی اور اسلامی بھائیوں سے ملاقات بھی فرمائی ۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)