پچھلے دنوں عالم، محمد اکرم اور محمد اسلم کے بھائی رئیس عطاری کینسر میں مبتلا رہتے ہوئے 22 صفر شریف 1441ھ بمطابق 30ستمبر 2021ء  کو40 سال کی عمر میں انتقال فرما گئے۔ اِنَّا لِلہِ وَاِنَّا اِلَیْہِ رٰجِعُوْن

انتقال کی خبر ملنے پر امیر اہل سنت علامہ محمد الیاس عطار قادری دامت بَرَکَاتُہمُ العالیہ نے اپنے آڈیو پیغام کے ذریعے مرحوم کے گھر والوں سے تعزیت کی اور مرحوم کو ایصالِ ثواب کرتے ہوئے دعائیں کیں۔

پیغام عطار!

علمِ دین عام کرنے کی فضیلت

حضرت امام جزوی رحمۃ اللہ علیہ فرماتے ہیں: جو یہ چاہتا ہے کہ دنیا سے جانے کے بعد بھی اس کے اعمال کا سلسلہ ختم نہ ہو تو اس کو چاہیے کہ زیادہ سے زیادہ علمِ دین عام کریں۔

سگِ مدینہ محمد الیاس عطار قادری رضوی عفی عنہ کی جانب سے السلام علیکم ورحمۃاللہ وبرکاتہ

مجھے یہ افسوس ناک خبر ملی کہ عالم، محمد اکرم اور محمد اسلم کے بھائی رئیس عطاری کینسر میں مبتلا رہتے ہوئے 22 صفر شریف 1441ھ بمطابق 30ستمبر 2021ء کو40 سال کی عمر میں انتقال فرما گئے۔

میں تمام سوگواروں سے تعزیت کرتا ہوں اور صبر و ہمت سے کام لینے کی تلقین !

یا ربِ مصطفی جل جلالہ و صلی اللہ علیہ وسلم رئیس عطاری کو غریقِ رحمت فرما۔ مولائے کریم ان کے چھوٹے بڑے جانے انجانے گناہ معاف فرما۔ یا اللہ پاک انہیں اپنے جوار رحمت میں جگہ نصیب فرما۔ پروردگار عالم ان کی قبر جنت کا باغ بنے ر حمت کے پھولوں سے ڈھکے تا حشر جگمگاتی رہے۔ یا اللہ پاک نورِ مصطفی کا صدقہ ان کی قبر تا حد نظر وسیع ہوجائے اور قیامت تک روشن رہے۔ الٰہ العالمین یہ قبر کی گھبراہٹ تنگی دور فرما، مولائے کریم مرحوم کو بے حساب مغفرت سے مشرف فرما کر جنت الفردوس میں پیارے حبیب صلی اللہ علیہ وسلم کا پڑوس نصیب فرما۔ یا اللہ پاک تمام سوگواروں کو صبر جمیل پر اجر جزیل مرحمت فرما۔ ربِ کریم میرے پاس جو کچھ ٹوٹے پھوٹے اعمال ہیں اپنے کرم کے شایانِ شان ان کا اجر عطا فرما۔ یہ سار ا ثواب جناب رسالت ماب صلی اللہ علیہ وسلم کو عنایت فرما۔ بوسیلہ خاتم النبیین صلی اللہ علیہ وسلم سارا ثواب رئیس عطاری سمیت ساری امت کو عنایت فرما۔ امین بجاہ خاتم النبیین صلی اللہ علیہ وسلم

تمام سوگوار صبر و ہمت سے کام لیں اللہ پاک کی رضا پر راضی رہیں وسوسہ نہ پالیں جس کا ٹائم ہوجاتا ہے وہ ایک منٹ بھی ایک سیکنڈ بھی ٹھہر نہیں سکتا، سب نے جانا ہے، جانے والا تو گویا یہ پیغام دیتا جاتا ہے۔

مرتے جاتے ہیں ہزاروں آدمی عاقل و نادان آخر موت ہے

بارہا علمی تجھے سمجھا چکے مان یا مت مان آخر موت ہے

جانے والے سے اپنے لئے عبرت کا سامان کرنا چاہیے، آخرت کی تیاری بڑھا دینا چاہیے۔ جانے والے کے لئے ضرور ایصالِ ثواب کیا جائے، دعائے مغفرت کی جائے خوب صدقہ جاریہ والے کام کئے جائیں مگر بے صبری نہ کریں ،بے صبری کرنے سے جانے والے نے پلٹ کر آنا نہیں الٹا صبر کے ذریعے ہاتھ آنے والا جنت کا خزانہ ہاتھوں سے نکل جاتا ہے۔ خدا کی قسم کسی عزیز کی فوتگی کے مقابلہ میں جنت کا خزانہ ہاتھوں سے نکل جانا بڑا نقصان ہے

