دعوتِ اسلامی کے زیرِا ہتمام گزشتہ روز دھورا جی کالونی کراچی میں قائم جامعۃالمدینہ بوائز دارالحبیبیہ میں ٹریننگ سیشن ہوا جس میں طلبۂ کرام سمیت دیگر اسلامی بھائیوں نے شرکت کی۔

قراٰنِ پاک کی تلاوت کرنے اور نعتِ رسولِ مقبول صلی اللہ علیہ و سلم پڑھنے کے بعد نگرانِ پروفیشنلز ڈیپارٹمنٹ ثوبان عطاری نے سنتوں بھرا بیان کیا اور طلبۂ کرام کی دینی و اخلاقی اعتبار سے تربیت کی۔

علاوہ ازیں نگرانِ پروفیشنلز ڈیپارٹمنٹ نے طلبۂ کرام کو دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتیں کیں۔

بعدِ سیشن نگرانِ پورفیشنلز ڈیپارٹمنٹ ثوبان عطاری نے دیگر اسلامی بھائیوں کے ہمراہ دھورا جی کالونی میں نئے کھلنے والے دارالافتاء اہلسنت دعوتِ اسلامی کا وزٹ کیا۔