غم زدہ و پریشان  حال مسلمانوں کی خیرخواہی کرنے میں مصروفِ عمل عاشقانِ رسول کی دینی تحریک دعوتِ اسلامی کے تحت 16، 17 اور 18 ستمبر 2023ء کو مدنی مرکز فیضانِ مدینہ حیدر آباد سندھ میں روحانی علاج کورس کا انعقاد ہوا جس میں ڈویژن حیدر آباد کے مختلف شعبہ جات سے تعلق رکھنے والے عاشقانِ رسول شریک ہوئے۔

شرکائے کورس کی تربیت کرتے ہوئے معلم امان اللہ عطاری (صوبائی ذمہ دار شعبہ روحانی علاج)نے کورس کے متعلق گفتگو کرتے ہوئے تعویذات لکھنے کے حوالے سے مختلف امور پر شرکا کی رہنمائی کی جبکہ دم کرنے اور کاٹ کرنے کا طریقہ بھی بتایا نیز اس کی چند ضروری احتیاطیں بتائیں۔

اس کے علاوہ معلم امان اللہ عطاری نے شرکائے کورس کو امت کی غمخواری کا جذبہ دلاتے ہوئے انہیں شعبے کی نئی اپڈیٹس سے آگاہ کیا اور دعوتِ اسلامی کے 12 دینی کاموں میں حصہ ملانے کا ذہن دیا۔ (رپورٹ: سمیر علی عطاری آفس ذمہ دار ، کانٹینٹ:غیاث الدین عطاری)