23 جولائی 2024ء کو عاشقانِ رسول کی دینی تحریک دعوتِ اسلامی کے تحت 8  دینی کاموں کا فالو اپ لینے کے لئے مدنی مشورہ ہوا جس میں ایڈیلیڈ نگران سمیت دیگر ذمہ دار اسلامی بہنوں نے شرکت کی۔

اس موقع پر جن موضوعات پر نگران و ذمہ دار اسلامی بہنوں نے گفتگو کی اُن میں سے بعض یہ ہیں: ٭8 دینی کاموں کو بڑھانا٭نئی اسلامی بہنوں کی تقرری کرنا٭فیضان ایک اینڈ اسلامک اسکول شروع کروانا٭مدرسۃ المدینہ گرلز کی کلاسز میں اضافہ کرنا٭اصلاحِ اعمال ذمہ دار کی نمایاں کارکردگی پر حوصلہ افزائی کرنا٭علاقائی دورہ برائے نیکی کی دعوت پر ذمہ دار کی تقرری کرنا٭معلمہ، مدرسۃ المدینہ بالغات کے کلاسز اور ذیلی حلقوں کی تعداد میں اضافہ کرنا٭دینی کاموں کو ایک کاؤنسل (North) سے دوسرے کاؤنسل (South) میں بڑھانا۔

نیوزی لینڈ میں دعوتِ اسلامی کے تحت ہونے والے دینی کاموں کے سلسلے میں 23 جولائی 2024ء کو مدنی مشورے کا انعقاد ہوا جس میں نگران سمیت دیگر سطح کی ذمہ دار اسلامی بہنیں شریک ہوئیں۔

معلومات کے مطابق مدنی مشورے کے دوران مختلف اہم نکات پر تبادلۂ خیال کیا گیا جن میں سے بعض درج ذیل ہیں:

٭مدنی قاعدہ ٹیسٹ اور ریجن میں ہونے والے دینی کام٭شعبہ جات میں تقرری٭سابقہ ذمہ دار اسلامی بہنوں کے متعلق٭روزانہ تفسیر سننے / سنانے کے حلقے میں شرکت کرنا٭علاقائی دورہ برائے نیکی کی دعوت، مبلغہ اور معلمات کی تعداد کارکردگی فارم میں دینا٭نیوزی لینڈ میں رہائشی کورسز اور سفرِ شیڈول پر کلام۔

اسلامی بہنوں کے درمیان ہونے والے دینی کاموں کے سلسلے میں 19 جولائی 2024ء کو آن لائن ایک میٹنگ ہوئی جس میں نیپال کی ملک نگران اور ڈویژن نگران  اسلامی بہنوں کی شرکت ہوئی۔

اس میٹنگ میں دعوتِ اسلامی کی نگرانِ عالمی مجلسِ مشاورت اسلامی بہن نے سابقہ دیئے گئے اہداف کا جائزہ لیا اور آئندہ کے لئے اہداف بھی بتائے جس پر اسلامی بہنوں نے اچھی اچھی نیتیں کیں۔

27 جولائی 2024ء کو کینیڈا کے علاقے ونی پیگ(Winnipeg) میں دعوتِ اسلامی کے دینی کاموں کو عام کرنے کے سلسلے میں نگرانِ کینیڈا سب کونٹیننٹ اسلامی بہن کا مقامی ذمہ داران کے ہمراہ مدنی مشورہ ہوا۔

اس دوران مختلف موضوعات پر کلام کیا گیا جن میں علاقے کے دینی کاموں کو بڑھانا، مقامی اسلامی بہنوں کو دینی ماحول سے منسلک کرنا، سنتوں بھرے اجتماعات، مدرسۃ المدینہ بالغات اور آن لائن کورسز کے لئے اسلامی بہنوں کو ترغیب دلانا شامل تھا۔

علاوہ ازیں نگرانِ کینیڈا سب کونٹیننٹ کا کہنا تھا کہ اسلامی بہنوں کو آن لائن مدرسۃ المدینہ بالغات میں داخلہ دلوایا جائے تاکہ وہی اسلامی بہنیں بعد میں مدرسۃ المدینہ بالغات میں بطورِ معلمہ پڑھا سکیں۔

