پچھلے دنوں دعوتِ اسلامی کی مجلس توقیت کے نگران اور مجلس رابطہ بالعلماء کے ذمہ داران نے ماڈل ٹاؤن لاہور میں واقع جامعہ رضویہ میں حاضری دی اور وہاں کے ناظم صاحب سے ملاقات کی۔ جامعہ رضویہ کے طلبۂ کرام میں سنّتوں بھرے اجتماع کا سلسلہ بھی ہوا جس میں نگرانِ مجلس و ماہرِ علمِ توقیت مولانا وسیم عطاری نے سنّتوں بھرا بیان کیا اور شرکا کو دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے علمِ توقیت کے متعلق کی جانے والی خدماتِ دعوتِ اسلامی سے آگاہ کیا۔