دعوتِ اسلامی کے زیرِا ہتمام کراچی سندھ کے علاقے موسیٰ لین کی جامع مسجد کوثر میں ذمہ دار حاجی امتیاز عطاری کے مرحوم بھائی حاجی محمد حنیف عطاری کے ایصالِ ثواب کے لئے فاتحہ خوانی کا انعقاد کیا گیا جس میں علاقے کے کثیر اسلامی بھائیوں نے شرکت کی۔

اس دوران مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی اور انہیں اپنے مرحومین کے لئے زیادہ سے زیادہ ایصالِ ثواب کرنے کا ذہن دیا۔

بعدازاں رکنِ شوریٰ نے مرحوم کی مغفرت کے لئے دعا کروائی۔ (کانٹینٹ:غیاث الدین عطاری)