کراچی کے علاقے حسین آباد بلاک نمبر 2 میں دعوتِ اسلامی کے تحت 24 جولائی 2024ء کو ہفتہ وار سنتوں بھرا اجتماع منعقد کیا گیا جس میں مقامی ذمہ داران اور اسلامی  بہنوں نے شرکت کی۔

معمول کے مطابق اجتماع کا آغاز تلاوتِ قراٰن اور نعتِ رسولِ مقبول صلَّی اللہ علیہ واٰلہٖ وسلَّمسے کیا گیا جس کے بعد نگرانِ عالمی مجلسِ مشاورت اسلامی بہن نے ”حقوق العباد“ کے حوالے سے بیان کرتے ہوئے حاضرین کی ذہن سازی کی اور اختتامی دعا کروائی۔

بعدِ اجتماع وہاں موجود اسلامی بہنوں نے نگرانِ عالمی مجلسِ مشاورت سے ملاقات کی اور دینی کاموں میں حصہ لینے کی اچھی اچھی نیتیں کیں۔

تعلیمِ قراٰں عام کرنے والی عاشقانِ رسول کی دینی تحریک دعوتِ اسلامی  کے تحت 25 جولائی 2024ء کو کینیڈا میں شعبہ مدرسۃ المدینہ بالغات کی ذمہ دار اسلامی بہنوں کا مدنی مشورہ منعقد ہوا۔

نگرانِ کینیڈا سب کونٹیننٹ اسلامی بہن نے 8 دینی کاموں کے متعلق گفتگو کرتے ہوئے ذمہ داران کی تربیت و رہنمائی کی اور آن لائن مدرسۃ المدینہ میں مزید بہتری لانے کی ترغیب دلائی۔

اس کے علاوہ نگرانِ کینیڈا سب کونٹیننٹ نے مدرسات ٹیسٹ کا ہدف مکمل کرنے اور ٹیسٹ پاس کرنے والی مدرسات کو کلاس شروع کروانے کا ذہن دیا جس پر انہوں نے اچھی اچھی نیتیں کیں۔

دعوتِ اسلامی کے تحت کراچی کے علاقے صدیق آباد میں ہونے والے 8 دینی کام کورس (رہائشی) میں22 جولائی 2024ء کو صاحبزادیِ عطار سلمہا الغفار اور نگرانِ عالمی مجلسِ مشاورت کی آمد ہوئی۔

اس موقع پر نگرانِ عالمی مجلسِ مشاورت اسلامی بہن نے ”استقامت“ کے موضوع پر بیان کیا جبکہ صاحبزادیِ عطار سلمہا الغفار نے بھی اسلامی بہنوں کی تربیت و رہنمائی کرتے ہوئے انہیں مدنی پھولوں سے نوازا۔

بعدازاں UK سے آئی ہوئی اسلامی بہن کی صاحبزادیِ عطار سلمہا الغفاراور نگرانِ عالمی مجلسِ مشاورت سے ملاقات ہوئی نیز انہیں دعوتِ سلامی کے کُتُب و رسائل تحفے میں پیش کئے گئے۔

8اگست2024ءکو فیضان مدینہ فیصل آباد میں ماہانہ مدنی مشورہ ہوا  جس میں رکن شوری ابوماجد حاجی محمد شاہد مدنی عطاری اور نگران شعبہ محمد افضل عطاری مدنی نے شعبہ کے مختلف کاموں کا جائزہ لیا مزید شعبہ کے متعلق اہداف دیئے ذمہ داران کی شعبہ کے متعلق تربیت فرمائی ۔

دوسری جانب فیصل آباد میں واقع نیو سوسائٹی خیابان گارڈن میں ایک شخصیت میاں محمد سعود کی والدہ محترمہ کے ایصال ثواب کے لیے رکن شوری نے اسپیشل باکس لگایاجبکہ اس موقع پر خیابان گارڈن کی مختلف شخصیات اور دیگر شعبہ جات کے ذمہ داران بھی موجود تھے ۔ (رپورٹ:حافظ نسیم عطاری سوشل میڈیا ڈیپارٹمنٹ ،کانٹینٹ:محمد شعیب احمد) 

