مری بار ایسوسی ایشن پنجاب میں دعوتِ اسلامی کے شعبہ رابطہ برائے وکلاکے تحت محفل نعت کا انعقاد کیا گیا۔ اس اجتماع میں وکلا، ججز،  بار ایسوسی ایشن کے سابق صدر، اور آصف اقبال عباسی ایڈووکیٹ نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد اظہر عطاری نے ”سیرت النبی صلَّی اللہ علیہ واٰلہٖ وسلَّم اور ہماری زندگی“ کے موضوع پر سنتوں بھرا بیان کیا۔ انہوں نے شرکا کو نیک اعمال کرنے، جھوٹ سے بچنے، مظلوم کی خیرخواہی کرنے اور ظالم کا ساتھ نہ دینے جیسی اہم اسلامی اقدار اپنانے کی تلقین کی۔

محفل کے اختتام پر حاجی محمد اظہر عطاری نے خصوصی دعا کروائی جس میں امتِ مسلمہ کی فلاح، ملک و قوم کی سلامتی اور تمام حاضرین کی دنیا و آخرت کی بھلائی کے لئے دعائیں کی گئیں۔