پچھلے دنوں مرکزی مجلس شوریٰ کا مدنی مشورہ ہواتھا  جس میں یہ بھی طے پایا کہ 2021ء میں جامعۃ المدینہ کے 25 سال مکمل ہونے جارہے ہیں۔ اس حوالے سے ٹیلی تھون کے موقع پر سلور جُوبلی کا اہتمام کیا جائیگااس موقع پر مدنی مذاکرے کا انعقاد ہوگا ، مدنی چینل میں سلسلے کئے جائینگےاور ماہنامہ فیضان مدینہ کا خاص شمارہ جاری کیا جائیگا۔

اس سلسلے میں بروز بدھ 31 مارچ 2021ء کو اسلامک ریسرچ سینٹر (المدینۃ العلمیہ) میں مدنی مشورہ ہوا جس میں ماہنامہ فیضان مدینہ کے نگران مولانا مہروز عطاری مدنی، ناظم ماہنامہ فیضان مدینہ مولانا راشد عطاری مدنی اورچیف ایڈیٹر مولانا محمدآصف عطاری مدنی نے شرکت کی۔

مرکزی مجلس شوریٰ کے رکن حاجی ابو ماجد محمد شاہد عطاری مدنی نے جامعۃ المدینہ کے 25 سال مکمل ہونے پر ماہنامہ فیضان مدینہ کا خصوصی شمارہ جاری کرنے کے حوالے سے گفتگو کی اور سلور جوبلی کے انعقاد سے 2ماہ قبل اس کام کو مکمل کرنےکا ہدف دیا۔