7اگست2024ء کو دعوت اسلامی کے رکن شوری ابوماجد حاجی محمد شاہد مدنی عطاری کا پاکپتن شریف کا وزٹ ہوا جس میں تحصیل نگران حافظ امین اور صوبائی ذمہ دار محمد فہیم عطاری نے شرکت کی رکن شوری نے اسلامی بھائیوں کی تربیت فرمائی۔

فیضانِ صحابیات کا پاکپتن میں افتتاح کیا اور مدنی مشورہ فرمایا ساتھ ہی رکن شوری ابوماجد حاجی محمد شاہد مدنی عطاری نے اوراق مقدسہ کے نیو باکسز لگائے اور آخر میں رکنِ شوری نے دعاؤں سے نوازا ۔(رپورٹ:حافظ نسیم عطاری سوشل میڈیا ڈیپارٹمنٹ ،کانٹینٹ:محمد شعیب احمد)

24اگست2024ءکو ڈویژن ساہیوال کی ڈسٹرکٹ پاکپتن کے شہر بونگہ حیات میں شعبہ تحفظ اوراق مقدسہ کے تحت نشست ہوئی جس میں خصوصی شرکت اور بیان ڈویژن ذمہ دار عابد حسین مدنی نے حاضرین کو شعبے کا تعارف کروایا جبکہ باکس لگوانے کا ذہن دیتے ہوئے شعبے کے ساتھ مل کر کام کرنے کا ذہن دیا ۔

اس موقع پر حاضرین نے ہاتھوں ہاتھ باکسز لگوانے کے لیے مالی تعاون کیا جس پر ڈویژن ذمہ دار عابد حسین مدنی نے دعاؤں سے نوازا۔(رپورٹ حافظ نسیم عطاری سوشل میڈیا ڈیپارٹمنٹ ،کانٹینٹ:محمد شعیب احمد)

شعبہ کفن دفن دعوت اسلامی کے  زیر اہتمام محمودآبادچنیسر ٹاؤن میں 07اگست2024کو کفن دفن کے متعلق ایک نشست منعقد ہوئی جس میں ادارہ معارف القرآن کے درس نظامی کے طلباء ،حفظ کے طلباء اساتذہ اور متولی کی شرکت ہوئی۔

نشست میں شعبہ کفن دفن کے ذمہ دار عزیر عطاری نے مسلمان میت کو غسل دینے کی فضیلت بیان کرتے ہوئے حاضرین کو کفن کاٹنے، پہنانے کے متعلق آگاہی فراہم کرتے ہوئے غسل میت اور تدفین کا عملی طریقہ سکھایا جبکہ مسلم فیونرل اپلیکیشن کا تعارف کروا یا جس پر شرکا نے تعاون کا اظہار کیا ۔(رپورٹ: کفن دفن ایسٹ ذمہ دار،کانٹینٹ:محمد شعیب احمدعطاری)

آسٹریلیا ریجن میں دعوتِ اسلامی کے تحت اسلامی بہنوں میں ہونے والے دینی کاموں کے سلسلے میں 19 جولائی 2024ء کو مدنی مشورہ منعقد ہوا جس میں ملک سطح کی مشاورت اسلامی بہنوں نے شرکت کی۔

ذمہ دار اسلامی بہن نے نیو تنظیمی اپڈیٹس کے حوالے سے گفتگو کرتے ہوئے مدرسۃ المدینہ بالغات کے تحت لرننگ سیشنز منعقد کرنے اور کینبرا شہر میں سنتوں بھرے اجتماعات کا آغاز کرنے پر مشاورت کی۔

ذمہ دار اسلامی بہنوں نے کوئنز لینڈ سے رسالہ کارکردگی و اصلاحِ اعمال کارکردگی وصول کرنے اور اگست 2024ء میں یومِ آزادی منانے کے حوالے سے تبادلۂ خیال کیا جبکہ نومبر 2024ء میں ہونے والے نگران اجتماع کے متعلق بھی کلام کیا گیا۔