دعوتِ اسلامی کے زیرِا ہتمام گزشتہ دنوں ملتان ایئر پورٹ پر عازمینِ حج کو رخصت کرنے کے لئے ایک تقریب کا انعقاد کیا گیا جس میں عازمینِ حج سمیت ایئر پورٹ کے کثیر عاشقانِ رسول نے شرکت کی۔

اس موقع پر مبلغ ِدعوت اسلامی و چیف حج ماسٹر ٹرینر محمد سلیم بلالی عطاری نے سنتوں بھرا بیان کرتے ہوئے عازمینِ حج کی تربیت و رہنمائی کی اور انہیں دعوتِ اسلامی کے دینی ماحول سے ہر دم وابستہ رہنے کا ذہن دیا۔

اس موقع پر صوبائی وزیر علی حیدر گیلانی، ڈائریکٹر حج، ایئر پورٹ مینجمنٹ، چیف سکیورٹی آفیسر، ایئر بلیو اسٹیشن مینجر، ڈپٹی ایئر پورٹ مینجر، ڈپٹی چیف سیکورٹی آفیسر سمیت ایئر پورٹ آفیسرز اور حج ڈائیریکٹوریٹ کے آفیسرز موجود تھے۔(رپورٹ:شعبہ حج و عمرہ، کانٹینٹ:غیاث الدین عطاری)