ہے صبر تو خزانہ فردوس عاشقوں

عاشق کے لب پہ شکوہ کبھی بھی نہ آسکے

تمام سوگواروں کی خدمتوں میں عرض ہےکہ نمازوں کی پابندی کرتے رہیں۔ گناہوں سے پاک سنتوں بھری زندگی گزار یں۔ دعوت اسلامی کے دینی ماحول سے ہر دم وابستہ رہیں۔ خاندان کے تمام اسلامی بھائی اپنے چہرے پرتھوڑی کے نیچے ایک مٹھی داڑھی سجائیں۔ داڑھی منڈانا اور ایک مٹھی سے گھٹانا حرام اور جہنم میں لے جانے والا کام ہے۔ معا ذا للہ

اب تک جس نے داڑ ھی منڈائی یا ایک مٹھی سے گھٹائی ہو اس پر واجب ہے کہ فوراً توبہ کرے اور پکا عہد کر یں کہ نہ اب داڑھی کٹے نہ ایک مٹھی سے گھٹے۔ مردوں کے لئے زلفیں رکھنا سنت ہے۔ اللہ کریم کے پیارے پیارے آخری نبی مکی مدنی محمد عربی صلی اللہ علیہ وآلہ وسلم نے کبھی آدھے مبارک کان تک کبھی پورے مبارک کان تک اور کبھی مبارک کندھوں تک بال شریف بڑھائے ، زہے نصیب اس سنت پر بھی عمل کی سعادت نصیب ہوجائے۔

یاد رہے کہ مرد کے لیے بالوں کو اتنا بڑھانا کہ کندھوں سے نیچے پہنچ جائے حرام اور گناہ ہے جب کہ عورت کے لئے بالوں کو کاٹ کر کندھے سے اوپر کرلینا حرام و گناہ ہے۔ اس مسئلے کی مزید تفصیلات کے لیے فتاویٰ رضویہ شریف جلد 21 صفحہ نمبر 600کا مطالعہ فرمائیں۔ ہر جمعرات کو اچھی اچھی نیتوں کے ساتھ دعوت اسلامی کے سنتوں بھرے اجتماع میں اول تا آخر شریک ہوں۔ وہیں رات بھی گزاریں، وہیں سوئیں۔ تہجد کی سعادت حاصل کریں، رقت انگیز دعائے تہجد کی بھی برکتیں لوٹیں۔

سنتیں سیکھنے سکھانے کے لئے ہرماہ کم از کم تین دن مدنی قافلوں میں عاشقانِ رسول کے ساتھ سنتوں بھرا سفر اختیار کریں ۔ گھر کی تمام اسلامی بہنیں ہر بدھ کو دوپہر کے وقت ہونے والے دعوت اسلامی کے علاقائی سنتوں بھرے اجتماع میں شروع سے آخر تک شریک ہوں گھر کے تمام ا فراد اچھی اچھی نیتوں کے ساتھ روزانہ اپنے اعمال کا جائزہ لے کر مکتبہ المدینہ کے نیک اعمال نامی رسالہ میں دیئے ہوئے خانے پُر کریں اور ہر ماہ پہلی تاریخ کو اپنے یہاں کے دعوت اسلامی کے شعبہ اصلاحِ اعمال کے ذمہ دار کو جمع کروائیں ان شا اللہ الکریم تقویٰ کا انمول خزانہ ہاتھ آئے گا اور عشقِ رسول کے جھلکتے جام نصیب ہوں گے ہفتہ وار دینی رسالہ ضرور پڑھا یا سنا کریں اگر پڑھ نہیں سکتے تو آڈیو میں سنا بھی جاسکتا ہے ۔

دعوت اسلامی کے اکلوتے ”ماہنامہ فیضانِ مدینہ“ کی اگربکنگ نہ کروائی تو 12 ماہ کے لئے کروالیں اور عمر بھر یہ سلسلہ جاری رکھیں اور پڑھتے بھی رہیں معلومات کا ڈھیروں ڈھیر خزانہ ہاتھ آئے گا۔ان شا اللہ الکریم

مزید کم از کم ایک فرد کو 12ماہ کے لئے ماہنامہ فیضانِ مدینہ کی بکنگ کروانے کے لئے تیار کیجئے اور ثواب کے حق دار بنیں، ہوسکے تو پچیس سو روپے یا اس کے زیادہ کے دینی رسائل مکتبۃ المدینہ سے خرید کر تقسیم فرمادیجئے۔

زہے نصیب مرحوم کے ایصالِ ثواب کے لئے اللہ پاک کے دیئے ہوئے مال میں سے مسجد بنادیجئے یا مسجد کی تعمیر میں حصہ ہی لے لیجئے، مسجد بنانے کی بڑی فضیلت ہے فرمانِ مصطفی صلی اللہ علیہ وآلہ وسلم جس نے اپنے حلال مال سے وہ گھر بنایا جس میں اللہ پاک کی عبادت کی جائے تو اللہ پاک اس کے لیے جنت میں موتی اور یاقوت کا گھر بنائیگا۔